என் மலர்

    நீங்கள் தேடியது "Theemithi Thiruvizha"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இன்று இஸ்லாமியர்களால் மொகரம் பண்டிகை நாடு முழுவதும் கொண்டாடப்பட்டு வருகிறது.
    • இந்த கிராமத்தில் சாதி மத பேதம் இல்லாமல் அனைவரும் ஒற்றுமையாக வாழ்ந்து வருகின்றனர்.

    தஞ்சை மாவட்டம் ஒரத்தநாடு அருகே உள்ளது காசவளநாடு புதூர் கிராமம். தமிழகத்தில் இந்த கிராமம் தனித்துவம் பெற்றதாக விளங்குகிறது. அதற்கு இஸ்லாமியர்கள் கொண்டாடும் மொகரம் பண்டிகையை ஆண்டாண்டு காலமாக இந்துக்கள் கொண்டாடி வருவது ஒன்றே பறைசாற்றுவதாக உள்ளது.

    இந்த கிராமத்தில் 300-க்கும் மேற்பட்ட குடும்பத்தினர் வசித்து வருகின்றனர். இதில் பெரும்பாலான மக்கள் இந்துக்கள் ஆவர். ஆனால் இந்த கிராமத்தில் சாதி மத பேதம் இல்லாமல் அனைவரும் ஒற்றுமையாக வாழ்ந்து வருகின்றனர். இதற்காக ஆண்டுதோறும் மொகரம் பண்டிகையை தங்கள் இல்ல விழாவாக இந்துக்கள் கொண்டாடி சமய நல்லிணக்கத்தை போற்றி வருகின்றனர்.

    அதன்படி இன்று இஸ்லாமியர்களால் மொகரம் பண்டிகை நாடு முழுவதும் கொண்டாடப்பட்டு வருகிறது. மற்ற கிராமத்தைக் காட்டிலும் காசவளநாடு கிராம இந்து மக்கள் வழக்கம் போல் இந்த ஆண்டும் மொகரம் பண்டிகையை உற்சாகமாக கொண்டாடினர். மொகரம் பண்டிகை கொண்டாடுவதற்கு 10 நாட்களுக்கு முன்பாகவே இந்துக்கள் தங்கள் வேண்டுதல் நிறைவேற விரதமிருந்து பயபக்தியோடு பண்டிகைக்கு தயாராகி வந்தனர்.

    அதன்படி இன்று இஸ்லாமியர்களின் பஞ்சா எனப்படும் கரகத்தை கிராமத்தில் உள்ள இந்துக்களின் வீடுகளுக்கு தாரை தப்பட்டையுடன் கொண்டு சென்றனர். அப்போது ஒவ்வொரு வீடுகளிலும் உள்ள மக்கள் தங்களது வேண்டுதல் நிறைவேற அந்த கரகத்திற்கு தண்ணீர் ஊற்றி எலுமிச்சை மாலை மற்றும் பட்டுத் துண்டை சாத்தி வேண்டிக்கொண்டனர். பின்னர் அங்குள்ள அல்லா கோவிலுக்கு கொண்டு வந்து பாத்தியா ஓதி தங்களது உறவினர்கள், பொதுமக்களுக்கு வழங்கினர்.

    இதையடுத்து அந்த பஞ்சா கரகம் அங்குள்ள பூக்குழியில் இறங்கியவுடன் அல்லா சாமியை சுமந்து வந்தவர்கள் முதலில் தீ மிதித்தனர். பின்னர் பயபக்தியுடன் மற்ற பொதுமக்கள் தீ மிதித்து வழிபாடு செய்தனர். தொடர்ந்து அனைவருக்கும் திருநீறு, எலுமிச்சை பிரசதமாக வழங்கப்பட்டது.

    இதுகுறித்து காசவளநாடு புதூரைச் சேர்ந்த பொதுமக்கள் கூறுகையில், இஸ்லாமியர்களின் பண்டிகையான மொகரம் பண்டிகையை இந்துக்கள் அதிகம் உள்ள எங்களது ஊரில் எங்களது முன்னோர்கள் வழிகாட்டுதலின்படி தொடர்ந்து பாரம்பரியமாக 300 ஆண்டுகளுக்கும் மேலாக நாங்கள் கொண்டாடி வருகிறோம்.

