ஜெயலலிதா சிகிச்சை வீடியோ வெளியீடு: தினகரன்-வெற்றிவேலை கண்டித்து அ.தி.மு.க.வினர் போராட்டம்

மயிலாடுதுறை:

ஜெயலலிதா சென்னை அப்பல்லோ ஆஸ்பத்திரியில் சிகிச்சை பெற்ற வீடியோ காட்சியை தினகரன் ஆதரவாளரான வெற்றிவேல் நேற்று வெளியிட்டார்.

ஆர்.கே. நகர் தேர்தல் நடைபெறும் நிலையில் இந்த வீடியோ வெளியானது அரசியல் வட்டாரத்தில் பெரும் பரபரப்பை ஏற்பட்டது.

இதற்கு கண்டனம் தெரிவித்து நாகை மாவட்டம் மயிலாடுதுறையில் அ.தி.மு.க.வினர் ஆர்ப்பாட்டம் நடத்தினர்.

நகர அவை தலைவர் அலி தலைமையில் அ.தி.மு.க.வினர் தினகரன், வெற்றிவேல் ஆகியோர் பட பேனருக்கு செருப்பு மாலை அணிவித்து கண்டன கோ‌ஷங்களை எழுப்பினர். தினகரன், வெற்றிவேல் மீது தேர்தல் ஆணையம் நடவடிக்கை எடுக்க வேண்டும் என்று கோ‌ஷங்களை எழுப்பினர்.