என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
தொழில்நுட்பம்
X
இந்தியாவில் கூகுள் பிக்சல் 3 ஸ்மார்ட்போன் விற்பனை துவங்கியது
Byமாலை மலர்1 Nov 2018 6:31 AM GMT (Updated: 1 Nov 2018 6:31 AM GMT)
கூகுள் பிக்சல் 3 மற்றும் பிக்சல் 3 XL ஸ்மார்ட்போன் மாடல்களின் விற்பனை இந்தியாவில் துவங்கியது. #Pixel3 #Pixel3XL
கூகுள் சமீபத்தில் அறிமுகம் செய்த 2018 பிக்சல் ஸ்மார்ட்போன்கள் பிளிப்கார்ட் தளத்தில் அக்டோபர் 11ம் தேதி முதல் முன்பதிவு செய்யப்பட்ட நிலையில், இவற்றின் இந்திய விற்பனை துவங்கியது. புதிய பிக்சல் 3 மற்றும் பிக்சல் 3 XL ஸ்மார்ட்போன்கள் பிளிப்கார்ட் மற்றும் ஆஃப்லைன் தளங்களில் விற்பனை செய்யப்படுகிறது.
முதற்கட்டமாக பிக்சல் 3 மற்றும் பிக்சல் 3 XL ஸ்மார்ட்போன்கள் கிளியர்லி வைட் மற்றும் ஜஸ்ட் பிளாக் என இரண்டு நிறங்கள் மட்டுமே விற்பனை செய்யப்படுகிறது. இதன் நாட் பின்க் நிறங்களின் விற்பனை இன்னும் துவங்கவில்லை.
நவம்பர் 7ம் தேதிக்குள் புதிய பிக்சல் 3 ஸ்மார்ட்போன்களை வாங்குவோர் தங்களது பழைய பிக்சல் அல்லது நெக்சஸ் போன்களை எக்சேஞ்ச் செய்யும் போது கூகுள் ஹோம் மினி ஸ்பீக்கரை இலவசமாக பெற முடியும். இந்த சலுகை தேர்வு செய்யப்பட்ட ஆஃப்லைன் விற்பனை மையங்களில் வழங்கப்படுகிறது.
பிக்சல் 3 ஸ்மார்ட்போனில் 5.5 இன்ச் ஃபுல் ஹெச்.டி. பிளஸ் 18:9 ரக டிஸ்ப்ளேவும், பிக்சல் 3 XL ஸ்மார்ட்போனில் 6.3 இன்ச் குவாட் ஹெச்.டி., 18:5:9 நாட்ச் டிஸ்ப்ளே வழங்கப்பட்டுள்ளது.
புகைப்படங்களை எடுக்க இரண்டு பிக்சல் போன்களிலும் 12.2 எம்.பி. பிரைமரி கேமரா, எல்.இ.டி. ஃபிளாஷ், ஆப்டிக்கல் இமேஜ் ஸ்டேபிலைசேஷன், டூயல் பிக்சல் ஆட்டோஃபோக்கஸ், டூயல் 8 எம்.பி. செல்ஃபி கேமரா மற்றும் புதிய ஏ.ஐ. அம்சங்கள் வழங்கப்பட்டுள்ளது.
இந்தியாவில் பிக்சல் 3 (64 ஜி.பி.) மெமரி மாடல் விலை ரூ.71,000 என்றும், 128 ஜி.பி. பிக்சல் 3 ஸ்மார்ட்போன் விலை ரூ.80,000 என்றும் பிக்சல் 3 XL (64 ஜி.பி.) மெமரி மாடல் விலை ரூ.83,000 என்றும் 128 ஜி.பி. பிக்சல் 3 XL ஸ்மார்ட்போன் விலை ரூ.92,000 என நிர்ணயம் செய்யப்பட்டுள்ளது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X