அனைத்து இடங்களிலும் கொப்பரை கொள்முதல் நிலையம் திறக்க கோரிக்கை

அவிநாசி:

கட்சி சார்பற்ற தமிழக விவசாயிகள் சங்கத்தின், அவிநாசி ஒன்றியம் சார்பில் நிர்வாகிகள் ஆலோசனைக்கூட்டம் நடத்தப்பட்டது. இதில் தத்தனூர் கிராமத்தில் சிப்காட் தொழிற்பேட்டை அமைக்கும் திட்டத்தை ரத்து செய்து அரசாணை வெளியிட வேண்டும்.தென்னை விவசாயிகளின் வாழ்வாதாரம் பாதுகாக்க கொப்பரை கொள்முதல் விலையை கிலோவுக்கு 150 ரூபாய் என நிர்ணயம் செய்ய வேண்டும்.அனைத்து பகுதிகளிலும் கொள்முதல் நிலையங்கள் அமைக்க வேண்டும். தென்னை, பனை விவசாயிகளின் வாழ்வாதாரம் பாதுகாக்க கள் இறக்குவதற்கான தடையை நீக்க வேண்டும் என்பது உட்பட பல்வேறு தீர்மானங்கள் நிறைவேற்றப்பட்டன.