    இவ்விழாவை இந்துக்கள் கொண்டாடும் போது இஸ்லாமியர்களும் உடன் இருந்து அவர்களும் வழிபடுகின்றனர்.

    இவ்விழாவைக் கொண்டாடும் போது, இந்த ஊரில் பிறந்த பெண்கள் அனைவரும் மொகரம் திருவிழாவின் போது பிறந்த வீட்டுக்கு வந்த பானகம் தயாரித்து அல்லாவுக்கு வழங்குவதை இன்றளவும் கடைப்பிடித்து வருகிறோம்.

    அல்லா என்று எங்களால் அழைக்கப்படும் கை உருவம் தாங்கியவற்றை நாங்கள் "கரகம்" எடுப்பது போல் அதற்கு பூக்களால் அலங்கரித்து அல்லாவிடம் வேண்டிக்கொண்டு தீ மிதிக்க இறங்குவோம் என்றனர்.

    சமய நல்லிணக்கத்துக்கு எடுத்துக்காட்டாக விளங்கும் காச வளநாடு புதூர் கிராமத்தை அனைத்து தரப்பு மக்களும் பாராட்டி வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஆடி பூக்குழி பெருந்திருவிழா வருகிற 11-ந்தேதி தொடங்குகிறது.
    • 12-ம்தேதி 41 அடி நீள பூக்குழியில் ஸ்ரீஅம்மா இறங்கி வந்து அருள்பாலிக்கும் நிகழ்ச்சி நடக்கிறது.

    திருமங்கலம் அருகே தி.புதுப்பட்டி சக்திபுரம் ஆயிரம் கண்ணுடையாள் மகா சக்தி மாரியம்மன் கோவிலில் ஆடி பூக்குழி பெருந்திருவிழா வருகிற 11-ந்தேதி தொடங்குகிறது. முதல் நாள் வருகிற 11-ம் தேதி (வியாழக்கிழமை) காலை உலக நன்மை வேண்டி சிறப்பு வேள்வி, சிறப்பு பூஜையுடன் விழா தொடங்குகிறது.

    அன்று மாலை 4 மணிக்கு பக்தர்கள் அக்னி சட்டி எடுத்தல் நடைபெறுகிறது. திருவிழாவின் 2-ம் நாள்(வெள்ளிக்கிழமை) அதிகாலை 4 மணிக்கு கோவில் வளாகத்தில் அமைக்கப்பட்ட 41 அடி நீள பூக்குழியில் ஸ்ரீஅம்மா இறங்கி வந்து பக்தர்களுக்கு அருள்பாலிக்கும் நிகழ்ச்சி நடைபெற உள்ளது.

    காலை 7 மணிக்கு பக்தர்கள் பால்குடம் எடுத்து ஊர்வலம் வந்து, 9 மணிக்கு மாரியம்மனுக்கு பாலாபிஷேகம் மற்றும் பூச்சொரிதல் விழா நடைபெறுகிறது. இதைதொடர்ந்து முளைப்பாரி எடுத்து பக்தர்கள் ஊர்வலம் நடைபெறும். திருவிழாவின் 3-ம் நாள் சனிக்கிழமை காலை 7 மணிக்கு தேவி கருமாரியம்மனுக்கு வளைகாப்பு நிகழ்ச்சியும், அதைத் தொடர்ந்து பக்தர்கள் கஞ்சிக்கலயம் எடுத்து வரும் நிகழ்ச்சியும், காலை 10 மணிக்கு கஞ்சி கலயத்தை ஸ்ரீஅம்மா எடுத்து அன்னைக்கு சிறப்பு அபிஷேகம் மற்றும் அலங்காரம் செய்கிறார்கள்.

    இதைதொடர்ந்து அனைத்து பக்தர்களுக்கும் மஞ்சள், குங்குமம், வளையல், தாலிகயிறு வழங்கப்படுகிறது.

    விழாவின் சிறப்பு அம்சமாக 3 நாட்களும் கோவிலுக்கு வரும் அனைத்து பக்தர்களுக்கும் அன்னதானம் நடைபெறும். 3 நாள் நடைபெறும் திருவிழாவிற்கான ஏற்பாடுகளை ஸ்ரீஆயிரம் கண்ணுடையாள் மகாசக்தி பீட நிர்வாகிகள் மற்றும் அலுவலர்கள் செய்து வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மந்தவெளியம்மன் உள்ளிட்ட 7 சுவாமிகள் திருவீதி உலா நடைபெற்றது.
    • சுமார் 1000க்கும் மேற்பட்ட பக்தர்கள் சாமி தரிசனம் செய்தனர்.

