தெண்டுல்கரின் சாதனையை சமன் செய்ய விராட் கோலிக்கு இன்னும் ஒரு சதம்

இந்திய கிரிக்கெட்டின் ஜாம்பவானாக திகழ்ந்தவர் சச்சின் தெண்டுல்கர். பேட்டிங்கில் டெஸ்ட் மற்றும் ஒருநாள் போட்டிகளில் ஏராளமான சாதனைகள் படைத்துள்ளார். இவரது சாதனைகளை ஒன்றொன்றாக விராட் கோலி முறியடித்து வருகிறார்.

ஒருநாள் கிரிக்கெட்டில் சச்சின் தெண்டுர்கர் 49 சதங்கள் அடித்து சாதனைப் படைத்துள்ளார். விராட் கோலி 43 சதங்கள் அடித்துள்ளார்.

சச்சின் தெண்டுல்கர் 49-ல் 20 சதங்களை இந்திய மண்ணில் அடித்துள்ளார். விராட் கோலி 43-ல் 19 சதங்களை இந்திய மண்ணில் அடித்துள்ளார்.

நாளை தொடங்கும் ஆஸ்திரேலியாவுக்கு எதிரான தொடரில் ஒரு சதம் அடித்தார் சச்சின் சாதனையை சமன் செய்வார். ஆஸ்திரேலியா தொடரில் நான்காவது வீரராக களம் இறங்க வாய்ப்புள்ளது என்று கூறும் விராட் கோலி, சதம் அடிப்பாரா? என்று பார்க்க ரசிகர்கள் ஆவலாக காத்திருக்கிறார்கள்.