நீங்கள் தேடியது "மினி வேன் கவிழ்ந்து"

காடையாம்பட்டி:

சேலம் மாவட்டம் காருவள்ளி சின்ன திருப்பதி பகுதியை சேர்ந்த சாணக்கியன் (வயது 16), ஜான்ஷினா (16), மைக்கேல் தேவன்(25), சந்துரு (19), ஸ்ரீகாந்த்(19), முனீஸ் (17)) உள்பட 11 பேர் விநாயகர் சிலை ஊர்வலத்தில் மேளம் வாசிப்பதற்காக ஜோடிகுளி பகுதிக்கு சென்றனர். விநாயகர் சிலை ஊர்வலம் முடிந்ததும் நேற்று நள்ளிரவில் அனைவரும் ஒரு மினிவேனில் ஊருக்கு புறப்பட்டனர்.

வேன் கவிழ்ந்தது

வேன் இரவு 11.30 மணி அளவில் தீவட்டிப்பட்டி அருகே உள்ள கொண்ரெட்டியூர் என்ற இடத்தில் வந்தபோது திடீரென நிலைதடுமாறி கவிழ்ந்தது. இதில் அனைவரும் காயம் அடைந்தனர். அந்த வழியாக சென்ற பொதுமக்கள் அவர்களை மீட்டு ஆஸ்பத்திரிக்கு அனுப்பி வைத்தனர். இதில் ஸ்ரீகாந்துக்கு மட்டும் பலத்த காயங்கள் ஏற்பட்டு இருந்தது. அவர் சேலம் அரசு ஆஸ்பத்திரியில் அனுமதிக்கப்பட்டு சிகிச்சை பெற்று வருகிறார். மீதமுள்ள 10 பேரும் ஓமலூர் அரசு ஆஸ்பத்திரியில் சிகிச்சை பெற்று வருகின்றனர்.

போலீசார் விசாரணை

இது குறித்து தகவல் கிடைத்ததும் தீவட்டிப்பட்டி போலீசார் சம்பவ இடத்திற்கு சென்று விபத்து நடந்த இடத்தை பார்வையிட்டு விசாரணை நடத்தி வருகின்றனர்.