    திருவள்ளூர் அடுத்த பேரம்பாக்கத்தில் உள்ள மந்தவெளியம்மன் கோவிலில் 10-ம் ஆண்டு தீமிதி திருவிழா நடைபெற்றது. இதற்கான விழா கடந்த 27-ந் தேதி கொடியேற்றத்துடன் தொடங்கி நடைபெற்று வந்தது. காலை, மாலை இருவேளையும், அம்மனுக்கு சிறப்பு அபிஷேகம் ஆராதனைகள் செய்யப்பட்டு அம்மன் கரகம் திருவீதி உலா நடைபெற்றது. விழாவின் முக்கிய நிகழ்வான தீ மிதி திருவிழா நடைபெற்றது.

    பேரம்பாக்கம் மற்றும் சுற்றுப்புற பகுதியை சேர்ந்த 200-க்கும் மேற்பட்டோர் காப்பு கட்டி விரதம் இருந்து தீ மிதித்து அம்மனுக்கு நேர்த்திக் கடன் செலுத்தினார்கள்.

    மந்தவெளியம்மன் உள்ளிட்ட 7 சுவாமிகள் திருவீதி உலா நடைபெற்றது. அப்போது பெரிய ராட்சத கிரேன் மூலம் உடலில் அலகு குத்திக் கொண்ட பக்தர்கள் அந்தரத்தில் பறந்து வந்து அம்மனுக்கு மாலை அணிவித்தும், கற்பூர தீபாராதனை காண்பித்தும் சிறப்பு வழிபாடு செய்தனர்.

    பேரம்பாக்கம் மற்றும் சுற்றுவட்டார பகுதியை சேர்ந்த சுமார் 1000க்கும் மேற்பட்ட பக்தர்கள் சாமி தரிசனம் செய்தனர்.

    அதை தொடர்ந்து வண்ண வண்ண மலர்களாலும், வண்ண வண்ண மின்விளக்குகளாலும் அலங்காரம் செய்யப்பட்ட வாகனத்தில் அம்மன் திருவீதி உலா நடைபெற்றது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தீமிதி திருவிழா வருகிற 12-ந்தேதி நடக்கிறது.
    • திரளான பக்தர்கள் கலந்து கொண்டு தீமிதித்து நேர்த்திக்கடன் செலுத்துவார்கள்.

    பாகூர் அருகே கன்னியக்கோவில் கிராமத்தில் பிரசித்திபெற்ற மன்னாதீஸ்வரர் உடனுறை பச்சைவாழியம்மன் கோவில் உள்ளது. இந்த கோவிலில் தீமிதி திருவிழா நேற்று முன்தினம் இரவு கொடியேற்றத்துடன் தொடங்கியது.

    முன்னதாக சாமிக்கு சிறப்பு அபிஷேக, ஆராதனை நடந்தது. தொடர்ந்து கொடியேற்ற நிகழ்ச்சி நடந்தது. இதில் செந்தில்குமார் எம்.எல்.ஏ. மற்றும் திரளான பக்தர்கள் கலந்து கொண்டு சாமி தரிசனம் செய்தனர். விழாவின் முக்கிய நிகழ்ச்சியான தீமிதி திருவிழா வருகிற 12-ந்தேதி நடக்கிறது. விழாவில் புதுச்சேரி மற்றும் தமிழக பகுதிகளில் இருந்து திரளான பக்தர்கள் கலந்து கொண்டு தீமிதித்து நேர்த்திக்கடன் செலுத்துவார்கள்.

    விழாவிற்கான ஏற்பாடுகளை அறங்காவலர் குழு தலைவர் தனசேகரன், துணை தலைவர் ஜீவகணேஷ், செயலாளர் கலியபெருமாள், பொருளாளர் செந்தில்குமார், உறுப்பினர் கனகராஜ் ஆகியோர் செய்து வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 100-க்கும் மேற்பட்ட பக்தர்கள் தீ மிதித்தனர்.
    • அலங்கரிக்கப்பட்ட கன்னியம்மன் திருவீதி உலா நடைபெற்றது.

