நீங்கள் தேடியது "நவாஸ் செரீப்"

இஸ்லாமாபாத்:

அல்-அஜீதா இரும்பாலை முறைகேடு வழக்கில் பாகிஸ்தான் முன்னாள் பிரதமர் நவாஸ் செரீப்புக்கு 7 ஆண்டுகள் சிறை தண்டனை விதிக்கப்பட்டது. அதைத் தொடர்ந்து அவர் லாகூரில் உள்ள கோட்லக்பத் சிறையில் அடைக்கப்பட்டுள்ளார்.

அங்கு அவருக்கு திடீரென உடல் நலக்குறைவு ஏற்பட்டது. எனவே டாக்டர்கள் குழு அவரை பரிசோதனை நடத்தியது. அப்போது அவருக்கு இருதயநோய், நீரிழிவு மற்றும் உயர் ரத்த அழுத்தம் இருப்பது தெரியவந்தது.

அதைத்தொடர்ந்து சிறையில் வைத்து அவருக்கு சிகிச்சை அளிக்கப்பட்டது. ஆனால் குணமாகாமல் தொடர்ந்து அவர் அவதிப்பட்டு வருகிறார். எனவே அவரை ஆஸ்பத்திரியில் அனுமதித்து உயர்தர சிகிச்சை அளிக்க டாக்டர்கள் குழு பரிந்துரை செய்தது.

இந்த நிலையில் நவாஸ் செரீப் வக்கீல் கவாஜா ஹாரீஸ் இஸ்லாமாபாத் ஐகோர்ட்டில் ஜாமீன் கேட்டு மனு தாக்கல் செய்துள்ளார். அதில், முன்னாள் பிரதமர் நவாஸ்செரீப்புக்கு விதிக்கப்பட்டுள்ள சிறை தண்டனையை நிறுத்தி வைக்குமாறு ஏற்கனவே மனுக்கள் தாக்கல் செய்யப்பட்டுள்ளது.

இந்த மனு மீதான விசாரணை வருகிற பிப்ரவரி 18-ந்தேதி நடைபெற உள்ளது. எனினும் “நவாஸ்செரீப்பின் உடல்நிலை மிகவும் மோசம் அடைந்துள்ளதால் அவருக்கு உடனடியாக சிகிச்சை தேவைப்படுகிறது. எனவே அவருக்கு ஜாமீன் வழங்க வேண்டும்” என்று கூறப்பட்டுள்ளது.

இஸ்லாமாபாத்:

பனாமா ஊழல் வழக்கில் பாகிஸ்தான் முன்னாள் பிரதமர் நவாஸ் செரீப்புக்கு 10 ஆண்டுகள் சிறை தண்டனையும், அவரது மகள் மரியத்துக்கு 7 ஆண்டுகள் தண்டனையும், மருமகன் முகமது சப்தாருக்கு ஒரு ஆண்டு ஜெயில் தண்டனையும் விதிக்கப்பட்டது. தற்போது இவர்கள் சிறையில் அடைக்கப்பட்டுள்ளனர்.

இந்த நிலையில் இவர்கள் இருவரும் ஜாமீனில் வெளியே வந்தால் அவர்கள் வெளிநாடுகளுக்கு தப்பிச் செல்வதை தடுக்க பாகிஸ்தானில் புதிதாக பதவி ஏற்றுள்ள இம்ரான்கான் அரசு தடை விதித்துள்ளது.

அதற்காக வெளிநாடு செல்ல தடை விதிக்கப்பட்டவர்களின் பட்டியலில் இருவரது பெயர்களையும் சேர்க்க முடிவு செய்யப்பட்டது.

மேலும் ஊழல் வழக்கில் குற்றம் சாட்டப்பட்டு வெளி நாடுகளில் தஞ்சம் அடைந்துள்ள நவாஸ் செரீப்பின் மகன்கள் ஹசன், உசைன் மற்றும் முன்னாள் நிதி மந்திரி இஷாக்தர் ஆகியோரை தலைமறைவு குற்றவாளிகள் என அறிவிக்க முடிவு செய்யப்பட்டது.

அவர்களை பாகிஸ்தானுக்கு கொண்டு வருவதற்கான அறிவிப்பு வெளியிடவும் அமைச்சரவை முடிவு செய்துள்ளது. இம்ரான்கான் தலைமையிலான அமைச்சரவையின் முதல் கூட்டம் இஸ்லாமாயத்தில் நேற்று நடந்தது. அதில் மேற்கண்ட முடிவுகள் எடுக்கப்பட்டதாக தகவல் தொடர்பு மந்திரி பாவத்கான் தெரிவித்தார்.

இது தவிர பொருளாதார பிரச்சினைகள் மற்றும் அவற்றை சமாளிப்பதற்காக மேற்கொள்ள வேண்டிய சிக்கன நடவடிக்கைகள் குறித்தும் கூட்டத்தில் விவாதிக்கப்பட்டது. #NawazSharif #PakistanPM #ImranKhan 

இஸ்லாமாபாத்:

பனாமா ஊழல் வழக்கில் பாகிஸ்தான் முன்னாள் பிரதமர் நவாஸ்செரீப், அவரது மகள் மரியம், மருமகன் உள்ளிட்டோருக்கு பொறுப்புடைமை கோர்ட்டு ஜெயில் தண்டனை விதித்து தீர்ப்பளித்தது.

அப்போது நவாஸ்செரீப்பும், மரியமும் லண்டனில் தங்கி இருந்தனர்.

