காங்கிரஸ் கட்சி சார்பில் ராகுல் காந்தி பிறந்தநாள் விழா

கீழக்கரை

ராமநாதபுரம் நகர் காங்கிரஸ் கட்சியின் சார்பில் நகர் தலைவர் கோபி தலைமையில் ராகுல் காந்தியின் பிறந்தநாளையொட்டி ராமநாதபுரம் அரண்மனை அருகே கோட்டைவாசல் விநாயகர் கோவிலில் அவரது பெயரில் அர்ச்சனை செய்து பொதுமக்களுக்கு இனிப்புகள் வழங்கினர். மாணவ-மாணவிகளுக்கு நோட்டுகள் மற்றும் எழுது பொருட்கள் வழங்கினர்.

இதில் மாவட்ட மகிலா காங்கிரஸ் தலைவி ராமலட்சுமி, மண்டபம் மேற்கு வட்டார தலைவர் அன்வர் அலி நத்தர், மாவட்ட பொதுச் செயலாளர் ஆறுமுகம், முன்னாள் காவல்துறை அதிகாரி முருகேசன், சிறுபான்மை துறை உதவி தலைவர் பனைக்குளம் ஹனீப் கான், மாவட்ட பொதுச்செயலாளர் மோதிலால் நேரு, அழகன்குளம் அல் அமீன், பொன்னுச்சாமி, பாண்டி, நகரச் செயலாளர் முகவை பாபு உள்பட பலர் கலந்து கொண்டனர்.