    திருவள்ளூர் அடுத்த பேரம்பாக்கத்தில் உள்ள கன்னியம்மன் கோவிலில் 36-ம் ஆண்டு தீமிதி திருவிழா கடந்த 20-ம் தேதி கொடியேற்றத்துடன் தொடங்கியது.

    தொடர்ந்து 10 நாட்கள் நடைபெற்று வந்த விழாவில் காலை, மாலை இரண்டு வேளையும் அம்மனுக்கு சிறப்பு அபிஷேகம், ஆராதனைகள் மற்றும் அம்மன் கரகம் எடுத்து திருவீதி உலா புறப்பாடு விமரிசையாக நடைபெற்றது.

    நேற்று மாலை 6 மணிக்கு பேரம்பாக்கம் சுற்றுவட்டார பகுதிகளை சேர்ந்த 100-க்கும் மேற்பட்ட பக்தர்கள் காப்பு கட்டிக்கொண்டு தீ மிதித்து அம்மனுக்கு நேர்த்திக் கடன் செலுத்தினார்கள்.

    இந்த தீமிதி திருவிழாவில் திரளான பொதுமக்கள் கலந்துகொண்டு அம்மனை வழிபட்டனர். அதை தொடர்ந்து வண்ண மலர்களாலும், மின்விளக்குகளாலும் அலங்கரிக்கப்பட்ட கன்னியம்மன் மேளதாளம் முழங்க திருவீதி உலா நடைபெற்றது.

    இதற்கான ஏற்பாடுகளை பேரம்பாக்கம் கிராம பொதுமக்கள் மற்றும் விழா குழுவினர் செய்து இருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கோவில் தலைமை பூசாரி முதன்முதலாக குண்டம் இறங்கி தொடங்கி வைத்தார்.
    • நாளை மாவிளக்கு பூஜை, பல்லக்கில் அம்மன் திருவீதி உலா நடைபெற உள்ளது.

    கோவை மாவட்டம் மேட்டுப்பாளையம் அருகே உள்ள தேக்கம்பட்டி பவானி ஆற்றங்கரையில் பிரசித்தி பெற்ற வன பத்ரகாளி அம்மன் கோவில் உள்ளது.

    இந்த கோவிலில் ஆண்டுதோறும் ஆடி மாதம் குண்டம் திருவிழா வெகுவிமரிசையாக நடைபெறுவது வழக்கம். கடந்த 2 ஆண்டுகளாக கொரோனா பரவல் கட்டுப்பாடு காரணமாக குண்டம் திருவிழா நடைபெறவில்லை.

    2 ஆண்டுகளுக்கு பிறகு இந்த ஆண்டு குண்டம் திருவிழா நடத்த ஏற்பாடுகள் செய்யப்பட்டன. அதன்படி ஆடி மாதம் முதல் செவ்வாய்க்கிழமையான கடந்த 19-ந் தேதி பூச்சாட்டு நிகழ்ச்சியுடன் குண்டம் விழா தொடங்கியது.

    அதைத்தொடர்ந்து லட்சார்ச்சனை, கிராமசாந்தி உள்ளிட்ட நிகழ்ச்சிகள் நடத்தப்பட்டன. 24-ந் தேதி காலை திருவிழாவிற்கான கொடியேற்றப்பட்டது. விழாவின் முக்கிய நிகழ்ச்சியான குண்டம் திருவிழா இன்று காலை நடந்தது.

    முன்னதாக நேற்று மாலை பொங்கல் வைத்து திருக்குண்டம் திறக்கும் நிகழ்ச்சி நடந்தது. 36 அடி நீளம், 2 அடி அகலம் கொண்ட குண்டத்தில் விறகுகள் போடப்பட்டு அக்னி வளர்க்கப்பட்டது.

    இன்று காலை பவானி ஆற்றங்கரையில் இருந்து கோவிலுக்கு அம்மன் அழைப்பு நடந்தது. அலங்கரிக்கப்பட்ட சிம்ம வாகன தேரில் அழைத்து வரப்பட்ட அம்மன் கத்திரிப்பூ நிற பட்டுத்தி காட்சி அளித்தார். திருக்குண்டத்தின் முன்பு அம்மன் எழுந்தருளி பக்தர்கள் முன் அருள்பாலித்தார்.

