சாம்சங் நிறுவனத்தின் கேலக்ஸி ஏ90 ஸ்மார்ட்போனின் சிறப்பம்சங்கள் இணையத்தில் லீக் ஆகியுள்ளது. #GalaxyA90
சாம்சங் கேலக்ஸி ஏ90 ஸ்மார்ட்போனின் விவரங்கள் இணையத்தில் லீக் ஆகியுள்ளது. சாம்சங் சமீபத்தில் தனது கேலக்ஸி ஏ சீரிஸ் ஸ்மார்ட்போன்களை மேம்படுத்தும் பணிகளில் ஈடுபட்டுள்ளது. முன்னதாக சாம்சங் கேலக்ஸி ஏ சீரிஸ் ஸ்மார்ட்போன்களை தற்போதைய டிரெண்டிங் அம்சங்களுடன் அறிமுகம் செய்து வருகிறது.
அந்த வரிசையில் தற்சமயம் கேலக்ஸி ஏ90 ஸ்மார்ட்போனின் சிறப்பம்சங்கள் வெளியாகியிருக்கிறது. அதன்படி கேலக்ஸி ஏ90 ஸ்மார்ட்போனில் குவால்காம் ஸ்னாப்டிராகன் 710 பிராசஸர் கொண்டிருக்கும் என்றும் 6.7 இன்ச் OLED டிஸ்ப்ளே வழங்கப்படலாம் என கூறப்படுகிறது.
இத்துடன் புதிய சாம்சங் ஸ்மார்ட்போனில் TOF ரக கேமரா மற்றும் 25 வாட் பி.டி. ஃபாஸ்ட் சார்ஜிங் வசதி வழங்கப்படலாம் என தெரிகிறது. இதுவரை வெளியாகியிருக்கும் தகவல்களில் கேலக்ஸி ஏ90 ஸ்மார்ட்போனில் பிரத்யேக ஸ்லைடு-அவுட் ரக வடிவமைப்பு கொண்டிருக்கும் என்றும் இவற்றில் கேமராக்கள் பொருத்தப்பட்டிருக்கும் என கூறப்படுகிறது.
இந்த தகவல்கள் உண்மையாகும் பட்சத்தில் புதிய சாம்சங் ஸ்மார்ட்போனின் பிரைமரி கேமராவை சுழற்றி செல்ஃபி கேமரா போன்று பயன்படுத்த முடியும் என தெரிகிறது. ரெசல்யூஷனை பொருத்தவரை கேலக்ஸி ஏ90 மாடலில் 48 எம்.பி. பிரைமரி கேமரா, f/2.0, 8 எம்.பி. கேமரா, f/2.4 மற்றும் TOF கேமரா வழங்கப்படலாம் என தெரிகிறது.
சுழற்றக்கூடிய கேமரா அமைப்பின் மூலம் புதிய ஸ்மார்ட்போனில் பெசல், நாட்ச் மற்றும் ஹோல் பன்ச் உள்ளிட்டவற்றை நீக்கி புதிய வகை இன்ஃபினிட்டி டிஸ்ப்ளே வழங்க முடியும். டிஸ்ப்ளேவை பொருத்தவரை புதிய கேல்கஸி ஏ90 ஸ்மார்ட்போனில் 6.7 இன்ச் ஃபுல் ஹெச்.டி. பிளஸ் OLED டிஸ்ப்ளே வழங்கப்படலாம் என கூறப்படுகிறது.
புதிய ஸ்மார்ட்போனில் குவால்காம் ஸ்னாப்டிராகன் 7150 பிராசஸர் வழங்கப்படலாம் என கூறப்படுகிறது. இதன் ரேம் மற்றும் மெமரி பற்றி இதுவரை எவ்வித தகவலும் இல்லை. எனினும் இந்த ஸ்மார்ட்போன் 3700 எம்.ஏ.ஹெச். பேட்டரி மூலம் சக்தியூட்டப்படும் என கூறப்படுகிறது. இத்துடன் 25 வாட் பி.டி. ஃபாஸ்ட் சார்ஜிங் வசதி வழங்கப்படலாம் என தெரிகிறது.
