search icon
என் மலர்tooltip icon

    தொழில்நுட்பம்

    ஒன்பிளஸ் 9 டீசர்
    X
    ஒன்பிளஸ் 9 டீசர்

    இந்தியாவில் பிரத்யேகமாக அறிமுகமாகும் ஒன்பிளஸ் ஸ்மார்ட்போன்

    ஒன்பிளஸ் நிறுவனத்தின் அதிகம் எதிர்பார்க்கப்படும் ஒன்பிளஸ் 9 மற்றும் ஒன்பிளஸ் 9 ப்ரோ மாடல்களுடன் பிரத்யேக ஸ்மார்ட்போன் இந்தியாவில் அறிமுகமாகிறது.


    ஒன்பிளஸ் 9ஆர் எனும் புது ஸ்மார்ட்போன் இந்தியாவில் மட்டும் பிரத்யேகமாக அறிமுகம் செய்யப்பட இருக்கிறது. இதனை ஒன்பிளஸ் தலைமை செயல் அதிகாரி பீட் லௌ உறுதிப்படுத்தி இருந்தார். மேலும் இதற்கான டீசரும் வெளியிடப்பட்டு உள்ளது. இந்த ஸ்மார்ட்போன் ஒன்பிளஸ் 9 சீரிஸ் மாடல்களுடன் அறிமுகமாகும் குறைந்த விலை 5ஜி மாடல் ஆகும்.

    புதிய ஒன்பிளஸ் 9ஆர் ஸ்மார்ட்போன் மார்ச் 23 ஆம் தேதி ஒன்பிளஸ் 9, ஒன்பிளஸ் 9 ப்ரோ ஸ்மார்ட்போன்களுடன் இந்தியாவில் பிரத்யேகமாக அறிமுகம் செய்யப்படுகிறது. இந்தியாவில் ஒன்பிளஸ் நார்டு மாடலுக்கு நல்ல வரவேற்பு கிடைத்து இருப்பதையொட்டி ஒன்பிளஸ் 9ஆர் அறிமுகம் செய்யப்படுவதாக பீட் லௌ தெரிவித்தார்.

     ஒன்பிளஸ் 9ஆர் 5ஜி டீசர்

    ஒன்பிளஸ் 9ஆர் மாடலில் பிளாக்ஷிப் ஸ்மார்ட்போனில் இடம்பெற வேண்டிய அம்சங்கள் நிச்சயம் வழங்கப்படும் என அவர் மேலும் தெரிவித்தார். இத்துடன் இந்த மாடல் சிறப்பான கேமிங் கண்ட்ரோல்கள், அலாதியான வியூவிங் அனுபவத்தை வழங்கும் என அவர் தெரிவித்தார்.

    முந்தைய தகவல்களின்படி ஒன்பிளஸ் 9ஆர் ஸ்மார்ட்போன் ஸ்னாப்டிராகன் 690 5ஜி பிராசஸர் கொண்டிருக்கும் என கூறப்பட்டது. இதே பிராசஸர், கடந்த ஆண்டு வெளிநாட்டு சந்தையில் அறிமுகம் செய்யப்பட்ட நார்டு என்10 மாடலில் வழங்கப்பட்டு இருந்தது குறிப்பிடத்தக்கது. 
    Next Story
    ×