    இதையடுத்து கோவில் தலைமை பூசாரி ரகுபதி பூ குண்டத்திற்கு சிறப்பு பூஜைகள் செய்து எலுமிச்சைப்பழம், பூ பந்துகளை குண்டத்தில் உருட்டினார். பின்னர் அவர் முதன்முதலாக குண்டம் இறங்கி தொடங்கி வைத்தார், அவரை தொடர்ந்து பூக்கூடை மற்றும் அம்மன் கரகத்தை சுமந்து வந்தவர்கள் குண்டம் இறங்கினர்.

    ஆண்கள், பெண்கள் உள்ளிட்ட ஆயிரக்கணக்கான பக்தர்கள் குண்டம் இறங்கினர். ஒரு சிலர் கைக்குழந்தையுடன் குண்டம் இறங்கி வேண்டுதலை நிறைவேற்றினர். இதற்காக நேற்று இரவு முதலே பக்தர்கள் குவியத் தொடங்கினர். அதிகாலையே நீண்ட வரிசையில் காத்து நின்று பக்தர்கள் பூக்குண்டம் இறங்கி தங்கள் வேண்டுதல்களை நிறைவேற்றினர்.

    குண்டம் திருவிழாவை முன்னிட்டு கோவில் வளாகம் மற்றும் அந்த கிராமம் முழுவதும் பக்தர்கள் கூட்டமாக காட்சி அளித்தது.

    போலீசார் மற்றும் ஊர்க்காவல் படையினர் 300-க்கும் பாதுகாப்பு பணியில் ஈடுபட்டிருந்தனர். பவானி ஆற்றில் பக்தர்கள் குளிப்பதற்கு பாதுகாப்பு ஏற்பாடுகள் செய்யப்பட்டிருந்தது. மேலும் கோவில் வளாகத்தில் 4 இடங்களில் சுத்திகரிக்கப்பட்ட குடிநீர் வழங்கப்பட்டது. மருத்துவத்துறை சார்பாக தனியார் மற்றும் அரசு மருத்துவ முகாம்கள் நடைபெற்றது.

    அரசு போக்குவரத்து கழகம் சார்பாக கோவை, மேட்டுப்பாளையம், அன்னூர், திருப்பூர், ஈரோடு ஆகிய இடங்களில் இருந்து கோவிலுக்கு சிறப்பு பஸ்கள் இயக்கப்பட்டன.

    நிகழ்ச்சியில் மேட்டுப்பா ளையம் தொகுதி எம்.எல்.ஏ. ஏ கே.செல்வராஜ், முன்னாள் கோவை மேயர் செ.ம. வேலுச்சாமி உட்பட ஏராளமான பக்தர்கள் கலந்து கொண்டனர். விழா ஏற்பாடுகளை பரம்பரை அறங்காவலர் வசந்தா, உதவி ஆணையர் கைலாசமூர்த்தி ஆகியோர் செய்திருந்தனர்.

    குண்டம் நிகழ்ச்சியின் தொடர்ச்சியாக நாளை (புதன்கிழமை) காலை 10 மணி முதல் மாலை 6 மணி வரை மாவிளக்கு பூஜை, பல்லக்கில் அம்மன் திருவீதி உலா நடைபெற உள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 31-ந்தேதி காலை தேரோட்டம் நடைபெற இருக்கிறது.
    • தீமிதி திருவிழா ஆகஸ்டு 1-ந்தேதி நடைபெற உள்ளது.

    சிதம்பரம் பஸ் நிலையம் எதிரே பிரசித்தி பெற்ற கீழத்தெரு மாரியம்மன் கோவில் அமைந்துள்ளது. இக்கோவிலில் ஆண்டுதோறும் ஆடி மாதம் தீமிதி திருவிழா வெகு விமரிசையாக நடைபெறுவது வழக்கம். அதன்படி இந்த ஆண்டுக்கான தீமிதி திருவிழா நாளை மறுநாள் 22-ம்தேதி (வெள்ளிக்கிழமை) கொடியேற்றதுடன் தொடங்குகிறது. விழாவையொட்டி தினந்தோறும் இரவு அம்மன் வீதி உலா நிகழ்ச்சி நடைபெற உள்ளது. 26-ந்தேதி இரவு தெருவடைச்சான் உற்சவமும், 31-ந்தேதி காலை தேரோட்டமும் நடைபெற இருக்கிறது.

