ஊட்டி பள்ளியில் ஓணம் விழா

ஊட்டி,

ஊட்டியில் உள்ள கிரசண்ட் பள்ளியில் ஆண்டுதோறும் ஓணம் பண்டிகை கொண்டாடப்படுவது வழக்கம். இந்த ஆண்டு நடைபெற்ற கொண்டாட்டத்தில் சந்திராயன் 3 மற்றும் உலக செஸ் சாம்பியன் போட்டியில் இரண்டாம் இடம் பிடித்தது குறித்து பூக்களால் அத்தப்பூ கோலத்தில் மாணவ, மாணவிகள் அலங்கரித்தனா்.

நிகழ்ச்சியை பள்ளி தாளாளா் பாரூக் குத்துவிளக்கு ஏற்றி தொடங்கிவைத்தாா். கேரள பாரம்பரிய நடனமான திருவாதிரை நடனம் இடம்பெற்றது. மாணவிகளுக்கு பரிசுகள் வழங்கபட்டது.

ஓணத்தின் முக்கியத்துவம் குறித்து ஆசிரியர்கள் விளக்க உரையாற்றினர். மகாபலி சக்கரவர்த்தியை வரவேற்கும் வகையில் நடன நிகழ்ச்சி நடைபெற்றது. கதகளி மற்றும் பாரம்பரிய உடை அணிந்த மாணவிகளின் கண்கவர் நடனம் ஓணம் பண்டிகையை மேலும் அழகுறச்செய்தது.