நீங்கள் தேடியது "கிளாசிக் ரெட்டிச் 350 ஏ.பி.எஸ்."

ராயல் என்ஃபீல்டு நிறுவனம் இந்தியாவில் கிளாசிக் 350 ரெட்டிச் மோட்டார்சைக்கிளை ஏ.பி.எஸ். வசதியுடன் அறிமுகம் செய்துள்ளது. புதிய மோட்டார்சைக்கிளின் விலை இந்தியாவில் ரூ.1.79 லட்சம் என நிர்ணயம் செய்யப்பட்டுள்ளது. ஏ.பி.எஸ். இல்லா வழக்கமான ரெட்டிச் கிளாசிக் 350 ரூ.1.46 லட்சம் விலையில் விற்பனை செய்யப்படுகிறது.

கிளாசிக் 350 மாடலின் பின்புறம் ராயல் என்ஃபீல்டு நிறுவனம் டிஸ்க் பிரேக் வசதியை சமீபத்தில் சேர்த்தது. அதைத் தொடர்ந்து இம்முறை ஏ.பி.எஸ். வசதி சேர்க்கப்பட்டுள்ளது. புதிய ஏ.பி.எஸ். பிரேக்கிங் தவிர ரெட்டிச் மாடலில் எவ்வித மாற்றங்களும் மேற்கொள்ளப்படவில்லை.

விற்பனையை அதிகப்படுத்தும் நோக்கில் ரெட்டிச் எடிஷன் மோட்டார்சைக்கிள் ரெட்டிச் ரெட், ரெட்டிச் கிரீன் மற்றும் ரெட்டிச் புளு என மூன்று வித நிறங்களில் கிடைக்கிறது. ராயல் என்ஃபீல்டு கிளாசிக் 350 ரெட்டிச் மோட்டார்சைக்கிளில் 346சிசி சிங்கிள் சிலிண்டர், ஏர்-கூல்டு என்ஜின் வழங்கப்பட்டுள்ளது. 

இந்த என்ஜின் 19.8 பி.ஹெச்.பி. பவர், 28 என்.எம். டார்க் மற்றும் 5-ஸ்பீடு கியர்பாக்ஸ் உடன் வழங்கப்படுகிறது. பிரேக்கிங் அம்சங்களை பொருத்தவரை ரெட்டிச் கிளாசிக் 350 மாடலின் முன்புறம் 280 எம்.எம். மற்றும் பின்புறம் 240 எம்.எம். டிஸ்க் பிரேக் வழங்கப்பட்டுள்ளது. தற்சமயம் இரு டிஸ்க் பிரேக்குகளும் டூயல்-சேனல் ஏ.பி.எஸ். தரத்தில் வருகின்றன.

இத்துடன் பைக்கின் முன்புறம் 35 எம்.எம். டெலிஸ்கோபிக் ஃபோர்க் மற்றும் பின்புறம் ட்வின் கேஸ்-சார்ஜ் செய்யப்பட்ட ஷாக் அப்சார்பர்கள் வழங்கப்பட்டுள்ளன. 

கிளாசிக் 350 ரெட்டிச் எடிஷன் தவிர, தண்டர்பேர்டு 350, 350X, 500X உள்ளிட்ட மாடல்களில் டூயல்-சேனல் ஏ.பி.எஸ். வசதி வழங்கப்பட்டுள்ளது. சமீபத்தில் ராயல் என்ஃபீல்டு நிறுவனம் இன்டர்செப்டார் 650 மற்றும் கான்டினென்டல் ஜி.டி. 650 உள்ளிட்ட மாடல்களை அறிமுகம் செய்தது.

ராயல் என்ஃபீல்டு நிறுவனம் விரைவில் ஏ.பி.எஸ். வசதி கொண்ட மோட்டார்சைக்கிள் மாடல்களை இந்தியாவில் வெளியிட இருக்கிறது. 

ஏ.பி.எஸ். வசதி கொண்ட புதிய கிளாசிக் மோட்டார்சைக்கிள் மாடல்களின் புகைப்படங்களை டீம்பிஹெச்பி வெளியிட்டுள்ளது. அதன்படி புதிய மோட்டார்சைக்கிள்கள் நான்கு வித நிறங்களில் உருவாக்கப்பட்டு இருப்பது தெரியவந்துள்ளது. புதிய ராயல் என்ஃபீல்டு மாடல்கள் ஆகஸ்டு 28-ம் தேதி அறிமுகம் செய்யப்படலாம் என எதிர்பார்க்கப்படுகிறது.

தற்சமயம் கிடைத்திருக்கும் புகைப்படங்களில் புதிய ஏ.பி.எஸ். வசதி கொண்ட மாடல்களில் புதிய மேட் நிறம் கொண்டிருக்கும் என்றும் அதிக க்ரோம் இல்லாமல், ஹெட்லேம்ப் பெசல் மற்றும் எக்சாஸ்ட் மஃப்ளர் உள்ளிட்டவை பிளாக்டு அவுட் செய்யப்பட்டுள்ளது. இதன் ஃபியூயல் டேன்க் பிரத்யேக நம்பர் பொறிக்கப்பட்டு, 49 எண் வெள்ளை நிறத்திலும், பின்புறம் ஆரஞ்சு மற்றும் பச்சை நிறம் பூசப்பட்டுள்ளது.

ஏ.பி.எஸ். வசதி கொண்ட கிளாசிக் மோட்டார்சைக்கிள்கள் பாதுகாப்பு வசதியுடன் வரும் முதல் ராயல் என்ஃபீல்டு மாடல் என்ற பெருமையை பெற இருக்கின்றன. ஏ.பி.எஸ். வசதி கொண்ட மாடல்களின் உற்பத்தி ஏற்கனவே துவங்கியுள்ள நிலையில், புதிய மாடல்கள் வெளிநாட்டு சந்தைகளுக்கும் ஏற்றுமதி செய்யப்படலாம் என எதிர்பார்க்கப்படுகிறது.

இந்தியாவில் தற்சமயம் அதிகம் விற்பனையாகும் மாடல்ளில் ஒன்றாக ராயல் என்ஃபீல்டு கிளாசிக் 350 இருக்கிறது. மாதம் குறைந்தபட்சம் 35,000 ராயல் என்ஃபீல்டு யூனிட்கள் விற்பனையாகின்றன. அந்த வகையில் புதிய ஏ.பி.எஸ். வெர்ஷன் இந்தியாவில் நல்ல வரவேற்பை பெறும் என எதிர்பார்க்கப்படுகிறது.

புதிய ஏ.பி.எஸ். வெர்ஷனிலும் தற்போதைய கிளாசிக் 350 மோட்டார்சைக்கிளில் வழங்கப்பட்டுள்ள 346 சிசி இன்ஜின் வழங்கப்படுகிறது. இந்த இன்ஜின் 19.8 பிஹெச்பி பவர், 28 என்எம் டார்கியூ செயல்திறன் மற்றும் 5-ஸ்பீடு கியர்பாக்ஸ் கொண்டுள்ளது.

புகைப்படம் நன்றி: TeamBHP