கருணாநிதி மறைவுக்கு அமிதாப் பச்சன் இரங்கல் செய்தி

காவேரி மருத்துவமனையில் சிகிச்சைக்காக அனுமதிக்கப்பட்டிருந்த திமுக தலைவர் கருணாநிதி நேற்று மாலை காலமானார். அவரது மறைவுக்கு ஜனாதிபதி, பிரதமர் உள்பட அரசியல் தலைவர்கள், சினிமா பிரபலங்கள் உள்ளிட்ட பலரும் இரங்கல் தெரிவித்தார்கள்.

மேலும் சென்னை ராஜாஜி அரங்கத்தில் பொதுமக்கள் பார்வைக்காக அவரது உடல் வைக்கப்பட்டிருந்தது. இவரது உடலுக்கு பிரதமர் மோடி, காங்கிரஸ் தலைவர் ராகுல் உள்ளிட்ட பல அரசியல் தலைவர்கள் நேரில் அஞ்சலி செலுத்தினார்கள்.

மேலும் டுவிட்டரில் பல பிரபலங்கள் ஆழந்த இரங்கலை தெரிவித்து வருகிறார்கள். இந்நிலையில், பாலிவுட் நடிகர் அமிதாப் பச்சன், சிறந்த தலைவர் கருணாநிதி, அவர் முதலமைச்சராக இருக்கும் போது நான் விருது வாங்கி இருக்கிறேன். அவருக்கு என்னுடைய பிரார்த்தனை மற்றும் இரங்கல் என்று பதிவு செய்திருக்கிறார்.