    விழாவின் சிகர நிகழ்ச்சியான தீமிதி திருவிழா அடுத்த மாதம் (ஆகஸ்டு) 1-ந்தேதி மாலை 5 மணியளவில் கோவில் வளாகத்தில் நடைபெற உள்ளது. முன்னதாக அதிகாலை 5 மணியளவில் கோவில் வளாகத்தில் அங்க பிரதட்சணம், அலகு போடுதல், பால் காவடி, பாடை பிரார்த்தனை மற்றும் காலை 9 மணிக்குமேல் தீ மிதிப்பவர்களுக்கு காப்பு கட்டுதல், மதியம் 2 மணிக்கு மேல் அக்னி சட்டி எடுத்தல் போன்ற நிகழ்ச்சிகளும் நடைபெறுகிறது.

    இதில் ஆயிரக்கணக்கான பக்தர்கள் கலந்து கொண்டு தீ மிதித்து அம்மனுக்கு நேர்த்திக்கடன் செலுத்த உள்ளார்கள். ஆகஸ்டு 3-ந் தேதி அன்று காலை மஞ்சள் நீர் விளையாட்டு, இரவு ஊஞ்சல் உற்சவமும், காத்தவராய சுவாமி கதை பட்டாபிஷேகத்துடன் ஆடி மாத தீமிதி திருவிழா முடிவடைகிறது. விழாவுக்கான ஏற்பாடுகளை கோவில் பரம்பரை அறங்காவலர் குழுவினர் செய்து வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 26-ந்தேதி காலை 6 மணிக்கு திருக்குண்டம் இறங்குதல் நிகழ்ச்சி நடக்கிறது.
    • 28-ந்தேதி இரவு 7 மணிக்கு பரிவேட்டை, இரவு 8 மணிக்கு வாணவேடிக்கை நிகழ்ச்சி நடக்கின்றன.

    கோவை மாவட்டத்தில் உள்ள பிரசித்தி பெற்ற கோவில்களில் ஒன்று மேட்டுப்பாளையம் அருகே தேக்கம்பட்டியில் உள்ள வனபத்ர காளியம்மன் கோவில்.

    இந்த கோவிலில் ஆண்டுதோறும் ஆடி மாதம் குண்டம் திருவிழா வெகுவிமரிசையாக நடைபெறும். விழாவில் லட்சக்கணக்கான பக்தர்கள் பங்கேற்று குண்டம் இறங்குவார்கள். கடந்த 2 ஆண்டுகளாக கொரோனா தொற்று கட்டுப்பாடு காரணமாக குண்டம் திருவிழா நடைபெறவில்லை.

    இந்தநிலையில் இந்த ஆண்டு ஆடிக்குண்டம் திருவிழா விமரிசையாக நடைபெற உள்ளது. இதையொட்டி கடந்த செவ்வாய்க்கிழமை குண்டம் இறங்கும் இடத்தில் கண் திறக்கும் நிகழ்ச்சி நடந்தது. குண்டம் பூக்களால் அலங்கரிக்கப்பட்டு சிறப்பு பூஜைகள் நடந்தது.

    இன்று 19-ந்தேதி இரவு 7 மணிக்கு பூச்சாட்டுடன் குண்டம் விழா தொடங்குகிறது. 22-ந்தேதி காலை 10 மணிக்கு லட்சார்ச்சனையும், 23-ந்தேதி இரவு 10 மணிக்கு கிராம சாந்தி நிகழ்ச்சியும் நடக்கிறது.

    24-ந்தேதி காலை 10 மணிக்கு கொடியேற்றம், சிம்ம வாகனத்தில் அம்மன் திருவீதி உலா நடக்கிறது. 25-ந்தேதி மாலை 5 மணிக்கு பொங்கல் வைத்து திருக்குண்டம் திறத்தல் நடக்கிறது. தொடர்ந்து 26-ந்தேதி அதிகாலை 3 மணிக்கு அம்மன் அழைப்பு, காலை 6 மணிக்கு திருக்குண்டம் இறங்குதல் நிகழ்ச்சி நடக்கிறது. 27-ந்தேதி காலை 10 மணிக்கு முதல் மாவிளக்கு பூஜை நடக்கிறது. மாலை 6 மணிக்கு பூப்பல்லக்கில் அம்மன் திருவீதி உலா நடக்கிறது.

