Coolie The Powerhouse பாடலை கேட்டு தலைவர் சொன்ன விஷயம் - அனிருத்

நடிகர் ரஜினிகாந்த் மற்றும் இயக்குநர் லோகேஷ் கனகராஜ் கூட்டணியில் உருவாகி இருக்கும் திரைப்படம் கூலி. இப்படத்திற்கு அனிருத் இசையமைத்துள்ளார். இந்தப் படத்தில் அமீர் கான், சத்யராஜ், நாகர்ஜுனா, சௌபின் ஷாஹிர், ஸ்ருதிஹாசன், பகத் பாசில், ரெபா மோனிகா ஜான் மற்றும் உபேந்திரா ஆகியோர் நடித்துள்ளனர்.

கூலி திரைப்படம் வரும் ஆகஸ்ட் 14-ம் தேதி வெளியாகிறது. அண்மையில் படத்தின் பாடலான கூலி தி பவர்ஹவுஸ் பாடல் வெளியாகி பட்டி தொட்டி எங்கும் எதிரொலித்து கொண்டு இருக்கிறது. படத்தின் இசை மற்றும் டிரெய்லர் வெளியீட்டு விழா நாளை நடக்க இருக்கிறது.

படத்தின் ப்ரோமோஷன் பணிகள் தீவிரமாக நடைப்பெற்று வருகிறது. சமீபத்தில் நடந்த நேர்காணல் ஒன்றில் அனிருத் கூறியதாவது " கூலி தி பவர் ஹவுஸ் பாடலை கேட்டு ரஜினி சார் எனக்கு மெசெஜ் அனுப்பி இருந்தார். அதில் அவர் அருமை...உன்னால் ஹுகும் பாடலை வெல்ல முடியாது என நினைத்தேன் ஆனால் மீண்டும் ஒருமுறை செய்துள்ளாய்" என கூறியுள்ளார்.