சாம்சங் கேலக்ஸி ஏ90 கான்செப்ட் வீடியோவை கீழே காணலாம்..,
வால்வோ ஆட்டோ இந்தியா நிறுவனம் எக்ஸ்.சி.90 வேரியன்ட் காரின் எலெக்ட்ரிக் வெர்ஷன் மாடலை அடுத்த ஆண்டு இறுதியில் இந்தியாவில் தயாரிக்க இருக்கிறது. #VolvoXC90 #Volvo
வால்வோ ஆட்டோ இந்தியா நிறுவனம் தனது எக்ஸ்.சி.90 மாடலின் எலெக்ட்ரிக் வேரியன்ட் 2019ம் ஆண்டின் இறுதியில் தயாரிப்பு பணிகள் துவங்கும் என தெரிவித்துள்ளது. இந்தியாவில் இந்த ஆண்டின் துவக்கத்தில் ஹைப்ரிட் வேரியன்ட் மாடலை அறிமுகம் செய்தது. இதன் தற்போதைய விலை ரூ.1.25 கோடி (எக்ஸ்-ஷோரூம்) என நிர்ணயம் செய்யப்பட்டுள்ளது.
இந்தியாவில் வோல்வோ நிறுவனம் எக்ஸ்.சி.90 கார் மாடலை 2017ம் ஆண்டு முதல் தயாரித்து இருக்கிறது. இதைத் தொடர்ந்து எஸ்90 மாடலை பெங்களூருவில் உள்ள ஆலையில் தயாரித்தது. செப்டம்பர் மாதத்தில் எக்ஸ்.சி.60 மாடல் அதிகம் விற்பனையாவதாக தெரிவித்தது.
போல்ஸ்டாரின் முதல் எலெக்ட்ரிக் கார் வெளியான பின் வால்வோ XC40 EV (எலெக்ட்ரிக் மாடல்) அறிமுகம் செய்யப்பட இருக்கிறது. வால்வோ XC40 EV மற்றும் XC90 என இரண்டு எஸ்.யு.வி. மாடல்களும் அமெரிக்காவில் உள்ள தெற்கு கரோலினாவில் உள்ள தயாரிப்பு ஆலையில் உருவாக்கப்படுகிறது.
எக்ஸ்.சி.90 டி8 இன்ஸ்க்ரிப்ஷன் மாடலில் 2.0-லிட்டர், டைரக்ட் இன்ஜெக்ஷன், நான்கு சிலிண்டர் பெட்ரோல் என்ஜின் வழங்கப்படுகிறது. இந்த என்ஜின் 320 பி.ஹெச்.பி. பவர், 240என்.எம். டார்கியூ செயல்திறன் வழங்கும். எலெக்ட்ரிக் மோட்டாருடன் எக்ஸ்.சி.90 டி8 இன்ஸ்க்ரிப்ஷன் மாடல் 398 பி.ஹெச்.பி. பவர், 640 என்.எம். டார்கியூ வழங்கும்.
இந்த என்ஜின் 8-ஸ்பீடு ஆட்டோமேடிக் டிரான்ஸ்மிஷன், காரின் பின்புற சக்கரங்களில் எலெக்ட்ரிக் மோட்டாரும், முன்பக்க சக்கரங்களுக்கு பெட்ரோல் என்ஜின் மூலம் இயங்குகிறது. எலெக்ட்ரிக் மோட்டாருடன் எக்ஸ்.சி.90 டி8 இன்ஸ்க்ரிப்ஷன் ஒருமுறை சார்ஜ் செய்தால் 32 கிலோமீட்டர் வரை செல்லும் என்றும், மணிக்கு 0-100 கிலோமீட்டர் வேகத்தை வெறும் 6 நொடிகளில் கடக்கும் என தெரிகிறது.
