search icon
என் மலர்tooltip icon

    நீங்கள் தேடியது "Tamilnadu muslim league"

    தமிழ்நாடு முஸ்லிம் லீக் தலைவர் வி.எம்.எஸ். முஸ்தபா தமிழக தலைமை தேர்தல் அதிகாரி சத்யபிரதா சாகுவை சந்தித்து அமைச்சர் செங்கோட்டையன் மீது புகார் மனு கொடுத்துள்ளார்.
    சென்னை:

    தமிழ்நாடு முஸ்லிம் லீக் தலைவர் வி.எம்.எஸ். முஸ்தபா தமிழக தலைமை தேர்தல் அதிகாரி சத்யபிரதா சாகுவை சந்தித்து அமைச்சர் செங்கோட்டையன் மீது புகார் மனு கொடுத்தார். அதில் கூறியிருப்பதாவது:-

    நடைபெறும் பாராளுமன்ற தேர்தலுக்காக அனைத்துக் கட்சியினரும் விதிகளுக்குட்பட்டு பிரசாரம் செய்து வருகின்றனர். இதை மீறும் வகையில் ஈரோடு பாராளுமன்ற தொகுதியில் பள்ளி கல்வித்துறை அமைச்சர் செங்கோட்டையன் தேர்தல் பிரசாரத்தின்போது இஸ்லாமிய சமூகம் குறித்து அவதூறாக பேசியுள்ளார்.

    எனவே அவரது அமைச்சர் பதவியை பறிக்க தேர்தல் கமி‌ஷன் நடவடிக்கை எடுக்க வேண்டும். இதேபோல் ராமநாதபுரம் தொகுதி பா.ஜனதா வேட்பாளர் நயினார் நாகேந்திரன் பிரசாரம் செய்யும்போது மதவாதத்தை தூண்டும் வகையில் பேசியுள்ளார்.

    எனவே அவரது வேட்பு மனுவை நிராகரித்து தேர்தலில் நிற்க தடை விதிக்க வேண்டும்.

    இவ்வாறு அதில் கூறப்பட்டுள்ளது.
    ×