search icon
என் மலர்tooltip icon

    தொழில்நுட்பம்

    வாட்ஸ்அப்
    X
    வாட்ஸ்அப்

    வாட்ஸ்அப் ஆண்ட்ராய்டு பீட்டாவில் அதிகம் எதிர்பார்க்கப்பட்ட அம்சம்

    வாட்ஸ்அப் ஆண்ட்ராய்டு பீட்டா பதிப்பில் அதிகம் எதிர்பார்க்கப்பட்ட அம்சம் சோதனை செய்யப்படுகிறது. இதன் முழு விவரங்களை பார்ப்போம்.



    வாட்ஸ்அப் ஆண்ட்ராய்டு பீட்டா 2.20.13 பதிப்பில் டார்க் மோட் அம்சம் சோதனை செய்யப்படுகிறது. கடந்த பல மாதங்களாக அதிகம் எதிர்பார்க்கப்பட்டு வந்த நிலையில், டார்க் மோட் அம்சத்திற்கான சோதனை ஒருவழியாக துவங்கி இருக்கிறது. 

    சில செயலிகளில் இருப்பதை போன்று முழுமையான கருப்பு நிறத்திற்கு மாற்றாக வாட்ஸ்அப் டார்க் மோட் நிறம் சற்றே டார்க் கிரே போன்று காட்சியளிக்கிறது. சாட் பாக்ஸ் டார்க் பேக்கிரவுண்டில், குறுந்தகவல்கள் பச்சை நிற பின்னணியில் தெரிகிறது.

    வாட்ஸ்அப்

    வாட்ஸ்அப் செயலியில் டார்க் தீம் ஆக்டிவேட் செய்வது எப்படி என தொடர்ந்து பார்ப்போம்

    வாட்ஸ்அப் ஆண்ட்ராய்டு பீட்டா செயலியை முதலில் அப்டேட் செய்ய வேண்டும்

    பின் வாட்ஸ்அப் செட்டிங்ஸ் -- சாட்ஸ் -- தீம் -- டார்க் தீம் அம்சத்தை தேர்வு செய்ய வேண்டும்

    ஆண்ட்ராய்டு 10 பயனர்களுக்கு சிஸ்டம் டீஃபால்ட் ஆப்ஷன் ஆண்ட்ராய்டு சிஸ்டம் பயன்படுத்தும் தீமினை கண்டறிந்து அதனை மாற்றம் செய்கிறது

    ஆண்ட்ராய்டு பை மற்றும் பழைய வெர்ஷன் பயன்படுத்துவோர் செட் பை டேட்டா சேவர் ஆப்ஷன் மூலம் லைட் அல்லது டார்க் தீம் பயன்படுத்தலாம். இது பேட்டரி சேவர் செட்டிங்கிற்கு ஏற்ப தானாக மாறும்

    வாட்ஸ்அப் டார்க் தீம் அம்சம் செயலியின் ஸ்டேபில் பதிப்பை பயன்படுத்துவோருக்கு விரைவில் வழங்கப்படலாம் என எதிர்பார்க்கப்படுகிறது. ஆண்ட்ராய்டு தளத்தை தொடர்ந்து ஐ.ஒ.எஸ். பயனர்களுக்கும் இந்த அம்சம் விரைவில் வழங்கப்படும் என கூறப்படுகிறது.
    Next Story
    ×