பிக்சல் 7 சீரிஸை இந்தியாவில் அறிமுகம் செய்ய திட்டமிடும் கூகுள்

கூகுள் நிறுவனம் பிக்சல் 7 சீரிஸ் ஸ்மார்ட்போன்களை இந்தியாவில் அறிமுகம் செய்யவுள்ளதாக தகவல் வெளியாகியுள்ளது. கடந்த பிக்சல் 6 சீரிஸ் இந்தியாவில் அறிமுகமாகாத நிலையில் 7 சீரிஸ் இந்தியாவில் அறிமுகம் செய்யப்படவுள்ளதாக கூறப்படுகிறது.

பிக்சல் 7 சீரிஸில் பிக்சல் 7, பிக்சல் 7ஏ, பிக்சல் 7 ப்ரோ என 3 ஸ்மார்ட்போன்கள் வெளியாகவுள்ளது.

இந்த புதிய போன்களில் புதிய டென்சார் சிப்பில் இயக்கும் என்றும், 512 ஜிபி ஸ்டோரேஜ் வழங்கப்படும் என கூறப்படுகிறது. இதில் பிக்சல் 7 போன் பிக்சல் 6-ஐ விட குறைந்த அளவில் இருக்கும். கூகுள் பிக்சல் 7 ப்ரோவை பொறுத்தவரை 6.7 அல்லது 6.8 இன்ச் டிஸ்பிளே வழங்கப்படும் என எதிர்பார்க்கப்படுகிறது. இதில் இன் டிஸ்பிளே ஃபிங்கர்பிரிண்ட் இடம்பெறவுள்ளது.

இந்த பிக்சல் 7 சீரிஸை அக்டோபரில் அறிமுகம் செய்வதற்கு கூகுள் நிறுவனம் திட்டமிட்டு வருகிறது.