போட்டி தேர்வுகளுக்கான சர்வதேச பயிலரங்கம்

மதுரை

மதுரை அமெரிக்கன் கல்லூரியில் முதுகலை மற்றும் பொருளாதார ஆராய்ச்சித்துறை சார்பில் போட்டித் தேர்வுகளுக்கான புள்ளியியல் சர்வதேச பயிலரங்கம் நடந்தது.

இதில் தமிழக அரசின் ஊரக வளர்ச்சி மற்றும் பஞ்சாயத்து ராஜ் சிறப்புச்செயலர் கருணாகரன் பங்கேற்றார். அவர் பேசியதாவது:-

மாணவர்கள் தங்கள் வாழ்க்கையில் ஒரு குறிக்கோள் மற்றும் இலக்குகளை வைத்திருக்க வேண்டும். போட்டித் தேர்வுகளில் கலந்து கொள்வதற்கான வழக்கமான பயிற்சிகள் மற்றும் தயாரிப்புக்கான வழிமுறைகளை மேற்கொள்ள வேண்டும்.

புள்ளியியல் பற்றிய கற்றல் மற்றும் நடைமுறைப் பயிற்சி மாணவர்கள் உலகளாவிய, தேசிய மற்றும் மாநில அளவில் வேலை வாய்ப்புகளைப் பெற உதவுகிறது. இவ்வாறு அவர் பேசினார். முதல்வர் மற்றும் செயலர் தவமணி கிறிஸ்டோபர் தலைமை தாங்கி பேசுகையில், மாணவர்கள் புள்ளி விவரங்களை கற்றுக் கொண்டால் பாடங்களில் தேர்ச்சி பெற்று, பிரகாசித்து, போட்டித் தேர்வுகளில் தேர்ச்சி பெறுவார்கள்.

நாளுக்கு நாள் வெகுஜனப் பயிற்சியைக்காட்டிலும் விநியோகப் பயிற்சியைப் பின்பற்றுவது, வாரத்திற்கு ஒரு முறையாவது முக்கோணங்கள் அல்லது குவாட்களில் படிப்பது, சூத்திரங்களை மனப்பாடம் செய்யாமல், கருத்துகளைப் படிப்பது போன்ற 7 படிகளைக் கற்றுக்கொள்வதற்கான புள்ளி விவரங்களை அவர் எடுத்துரைத்தார்.