லாட்டரி விற்ற 3 பேர் கைது

 திருச்சி. 

திருச்சியில் லாட்டரி சீட்டுகள் விற்கப்படுவதாக போலீசாருக்கு தகவல் வந்தது. இதையடுத்து மாநகர போலீஸ் கமிஷனர் உத்தரவின் பேரில் திருச்சி அரசு மருத்துவமனை போலீஸ் சரக்கத்துக்கு உட்பட்ட கொடாப்புரோடு, குழுமணி ரோடு பகுதிகளில் சப்-இன்ஸ்பெக்டர் மதியழகன் தலைமையிலான போலீசார் அதிரடி சோதனை நடத்தினர். இந்த சோதனையில் லாட்டரி விற்றதாக வெங்கடாசலம், சங்கர், ரகு ஆகிய 3 பேர் கைது செய்யப்பட்டனர். அவர்களிடம் இருந்து 2 செல்போன்கள், இரு சக்கர வாகனம் மற்றும் பணம் ஆகியவை பறிமுதல் செய்யப்பட்டது.