    28-ந்தேதி அதிகாலை 4.30 மணிக்கு ஆடி அமாவாசை பூஜைகள், இரவு 7 மணிக்கு பரிவேட்டை, இரவு 8 மணிக்கு வாணவேடிக்கை நிகழ்ச்சிகள் நடக்கின்றன.

    29-ந்தேதி பகல் 12 மணிக்கு மகா அபிஷேகம், மாலை 3 மணிக்கு மஞ்சள் நீராடுதல், ஆகஸ்டு 1-ந்தேதி காலை 10 மணிக்கு 108 குத்துவிளக்கு பூஜை, 2-ந்தேதி மறுபூஜை ஆகிய நிகழ்ச்சிகள் நடக்கின்றன.

    விழா ஏற்பாடுகளை பரம்பரை அறங்காவலர் வசந்தா, உதவி ஆணையர் கைலாசமூர்த்தி ஆகியோர் செய்து வருகிறார்கள்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இன்று அம்மனின் திருவீதி உலாவும் நடைபெறுகிறது.
    • நாளை பகல் 12 மணிக்கு நடக்கும் மறுபூஜையுடன் விழா நிறைவடைகிறது.

    ஈரோடு பெரியசேமூர் பொன்னிநகரில் பிரசித்தி பெற்ற செல்வ மாரியம்மன் கோவில் உள்ளது. இந்த கோவிலில் குண்டம் மற்றும் பொங்கல் விழா கடந்த 21-ந் தேதி பூச்சாட்டுதலுடன் தொடங்கியது. அன்றைய தினம் இரவு கம்பம் நடப்பட்டது. 23-ந் தேதி பூவோடு வைத்தல் நிகழ்ச்சி நடைபெற்றது. அதைத்தொடர்ந்து தினமும் அம்மனுக்கு சிறப்பு பூஜைகள் செய்யப்பட்டு வந்தன.

    நேற்று முன்தினம் பக்தர்கள் தீர்த்தம் எடுத்து வரும் நிகழ்ச்சி நடந்தது. இதையொட்டி பக்தர்கள் காவிரிக்கரை சென்று தீர்த்தம் எடுத்து ஊர்வலமாக கோவிலுக்கு வந்தனர். பிறகு கோவிலில் அம்மனுக்கு சிறப்பு அபிஷேகம் செய்யப்பட்டு, அலங்கார பூஜைகள் செய்யப்பட்டன. இரவில் குண்டம் பற்ற வைக்கப்பட்டது.

    பக்தர்கள் இறங்குவதற்காக நேற்று காலையில் குண்டம் தயாரானது. கோவிலின் தலைமை பூசாரி குண்டம் இறங்கி தொடங்கி வைத்தார். அவரைத்தொடர்ந்து வரிசையில் காத்திருந்த பக்தர்கள் ஒவ்வொருவராக தீ மிதித்து தங்களது வேண்டுதலை நிறைவேற்றினார்கள். இதில் திரளான பக்தர்கள் பக்தி பரவசத்துடன் தீ மிதித்தனர். மேலும் சிலர் தங்களது கைக்குழந்தைகளுடனும் குண்டம் இறங்கி நேர்த்திக்கடன் செலுத்தினார்கள்.

    விழாவையொட்டி செல்வ மாரியம்மன் சிறப்பு அலங்காரத்தில் பக்தர்களுக்கு அருள்பாலித்தார். கோவிலில் பொங்கல் விழா நடந்தது. இதில் பெண்கள் பலர் பொங்கலிட்டு அம்மனுக்கு படையல் வைத்து வழிபட்டனர். மாலையில் மாவிளக்கு பூஜை நடைபெற்றது. இன்று (வியாழக்கிழமை) காலை 6 மணிக்கு கம்பம் எடுக்கும் நிகழ்ச்சி நடக்கிறது. மதியம் 3 மணிக்கு மஞ்சள் நீராட்டு விழாவும், அம்மனின் திருவீதி உலாவும் நடைபெறுகிறது. நாளை (வெள்ளிக்கிழமை) பகல் 12 மணிக்கு நடக்கும் மறுபூஜையுடன் விழா நிறைவடைகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • திரவுபதியம்மனுக்கு அபிஷேக ஆராதனை செய்யப்பட்டு ரதத்தில் வைத்து வீதிஉலா காட்சி நடைபெற்றது.
    • திருவிழாவையொட்டி அனைவருக்கும் அன்னதானம் வழங்கப்பட்டது.

