நீங்கள் தேடியது "உயர் கோபுர மின் விளக்கு"

வந்தவாசி:

வந்தவாசி 5 கண் பாலம் மற்றும் புதிய பஸ் நிலையம் செல்லும் சந்திப்பில் உயர் மின் கோபுரம் பல ஆண்டுகளாக இல்லாததால் பொதுமக்கள் மிகவும் சிரமப்பட்டு வந்தனர்.

இந்த நிலையில் நாடாளுமன்ற மாநிலங்களவை உறுப்பினர் மேம்பாட்டு நிதியில் ரூ.14 லட்சம் மதிப்பீட்டில் 2 உயர் மின் விளக்கு கோபுரம் அமைக்கப்பட்டு திறப்பு விழா நிகழ்ச்சி நடைபெற்றது.

சிறப்பு அழைப்பாளராக நாடாளுமன்ற மாநிலங்களவை உறுப்பினர் அன்புமணி ராமதாஸ் கலந்து கொண்டு புதியதாக அமைக்கப்பட்ட 2 உயர் மின் விளக்குகளை திறந்து வைத்தார்.

நிகழ்ச்சியில் பாமக மாவட்ட செயலாளர் கணேஷ் குமார்,மச்சேந்திரன், வரதன், சக்திவேல் ராமஜெயம் நிர்வாகிகள், தொண்டர்கள் மற்றும் பொதுமக்கள் பலர் கலந்து கொண்டனர்.

ஊட்டி

நீலகிரி மாவட்டம் ஊட்டி நகராட்சிக்குட்பட்ட 7-வது வார்டு பகுதியில் எம்.பி.நிதியில் அமைக்கப்பட்டு உள்ள உயர் கோபுர மின் விளக்கை தி.மு.க துணை பொது செயலாளரும், நீலகிரி எம்.பி.யுமான ஆ.ராசா தொடங்கி வைத்தார்.

தமிழக சுற்றுலாதுறை அமைச்சர் கா.ராமசந்திரன் முன்னிலை வகித்தார். இதில் மாவட்ட துணை செயலாளர் ரவிக்குமார்,நகர செயலாளர் ஜார்ஜ், நகரமன்ற உறுப்பினர் டாக்டர்.விசாலாட்சி,திமுக பிரமுகர் விஜயகுமார் உள்ளிட்டோர் கலந்து கொண்டனர்

முன்னதாக தி.மு.க துணை பொது செயலாளரும், நீலகிரி எம்.பி.யுமான ஆ.ராசாவுக்கு தி.மு.க பிரமுகர் விஜயகுமார் ஏற்பாட்டில் பட்டாசு வெடித்து ஆளுயர மாலை அணிவித்து சிறப்பான வரவேற்பு அளிக்க பட்டது.