சினிமா
புதிய கெட்-அப்புடன் அடுத்த படத்தை ஆரம்பித்த சிம்பு - வைரலாகும் புகைப்படம்
சுந்தர்.சி. இயக்கத்தில் சிம்பு நடிக்கும் படத்தின் படப்பிடிப்பு ஜார்ஜியாவில் இன்று துவங்கியிருக்கும் நிலையில், படப்பிடிப்பில் சிம்பு புதிய தோற்றத்தில் இடம்பெற்றுள்ளார். #STR #Simbu
திரிவிக்ரம் இயக்கத்தில் கடந்த 2013-ஆம் ஆண்டு வெளியாகி மாபெரும் வெற்றி பெற்ற படம் ‘அத்தாரின்டிகி தாரேதி’. பவன் கல்யாண் - சமந்தா - பிரணிதா இணைந்து நடித்த அந்தப் படம் ரசிகர்களிடையே நல்ல வரவேற்பைப் பெற்றது.
அந்த படத்தின் தமிழ் ரீமேக்கில் நடிக்க சிம்பு ஒப்பந்தமாகிய நிலையில், படத்தின் படப்பிடிப்பு ஜார்ஜியாவில் இன்று துவங்கியிருக்கிறது.
படப்பிடிப்பில் கலந்து கொண்ட சிம்புவின் புதிய தோற்றம் தற்போது சமூக வலைதங்களில் வைரலாகி வருகிறது.
இந்த படத்தில் சிம்பு ஜோடியாக மேகா ஆகாஷ் ஒப்பந்தமாகி உள்ளார். சமந்தா கதாபாத்திரம் தெலுங்கில் கவனம் பெற்ற நிலையில், மேகா ஆகாஷ் அந்த கதாபாத்திரத்தில் நடிக்க உள்ளார் என்பது குறிப்பிடத்தக்கது.
லைகா புரொடக்ஷன்ஸ் சார்பில் சுபாஷ்கரன் தயாரிக்கும் இந்த படம் அடுத்த ஆண்டு ஜனவரியில் ரிலீசாக இருப்பதாக கூறப்படுகிறது. #STR #Simbu #AttarintikiDaredi