பிரசாரம் சூடு பிடித்து இருந்த நிலையில் தேர்தலுக்கு சில நாட்களுக்கு முன்பாக பாகிஸ்தான் திரும்பி அவர்கள் கைது ஆனார்கள். இத்தகைய நடவடிக்கையின் மூலம் அரசியல் சூதாட்டத்தில் அவர் தோல்வி அடைந்து விட்டார் என சிலர் கருத்து தெரிவித்தனர். ஆனால், அவர் தானாக வந்து கைது ஆனதன்மூலம் தனது கட்சியை அழிவில் இருந்து நவாஸ் செரீப் காப்பாற்றி விட்டார் என அரசியல் நோக்கர்கள் கருத்து தெரிவித்துள்ளனர்.

பாகிஸ்தான் திரும்பியதன் மூலம் அவர் சட்ட பிரச்சினையில் இருந்து மட்டும் தப்பிக்கவில்லை. தனது அரசியல் எதிர்காலத்தையும், மகள் மரியத்தின் அரசியல் விதியையும் அவர் காப்பாற்றி விட்டார்.

வெளிநாட்டிலேயே தொடர்ந்து தங்கியிருந்தால் மக்களின் நம்பிக்கையை அவரால் பெற்று இருக்க முடியாது. தற்போது பாராளுமன்ற தேர்தலில் பாதி இடங்களில் வெற்றி பெற்று இருக்கிறார். பாகிஸ்தான் திரும்பாமல் இருந்திருந்தால் இந்த அளவுக்கு கூட வெற்றி பெற்று இருக்க முடியாது. கட்சியே அழிந்து இருக்கும் என தெரிவித்துள்ளனர்.

கடந்த 2013-ம் ஆண்டு நடந்த தேர்தலில் நவாஸ் செரீப் கட்சி வெற்றி பெற்றது. அதை எதிர்த்து இம்ரான்கான் போராட்டம் நடத்தினார். தேர்தலில் முறைகேடு நடந்ததாக கூறி இஸ்லாமாபாத் ஸ்தம் பிக்கும் வகையில் 4 மாதங்கள் போராட்டம் நடத்தி அவருக்கு நெருக்கடி கொடுத்தார்.

2014-ம் ஆண்டில் பெஷாவர் ராணுவ பள்ளி யில் புகுந்து பயங்கரவாதிகள் நடத்திய தாக்குதலில் 132 குழந்தைகள் கொல்லப்பட்டனர். அதன் மூலமும் நவாஸ்செரீப்புக்கு நெருக்கடி ஏற்பட்டது.

பனாமா ஊழல் வழக்கில் நவாஸ்செரீப் குடும்பத்துக்கு எதிராக இம்ரான்கான் போராட்டம் நடத்தினார். அதனால் தான் அவர் மீது கோர்ட்டில் வழக்கு தொடரப்பட்டு தண்டனை விதிக்கப்பட்டது. #PakistanElection #NawazSheriff

லாகூர்:

பனாமா ஊழல் வழக்கில் பாகிஸ்தான் முன்னாள் பிரதமர் நவாஸ் செரீப்புக்கு 10 ஆண்டும், அவரது மகள் மரியம் நவாசுக்கு 7 ஆண்டும் ஜெயில் தண்டனை விதிக்கப்பட்டது.

இந்த நிலையில் லண்டனில் இருந்து நேற்று முன்தினம் திரும்பிய இவர்கள் இருவரும் லாகூர் விமான நிலையத்தில் கைது செய்யப்பட்டு இஸ்லாமாபாத்தில் உள்ள அடியாலா சிறையில் அடைக்கப்பட்டனர்.

முன்னதாக லண்டனில் இருந்து திரும்பும் அவர்களை வரவேற்க பாகிஸ்தான் முஸ்லிம் லீக் நவாஸ் கட்சி ஏற்பாடு செய்திருந்தது. அவர்கள் லாகூர் விமான நிலையத்துக்கு பேரணியாக செல்ல தயார் நிலையில் இருந்தனர். ஆனால் லாகூர் நகரம் முழுவதையும் போலீசார் சீல் வைத்தனர்.

144 தடை உத்தரவு பிறப்பித்து இருந்தும் ஆயிரக் கணக்கான தொண்டர்கள் குவிந்து லாகூர் விமான நிலையம் நோக்கி பேரணியாக புறப்பட்டனர். அவர்களை அங்கு திரண்டு நின்ற போலீசார் தடுத்து நிறுத்தினர்.

இதனால் இரு தரப்பினருக்கும் இடையே மோதல் ஏற்பட்டது. நவாஸ்செரீப் கட்சி தொண்டர்கள் போலீசார் மீது தாக்குதல் நடத்தினார்கள். போலீஸ் வாகனங்கள் அடித்து நொறுக்கப்பட்டன. தீ வைத்தும் எரிக்கப்பட்டது.

இது தொடர்பாக நவாஸ் செரீப் கட்சி தொண்டர்கள் 1,500 பேர் மீது போலீசார் தீவிரவாத வழக்கு பதிவு செய்துள்ளனர். அவர்களில் நவாஸ் செரீப் தம்பியும், பஞ்சாப் மாகாண முன்னாள் முதல்-மந்திரியுமான ஷாபாஸ் செரீப் மற்றும் முன்னாள் பிரதமர் ஷாகித் ஷாகித்கான் அப்பாசி உள்பட 20 தலைவர்களும் அடங்குவர்.

நவாஸ் செரீப் தம்பி ஷாபாஸ் செரீப் கட்சி தலைவராகவும் இருக்கிறார். இவர் தலைமையில் தான் வரவேற்பு பேரணி நடைபெற்றது.