இணையத்தில் லீக் ஆன ஐபோன் எஸ்.இ.3 விவரங்கள்

ஆப்பிள் நிறுவனத்தின் ஐபோன் எஸ்.இ.3 எல்.சி.டி. டிஸ்ப்ளே கொண்டிருக்கும் என தகவல் வெளியாகி உள்ளது. சக்திவாய்ந்த ஏ13 பயோனிக் சிப் மற்றும் குறைந்த விலை காரணமாக ஐபோன் எஸ்.இ. 2020 இந்திய சந்தையில் நல்ல வரவேற்பை பெற்றது. 

அந்த வரிசையில், ஆப்பிள் நிறுவனம் ஐபோன் எஸ்.இ.3 மாடலை அறிமுகம் செய்யும் பணிகளில் ஈடுபட்டு வருகிறது. இந்த மாடல் அடுத்த ஆண்டு அறிமுகம் செய்யப்படலாம் என தகவல் வெளியாகி உள்ளது. முந்தைய ஐபோன் எஸ்.இ.2 ஐபோன் 8 மாடலை தழுவி உருவாக்கப்பட்டு இருந்தது.

புதிய ஐபோன் எஸ்.இ.3 ஐபோன் எக்ஸ்.ஆர். போன்ற டிசைன் கொண்டிருக்கும் என கூறப்படுகிறது. மேலும் இந்த மாடல் நாட்ச் டிஸ்ப்ளே மற்றும் வளைந்த பிரேம் கொண்டிருக்கும் என்றும் தகவல் வெளியாகி உள்ளது. இதில் பேஸ் ஐ.டி. அம்சம் வழங்கப்படுமா என்பது கேள்விக்குறியாகவே உள்ளது. இதன் கைரேகை சென்சார் போனின் பக்கவாட்டில் பொறுத்தப்பட்டு இருக்கும் என தெரிகிறது.