    மயிலாடுதுறை மாவட்டம், தரங்கம்பாடி அருகே உள்ள கீழபெரம்பூர் திரவுபதி அம்மன் கோவிலில் ஆண்டுதோறும் ஆனி மாதம் தீமிதி திருவிழா நடைபெறுவது வழக்கம். அதேபோல இந்த ஆண்டும் கடந்த 16-ந் தேதி கொடியேற்றத்துடன் திருவிழா தொடங்கியது. அதனைத்தொடர்ந்து தினமும் தர்மர் பிறப்பு, கிருஷ்ணர் பிறப்பு, திரவுபதி பிறப்பு, சுபத்திரை திருமணம் போன்ற கதைப்பாட்டு நிகழ்ச்சி நடைபெற்றது. மேலும், தினமும் சுவாமி வீதிஉலா காட்சியும் நடைபெற்றது.

    திருவிழாவின் நிறைவு நாளான நேற்று காலை 9 மணிக்கு படுகள நிகழ்ச்சி நடைபெற்றது. மாலை 6 மணிக்கு கோவில் அருகே அமைக்கப்பட்டிருந்த அக்னி குண்டத்தில் பக்தர்கள் இறங்கி அம்மனுக்கு நேர்த்திக்கடன் செலுத்தினர். மேலும், இந்த நிகழ்ச்சியில் திரளான பக்தர்கள் கலந்து கொண்டு சாமி தரிசனம் செய்தனர். அதனைத்தொடர்ந்து திரவுபதியம்மனுக்கு அபிஷேக ஆராதனை செய்யப்பட்டு ரதத்தில் வைத்து வீதிஉலா காட்சி நடைபெற்றது. திருவிழாவையொட்டி அனைவருக்கும் அன்னதானம் வழங்கப்பட்டது. இதற்கான ஏற்பாடுகளை கீழபெரம்பூர் கிராமமக்கள் செய்திருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தீக்குண்டத்தில் பக்தர்கள் இறங்கி அம்மனுக்கு தங்களது நேர்த்திக் கடனை செலுத்தினர்.
    • பெண்கள் மாவிளக்கு போட்டு வழிபட்டனர்.

    மயிலாடுதுறை மாவட்டம், தரங்கம்பாடி தாலுகாவிற்கு உட்பட்ட கழனிவாசல் கிராமத்தில் பிரசித்தி பெற்ற திரவுபதி அம்மன் கோவில் உள்ளது. இந்த கோவிலின் வைகாசி பெருவிழா கடந்த மாதம் 30-ந் தேதி தொடங்கியது. அதனைத்தொடர்ந்து வில் வளைப்பு, அம்மன் திருக்கல்யாணம், கிருஷ்ணன் தூது, அரவான் பலியிடுதல், கர்ணமோட்சம் போன்ற சிறப்புமிக்க நிகழ்ச்சிகள் நடந்தன.

    தொடர்ந்து விழாவின் முக்கிய நிகழ்ச்சியான தீமிதி திருவிழா நடந்தது. துரியோதனன் படுகளம் ஆகியவை நடந்தன. பின்னர் கடலாடி ஆற்றங்கரையில் இருந்து பம்பை மேளம் முழங்க பச்சைக்காளி, பவளகாளி ஆட்டத்துடன் சக்தி கரகம், பால் காவடி, பன்னீர் காவடி, அலகு காவடி எடுத்தும், வாயில் 16 அடி நீள அலகு குத்தியும் பக்தர்கள் ஊர்வலமாக கோவிலை வந்தடைந்தனர்.

    பின்னர் கோவில் முன்பு அமைக்கப்பட்டிருந்த தீக்குண்டத்தில் பக்தர்கள் இறங்கி அம்மனுக்கு தங்களது நேர்த்திக் கடனை செலுத்தினர். பெண்கள் மாவிளக்கு போட்டு வழிபட்டனர். தொடர்ந்து அம்மன் சிறப்பு அலங்காரத்தில் வீதி உலா நடைபெற்றது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print