கர்நாடகா சொகுசு பஸ் கவிழ்ந்து 14 பேர் படுகாயம்

சத்தியமங்கலம்:

ஊட்டியில் இருந்து நேற்று இரவு கர்நாடக மாநில தனியார் சொகுசு பஸ் பெங்களூருக்கு புறப்பட்டது. இந்த பஸ்சில் 13 பேர் பயணம் செய்தனர். பஸ்சை பெங்களூருவை சேர்ந்த ரவி (42) என்பவர் ஓட்டி சென்றார்.

அந்த பஸ் ஈரோடு மாவட்டம் சத்திய மங்கலத்தை அடுத்துள்ள பெரிய கள்ளிப்பட்டி வழியாக சென்று கொண்டு இருந்தது.

தொடர்ந்து அந்த பஸ் சத்தியமங்கலம்- ஊட்டி மெயின் ரோடு பெரிய கள்ளிபட்டி சோதனை சாவடி அருகே நேற்று நள்ளிரவு 1 மணி அளவில் சென்று கொண்டு இருந்தது,.

அப்போது அந்த சொகுசு பஸ் டிரைவரின் கட்டுப்பாட்டை இழந்து திடீரென ரோட்டில் கவிழ்ந்தது. நள்ளிரவு நேரம் என்பதால் தூக்கத்தில் இருந்த பயணிகள் என்ன என்று தெரியாமல் அலறினர்.

இதில் பஸ்சில் பயணம் செய்த டிரைவர் உள்பட 14 பேர் சிறு காயங்களுடன் உயிர் தப்பினர். இதை பற்றி தகவல் அறிந்ததும் பவானி சாகர் போலீசார் சம்பவ இடத்துக்கு வந்தனர்.

இதை தொடர்ந்து காயம் அடைந்த வர்களை ஆம்புலன்சு மூலம் மீட்கப்பட்டு சத்தியமங்கலம் அரசு ஆஸ்பத்திரிக்கு அனுப்பி வைத்தனர்.

அங்கு அவர்கள் அனுமதிக்கப்பட்டு சிகிச்சை பெற்று வருகிறார்கள். இதனால் அந்த பகுதியில் போக்குவரத்து பாதிக்கப்பட்டது. இதை போலீசார் சரி செய்தனர்.

இது குறித்து பவானிசாகர் போலீசார் வழக்கு பதிவு செய்து விசாரணை நடத்தி வருகிறார்கள்.