கறம்பக்குடியில் ஆர்ப்பாட்டம்

கறம்பக்குடி, 

புதுக்கோட்டை மாவட்டம் கறம்பக்குடியில் மார்க்சிஸ்ட் கம்யூனிஸ்ட் கட்சியின் சார்பில் மத்திய அரசின் பட்ஜெட்டை கண்டித்து கறம்பக்குடி சீனி கடை முகத்தில் கண்டன ஆர்ப்பாட்டம் நடைபெற்றது. மத்தியில் ஆளும் பாரதிய ஜனதா அரசை கண்டித்தும் மக்கள் விரோத போக்கை கண்டித்தும் கோஷங்கள் எழுப்பப்பட்டன. ஆர்ப்பாட்டத்திற்கு ஒன்றிய செயலாளர் வீரமுத்து தலைமை தாங்கி பேசினார். மேலும் கண்டன ஆர்ப்பாட்டத்தில் மாவட்ட விவசாய சங்க செயலாளர் பொன்னுசாமி உட்பட கட்சி நிர்வாகிகள், பொதுமக்கள் பலர் கலந்து கொண்டனர்.