விஜய் தேவரகொண்டாவின் கிங்டம் படத்தின் டிரெய்லர் ரிலீஸ் அறிவிப்பு!

விஜய் தேவரகொண்டா தற்போது அவரது 13-வது படமாக 'கிங்டம்' திரைப்படத்தில் நடித்து முடித்துள்ளார்.

இத்திரைப்படத்தை இயக்குநர் கௌதம் தின்னனுரி இயக்கியுள்ளார். அனிருத் இசையமைத்த இப்படத்தை ஸ்ரீ காரா ஸ்டுடியோஸ் வழங்குகிறது. திரைப்படம் வரும் 31 ஆம் தேதி வெளியாகிறது.

கௌதம் தின்னனுரி இதற்கு முன் 'ஜெர்ஸி' & 'மல்லி ராவா' ஆகிய படங்களை இயக்கி, அதற்கு தேசிய விருது வென்றார் என்பது குறிப்பிடத்தக்கது.

இப்படம் தமிழ், தெலுங்கு, இந்தி ஆகிய மொழிகளில் வெளியாகவுள்ளது.

இப்படத்திற்காக கடுமையாக உடற்பயிற்சி செய்து விஜய் தேவரகொண்டா சிக்ஸ் பேக் வைத்துள்ளார்.

படத்தின் பாடல்கள் வெளியாகி மக்களிடையே நல்ல வரவேற்பை பெற்றது. இந்நிலையில் படத்தின் டிரெய்லர் ரிலீஸ் தேதியை படக்குழு தெரிவித்துள்ளது. அதன்படி படத்தின் டிரெய்லர் வரும் 26 ஆம் தேதி வெளியாகிறது. டிரெய்லர் வெளியீட்டு விழா திருப்பதியில் நடைப்பெற இருக்கிறது.