இணையத்தில் வெளியான புது ஐபோன் எஸ்இ விவரங்கள்

ஆப்பிள் நிறுவனம் அறிமுகம் செய்த ஐபோன் எஸ்இ 2020 மாடல் வாடிக்கையாளர்கள் மத்தியில் எதிர்பார்த்த அளவு வரவேற்பை பெறவில்லை. ஐபோன் 8 சார்ந்த வடிவமைப்பே இதற்கு முக்கிய காரணமாக பார்க்கப்படுகிறது. இந்த நிலையில், ஐபோன் எஸ்இ புது மாடல் பற்றிய விவரங்கள் இணையத்தில் வெளியாகி உள்ளது.

அதன்படி மூன்றாம் தலைமுறை ஐபோன் எஸ்இ 2022 ஆம் ஆண்டு அறிமுகமாகும் என்றும் இதில் 4.7 இன்ச் எல்சிடி ஸ்கிரீன் வழங்கப்படும் என்றும் கூறப்படுகிறது. இதுதவிர புதிய ஐபோன் எஸ்இ மாடல் 5ஜி வசதி கொண்டிருக்கும் என கூறப்படுகிறது. இதைத் தொடர்ந்து 2023 வாக்கில் மற்றொரு ஐபோன் எஸ்இ மாடலை ஆப்பிள் அறிமுகம் செய்ய இருப்பதாகவும் கூறப்படுகிறது.

இந்த மாடல் 6.3 இன்ச் டிஸ்ப்ளே, பன்ச் ஹோல் கேமரா போன்ற அம்சங்களை கொண்டிருக்கும் என கூறப்படுகிறது. 2023 ஆண்டு அறிமுகமாகும் ஐபோன் 14 சீரிஸ் பன்ச்-ஹோல் ரக டிஸ்ப்ளே கொண்டிருக்கும் என கூறப்படுகிறது.