லைவ் அப்டேட்ஸ்: இலங்கையை வீழ்த்தி அரையிறுதிக்கு முதல் அணியாக தகுதி பெற்றது இந்தியா

இலங்கை அணி 55 ரன்னில் ஆல் அவுட் ஆனது. இதனால் இந்தியா 302 ரன்கள் வித்தியாசத்தில் வெற்றி பெற்றது.இதன் மூலம் நடப்பு உலகக் கோப்பை தொடரில் முதல் அணியாக அரையிறுதிக்கு இந்தியா தகுதி பெற்றது.

உலக கோப்பையில் அதிக விக்கெட் எடுத்த இந்திய வீரர்களில் முகமது சமி முதல் இடத்தை பிடித்து சாதனை படைத்துள்ளார். அவருக்கு அடுத்தப்படியாக ஜாகீர் கான் ஸ்ரீநாத் 44 விக்கெட்டுகளுடன் 2 மற்றும் 3 -வது இடத்தில் உள்ளனர்.

உலக கோப்பையில் அதிக விக்கெட் வீழ்த்திய இந்திய வீரர்களில் ஜாகீர் கான் மற்றும் ஸ்ரீநாத் சாதனையை முகமது சமி சமன் செய்தார். 

முகமது சமி பந்து வீச்சில் மேத்யூஸ் 12 ரன்னில் அவுட் ஆனார்.

3 -வது விக்கெட்டை கைப்பற்றினார் முகமது சமி. சமீரா 0 ரன்னில் ஆட்டமிழந்தார்.

10 ஓவரில் இலங்கை அணி 6 விக்கெட்டுகளை இழந்து 14 ரன்கள் மட்டுமே எடுத்துள்ளது.

முகமது சமி பந்து வீச்சில் அசலங்கா 24 பந்துகள் சந்தித்து 1 ரன்னில் அவுட் ஆனார். அடுத்து வந்த ஹேமந்தா முதல் பந்திலேயே அவுட் ஆனார்.

குசல் மெண்டீஸ் விக்கெட்டை வீழ்த்தினார் சிராஜ்.

சிராஜ் வீசிய முதல் ஓவரின் 5-வது பந்தில் மேலும் ஒரு விக்கெட்டை வீழ்த்தினார். சமரவிக்ரமா 0 ரன்னில் ஆட்டமிழந்தார்.

சிராஜ் வீசிய முதல் ஓவரின் முதல் பந்தில் கருரத்னே 0 ரன்னில் அவுட் ஆனார்.