நீங்கள் தேடியது "T20 Blast"

இங்கிலாந்தில் டி20 பிளாஸ்ட் கிரிக்கெட் தொடர் நடைபெற்று வருகிறது. லீக் ஆட்டங்கள் முடிந்து தற்போது காலிறுதி ஆட்டங்கள் நடைபெற்று வருகிறது. முதல் காலிறுதி ஆட்டத்தில் கென்ட் - லங்காஷைர் அணிகள் மோதின.

டாஸ் வென்ற கென்ட் அணி பேட்டிங் தேர்வு செய்தது. அந்த அணியால் 20 ஓவர் முடிவில் 9 விக்கெட் இழப்பிற்கு 133 ரன்கள் மட்டுமே எடுக்க முடிந்தது. கேப்டனும், விக்கெட் கீப்பரும் ஆன சாம் பில்லிங்ஸ் அதிகபட்சமாக 37 ரன்கள் சேர்த்தார்.



பின்னர் 134 ரன்கள் அடித்தால் வெற்றி என்ற இலக்குடன் லங்காஷைர் அணி களம் இறங்கியது. முதல் மூன்று வீரர்களான டேவியஸ் (15), பட்லர் (0), லில்லி (9) சொற் ரன்களில் ஆட்டமிழந்தாலும், ஜென்னிங்ஸ் சிறப்பாக விளையாடி 46 ரன்கள் சேர்த்தார்.

அதன்பின் வந்த கேப்டன் விலாஸ், கிளார்க் ஆகியோர் அவுட்டாகாமல் முறையே 30, 29 ரன்கள் அடிக்க லங்காஷைர் 18.4 ஓவரில 4 விக்கெட் இழப்பிற்கு 134 ரன்கள் எடுத்து 6 விக்கெட் வித்தியாசத்தில் அபார வெற்றி பெற்றது.

இங்கிலாந்தில் டி20 பிளாஸ்ட் கிரிக்கெட் தொடர் நடைபெற்று வருகிறது. நேற்று நடைபெற்ற ஆட்டமொன்றில் சசக்ஸ் - மிடில்செக்ஸ் அணிகள் மோதின. முதலில் பேட்டிங் செய்த சசக்ஸ் அணி 19.4 ஓவரில் 168 ரன்கள் சேர்த்தது. பின்னர் 169 ரன்கள் எடுத்தால் வெற்றி என்ற இலக்குடன் மிடில்செக்ஸ் அணி களம் இறங்கியது. மோர்கன் அதிரடியால் மிடில்செக்ஸ் அணி வெற்றியை நோக்கி சென்றது.

மிடில்செக்ஸ் அணியின் வெற்றிக்கு கடைசி ஓவரில் 16 ரன்கள் தேவைப்பட்டது. மோர்கன் களத்தில் இருந்தார். ஜாஃப்ரா ஆர்செர் கடைசி ஓவரை வீசினார். இந்த ஓவரின் 3-வது பந்தில் மோர்கன் ஆட்டமிழந்தார். அவர் 56 பந்தில் 90 ரன்கள் குவித்தார்.



அடுத்த பந்தில் ஜான் சிம்ப்சனையும், அதற்கடுத்த பந்தில் ஜேம்ஸ் புல்லரையும் அடுத்தடுத்து வெளியேற்றி ஹாட்ரிக் சாதனைப் படைத்தார். இவரது பந்து வீச்சால் சசக்ஸ் 12 ரன்கள் வித்தியாசத்தில் வெற்றி பெற்றது. பாரம்பரியம் மிக்க லார்ட்ஸ் மைதானத்தில் மியூசியம் ஒன்று உள்ளது. இங்கு சாதனைப் புரிந்த வீரர்களை ஞாபகப்படுத்தும் வகையில் அவர்கள் பயன்படுத்திய பொருட்கள் பாதுகாத்து வைக்கப்படும்.

அந்த வகையில் ஹாட்ரிக் சாதனைப் படைத்த ஆர்செரின் ஜெர்சியை மியூசியத்தில் வைப்பதற்காக அதிகாரிகள் அவரிடம் கேட்டுள்ளனர்.

பார்படோஸில் பிறந்த ஆர்செர் அந்நாட்டில் 19 வயதிற்கு உட்பட்டோருக்கான இந்திய அணியில் இடம்பிடித்திருந்தார். தற்போது இங்கிலாந்தில் வசித்து வருகிறார். ஏழு வருடங்கள் இங்கிலாந்தில் வசித்தால், இங்கிலாந்து கிரிக்கெட் அணிக்காக விளையாடலாம். அந்த வகையில் 2022-ல் ஆர்செர் இங்கிலாந்து அணியில் இடம்பிடிக்க வாய்ப்புள்ளது.

⚡️ Magical from @craig_arch!

A masterclass in death bowling, and a hat-trick for Jofra! #SharkAttackpic.twitter.com/ZSTNV5gapX

— Sussex Cricket (@SussexCCC) August 2, 2018

இங்கிலாந்து - இந்தியா இடையிலான முதல் டெஸ்ட் எட்ஜ்பாஸ்டனில் நடைபெற்று வருகிறது. இந்த போட்டிக்கான 13 பேர் கொண்ட இங்கிலாந்து அணியில் மொயீன் அலி, போர்ட்டர் ஆகியோர் இடம்பிடித்திருந்தனர்.

ஆனால் ஆடும் லெவனில் அவர்களுக்கு இடம் கிடைக்கவில்லை. தற்போது இங்கிலாந்தில் டி20 பிளாஸ்ட் தொடர் நடைபெற்று வருகிறது. மொயீன் அலி வொர்செஸ்டர்ஷைர் ரேபிட்ஸ் அணிக்காகவும், போர்ட்டர் எசக்ஸ் ஈகிள் அணிக்காகவும் விளையாடி வருகின்றன.


போர்ட்டர்

டி20 பிளாஸ்ட் தொடரில் பாதி ஆட்டங்கள் முடிவடைந்துள்ளன. இவர்கள் பங்கேற்றுள்ள அணிகள் முதல் நான்கு இடத்திற்குள் வந்தால்தான் பிளேஆஃப் சுற்றுக்கு முன்னேற முடியும். ஐந்து நாட்கள் சும்மா இருப்பதை விட டி20யில் விளையாட விரும்பினார்கள்.

இதை ஏற்றுக்கொண்ட இங்கிலாந்து கிரிக்கெட் வாரியம் இருவரையும் இங்கிலாந்து அணியில் இருந்து விடுவித்துள்ளது.