நடிகர் கார்த்தி பிறந்தநாள்- சிறப்பு போஸ்டரை வெளியிட்டு வாழ்த்து தெரிவித்த படக்குழு

நடிகர் கார்த்தி இயக்குநர் பிரேம் குமார் இயக்கத்தில் 'மெய்யழகன்' படத்தில் நடித்திருந்தார். தற்போது 'சூது கவ்வும்', 'காதலும் கடந்து போகும்' உள்ளிட்ட படங்களை இயக்கிய இயக்குநர் நலன் குமாரசாமி இயக்கத்தில் "வா வாத்தியார்" படத்தில் நடித்து வருகிறார்.

கார்த்தி நடிக்கும் 26வது படமாக 'வா வாத்தியார்' உருவாகி வருகிறது. இந்தப் படத்தில் நடிகர் கார்த்தி எம்.ஜி.ஆர். ரசிகனாக நடிக்கிறார். இந்த படத்தை ஸ்டூடியோ கிரீன் நிறுவனம் தயாரிக்க சந்தோஷ் நாராயணன் இசையமைத்துள்ளார்.

சத்யராஜ் இப்படத்தில் வில்லனாக நடித்துள்ளார். மேலும் நடிகர் ராஜ் கிரண் இப்படத்தில் முக்கிய கதாபாத்திரத்தில் நடித்துள்ளார். முன்னதாக வெளியான இப்படம் தொடர்பான டீசர் மற்றும் முதல் பாடல் ரசிகர்களிடைய வரவேற்பை பெற்றது. இதையடுத்து இப்படம் வெளியாவது தொடர்பான அறிவிப்பு விரைவில் வெளியாகும் என தகவல் வெளியாகி உள்ளது.

இந்த நிலையில், நடிகர் கார்த்தி இன்று தனது பிறந்தநாளை கொண்டாடி வருகிறார். இதையொட்டி 'வா வாத்தியார்' படக்குழுவினர் அவருக்கு வாழ்த்து தெரிவிக்கும் வகையில் சிறப்பு போஸ்டரை வெளியிட்டுள்ளது. மேலும் ரசிகர்களும் அவருக்கு வாழ்த்து தெரிவித்து வருகின்றனர்.