பள்ளி மாணவர்கள் விடுதியில் தங்கி பயிற்சி பெற அழைப்பு

பெரம்பலூர்:

பெரம்பலூர்   மாவட்ட கலெக்டர்  ஸ்ரீவெங்கடபிரியா  வெளியிட்டுள்ள அறிக்கையில்  கூறியிருப்பதாவது:- 

தமிழ்நாடு விளையாட்டு மேம்பாட்டு ஆணையத்தின் கீழ் பள்ளிகளில் பயிலும் மாணவ, மாணவியர்களுக்கு விளையாட்டுத்துறையில் சாதனைகள் புரிவதற்கு ஏற்ப நல்ல பயிற்சி,  தங்குமிட வசதி மற்றும் சத்தான  உணவுடன் கூடிய   விளையாட்டு விடுதிகள் மற்றும் விளையாட்டு பள்ளிகள் சிறப்பாக செயல் பட்டு வருகின்றன. 

மாணவர்களுக்கான விளையாட்டு விடுதிகள் மதுரை, திருச்சி, திருநெல் வேலி, கிருஷ்ணகிரி, கோயம்புத்தூர், கடலூர், தஞ்சாவூர், அரியலூர்,  தூத்துக்குடி, சிவகங்கை, தேனி, ராமநாத புரம், உதகமண்டலம், விழுப்புரம், சென்னை, நெய்வேலி, மற்றும் நாமக்கல் ஆகிய இடங்களில் செயல்பட்டு வருகின்றன.  

மாணவியருக்கான விளையாட்டு விடுதிகள் ஈரோடு, திருவண்ணாமலை, நாமக்கல்,   திண்டுக்கல், நாகர்கோவில், பெரம்பலூர், தேனி, புதுக்கோட்டை, தருமபுரி மற்றும் சென்னை ஆகிய இடங்களில் செயல்பட்டு வருகின்றன. 

மேற்காணும்  விளையாட்டு விடுதிகளில்  உள்ள விளை யாட்டுகளில் பயிற்சிபெற்று சிறந்த விளையாட்டுவீரராக விளங்குவதற்கு 7-ம் வகுப்பு, 8-ம் வகுப்பு,  9-ம் வகுப்பு மற்றும் 11-ம் வகுப்பு சேர்க்கை க்கு மாவட்ட அளவில் 23.3.22 அன்று பெரம்பலூர் மாவட்டவிளை யாட்டு அரங்கத்தில் காலை 7.00 மணி முதல் நடைபெற உள்ளது. 

மாணவர்களுக்கு தடகளம், இறகுப்பந்து,  கூடைப்பந்து, குத்துச்சண்டை,  கிரிக்கெட், கால்பந்து,  வாள்சண்டை, ஜிம்னாஸ்டிக்ஸ், கைப் பந்து, ஹாக்கி,நீச்சல்,  டேக் வோண்டோ, வாலிபால், பளுதூக்குதல், கபாடி, மேசைப்பந்து,  

டென்னிஸ், ஜீடோ, ஸ்குவாஷ்  மற்றும் வில்வித்தை போன்ற  விளையாட்டுக் களும், மாணவிகளுக்கு தடகளம்,  இறகுப்பந்து, கூடைப்பந்து, குத்துச் சண்டை, கால்பந்து, வாள் சண்டை, கைப்பந்து, ஹாக்கி, நீச்சல், டேக் வோண்டோ, வாலிபால், பளுதூக்குதல், கபாடி, டென்னிஸ், ஜீடோ மற்றும் ஸ்குவாஷ் போன்ற விளையாட்டுக்களும் நடை பெறும். 

மாவட்ட, மாநில மற்றும் தேசிய அளவில் வெற்றி பெற்ற மாணவர்களுக்கு முன்னுரிமை வழங்கப்படும். மேலும், விபரங்களுக்கு  மாவட்ட விளையாட்டுமற்றும் இளைஞர் நல அலுவலரை 7401703516 என்ற தொலை பேசி எண்ணில் தொடர்பு கொள்ளலாம்.  

இவ்வாறு அதில் கூறப்பட்டுள்ளது.