விற்பனையில் 18 சதவிகிதம் வளர்ச்சியை பதிவு செய்த பஜாஜ் ஆட்டோ

பஜாஜ் ஆட்டோ லிமிட்டெட் நிறுவனம் இந்தியாவில் கடந்த ஆண்டு டிசம்பர் மாத வாகனங்கள் விற்பனையில் 18 சதவிகிதம் வளர்ச்சியை பதிவு செய்திருக்கிறது. 

டிசம்பர் 2017 இல் பஜாஜ் ஆட்டோ நிறுவனம் 2,92,547 வாகனங்களை விற்பனை செய்திருந்த நிலையில், 2018 டிசம்பரில் பஜாஜ் நிறுவனம் சுமார் 3,46,199 வாகனங்களை விற்பனை செய்திருக்கிறது. 

டிசம்பர் 2018 இல் மட்டும் பஜாஜ் நிறுவனம் 2,98,855 மோட்டார்சைக்கிள்களை விற்பனை செய்துள்ளது. இதே போன்று டிசம்பர் 2017 இல் பஜாஜ் நிறுவனம் 2,28,762 மோட்டார்சைக்கிள்களை விற்பனை செய்தது. அந்த வகையில் டிசம்பர் 2018 இல் மட்டும் பஜாஜ் இருசக்கர வாகனங்கள் விற்பனையில் 31 சதவிகிதம் வளர்ச்சியை பதிவு செய்துள்ளது. 

வர்த்தக ரீதியிலான வாகனங்கள் விற்பனையில் பஜாஜ் நிறுவனம் டிசம்பர் 2018 இல் 47,344 யூனிட்களை விற்பனை செய்திருக்கிறது. டிசம்பர் 2017 இல் பஜாஜ் நிறுவனம் 63,785 யூனிட்களை விற்பனை செய்திருந்த நிலையில், வர்த்தக வாகனங்கள் விற்பனையில் பஜாஜ் நிறுவனம் 26 சதவிகிதம் சரிவை சந்தித்துள்ளது.