கல்லீரல் கோளாறுகளுக்கு சிறந்த சூப்

Published On 2019-07-15 04:37 GMT | Update On 2019-07-15 04:37 GMT

பீட்ரூட் உடலில் உள்ள இரத்த கழிவுகளை நீக்கி உடலுக்கு குளிர்ச்சியை தருகிறது. கல்லீரல் கோளாறுகளுக்கும் பீட்ரூட் ஒரு சிறந்த டானிக். இன்று பீட்ரூட் சூப் செய்முறையை பார்க்கலாம்.

தேவையான பொருட்கள் :

பீட்ரூட் - 1/4 கிலோ
தக்காளி - 2
பெரிய வெங்காயம் - 1
வெண்ணெய் - 25 கிராம்
மிளகுத்தூள் - தேவையான அளவு
கரம்மசாலா தூள் - 1/4 டீஸ்பூன்
உப்பு - தேவையான அளவு
சோளா மாவு - 2 டீஸ்பூன்
கிரீம் - 1 டீஸ்பூன்

தண்ணீர் - 3 கப்

செய்முறை :

பீட்ரூட்டை தோல் சீவி துருவியால் துருவிக் கொள்ளவும்.

தக்காளி, வெங்காயத்தை பொடியாக நறுக்கி கொள்ளவும்.

சோளா மாவை அரை கப் தண்ணீரில் கரைத்து கொள்ளவும்.

குக்கரில் 3 கப் தண்ணீர் ஊற்றி நறுக்கிய வெங்காயம், தக்காளி, பீட்ரூட்டை போட்டு அத்துடன் மிளகுத்தூள், உப்பு, கரம்மசாலா தூள், வெண்ணெய் சேர்த்து 2 விசில் போட்டு வேக விடவும். வெந்ததும் மசித்து வடிகட்டிக் கொள்ளவும்.

ஒரு பாத்திரத்தில் வடிகட்டிய பீட்ரூட் சாறுடன் கரைத்து வைத்துள்ள சோளமாவு கரைசலை ஊற்றி கொதிக்க விடவும்.

நன்றாக கொதிக்கும் போது அத்துடன் 1 டீஸ்பூன் கிரீம் சேர்க்கவும்.

சூப்பரான பீட்ரூட் சூப் ரெடி.

பிரெட் துண்டுகளை நெய்யில் வறுத்து சூடான கப்பில் போட்டு பரிமாறவும்.

இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.