என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
தொழில்நுட்பம்
X
64 எம்.பி. சாம்சங் சென்சாருடன் உருவாகும் சியோமி ஸ்மார்ட்போன்
Byமாலை மலர்16 Jun 2019 6:44 AM GMT (Updated: 16 Jun 2019 6:44 AM GMT)
சியோமி நிறுவனத்தின் புதிய ஸ்மார்ட்போன் சாம்சங்கின் 64 எம்.பி. பிரைமரி கேமரா சென்சாருடன் உருவாகி வருவதாக தகவல் வெளியாகியுள்ளது.
சாம்சங் நிறுவனம் சர்வதேச சந்தையில் தனது ISOCELL பிரைட் GW1 64 எம்.பி. பிரைமரி கேமரா சென்சாரை சமீபத்தில் அறிமுகம் செய்தது. இந்த சென்சாரை சாம்சங் தனது கேலக்ஸி ஏ70எஸ் ஸ்மார்ட்போனில் வழங்கும் என்ற வாக்கில் இணையத்தில் தகவல்கள் வெளியாகின.
இந்நிலையில், தற்சமயம் வெளியாகி இருக்கும் தகவல்களில் சியோமியின் புதிய ரெட்மி ஸ்மார்ட்போன் சாம்சங்கின் 64 எம்.பி. ISOCELL பிரைட் GW1 கேமரா சென்சாருடன் உருவாகி வருவதாக தகவல் வெளியாகியுள்ளது. புதிய ரெட்மி ஸ்மார்ட்போனின் மாடல் நம்பர் மற்றும் இதன் சிறப்பம்சங்கள் பற்றி எவ்வித விவரங்களும் இதுவரை வெளியாகவில்லை.
எனினும், 64 எம்.பி. பிரைமரி கேமரா கொண்ட முதல் ஸ்மார்ட்போனை சியோமி வெளியிடலாம் என கூறப்படுகிறது. முதற்கட்டமாக இந்த ஸ்மார்ட்போன் சீனாவில் அறிமுகமாகி அதன்பின் மற்ற நாடுகளில் வெளியாகலாம் என எதிர்பார்க்கப்படுகிறது. அந்த வகையில் இது ரெட்மி நோட் 8 ஸ்மார்ட்போனாகவும் இருக்கலாம் என கூறப்படுகிறது.
64 எம்.பி. ISOCELL பிரைட் GW1 சாசம்சங் நிறுவனத்தின் அதிக ரெசல்யூஷன் கொண்ட சென்சார் ஆகும். இது 0.8 மைக்ரோமீட்டர் பிக்சல் கொண்ட சென்சார் ஆகும். இதில் சாம்சங் டெட்ராசெல் தொழில்நுட்பத்தை பயன்படுத்தி பிகசல்களை ஒன்றிணைத்து ரெமோசைக் வழிமுறையில் குறைந்த வெளிச்சமுள்ள பகுதிகளிலும் 16 எம்.பி. தரத்தில் புகைப்படங்களை வழங்குகிறது.
சரியான வெளிச்சமுள்ள பகுதிகளில் இந்த சென்சார் 64 எம்.பி. தரத்தில் அதிக துல்லியமாக புகைப்படங்களை வழங்கும். பிரைட் GW1 சென்சாரில் டூயல் கன்வெர்ஷன் கெயின் வழங்கப்பட்டுள்ளது. இது சென்சார் பெறும் வெளிச்சத்தை எலெக்ட்ரிக் சிக்னலாக மாற்றுகிறது. இந்த சென்சார் ரியல்-டைம் ஹெச்.டி.ஆர். வசதியை 100 டெசிபல்கள் வரை சப்போர்ட் செய்யும் என சாம்சங் தெரிவித்துள்ளது.
மேலும் இந்த சென்சார் ஃபேஸ் டிடெக்ஷன் ஆட்டோ ஃபோகஸ் வசதியை வழங்குகிறது. வீடியோவை பொருத்தவரை நொடிக்கு 480 ஃபிரேம்கள் வீதம் (480 FPS) ஃபுல் ஹெச்.டி. ரெக்கார்டிங்கை சப்போர்ட் செய்யும். இத்துடன் சினிமா தர ஸ்லோ-மோஷன் வீடியோ கேப்ச்சர் வசதியும் கொண்டிருக்கிறது.
சர்வதேச சந்தையில் 64 எம்.பி. சென்சார் கொண்ட ஸ்மார்ட்போன்கள் இந்த ஆண்டு இறுதியில் விற்பனைக்கு வரும் என எதிர்பார்க்கப்படுகிறது. சாம்சங் ஏற்கனவே 48 எம்.பி. ISOCELL GM1 சென்சார் கொண்டிருக்கிறது. இதனை பல்வேறு ஸ்மார்ட்போன் நிறுவனங்களும் தங்களது ஸ்மார்ட்போன்களில் வழங்கி வருகின்றன.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X