நீங்கள் தேடியது "ஜோஸ் இங்கிலிஸ்"

ஐபிஎல் கிரிக்கெட் தொடரின் நேற்று நடைபெற்ற 54-வது போட்டியில் பஞ்சாப்- லக்னோ அணிகள் மோதின. இந்தப் போட்டியில் முதலில் விளையாடிய பஞ்சாப் 237 ரன்களை இலக்காக நிர்ணயம் செய்தது. அடுத்ததாக விளையாடிய லக்னோ 20 ஓவரில் 199/7 ரன்களை மட்டுமே எடுத்து தோல்வியை சந்தித்தது.

இந்நிலையில் ஜோஸ் இங்கிலிஸை 3-வதாக களமிறக்கும் முடிவை ஷ்ரேயாஸ் ஐயர் எடுத்ததாக பயிற்சியாளர் ரிக்கி பாண்டிங் கூறியுள்ளார்.

இது குறித்து அவர் கூறியதாவது:-

ஜோஸ் இங்கிலிஸை 3-வதாக களமிறக்கும் முடிவை கேப்டன் எங்களிடம் கூறினார். இந்த பிட்ச்சில் ஆரம்பத்திலேயே விக்கெட்டை இழந்தால் லக்னோ பௌலிங் அட்டாக்கை சமாளிக்க இங்கிலிஸை அனுப்புவது சரியாக இருக்கும் என்று அவர் கருதினார். குறிப்பாக மயங் ஆரம்பத்திலேயே பவுலிங் செய்வார் என்று நாங்கள் கருதினோம். அவரது பந்துகள் பெரும்பாலும் ஷார்ட்டாக இருக்கும். அது போன்ற பந்துகளை எதிர்கொள்வதே ஜோஸ் இங்கிலிஸின் பலமாகும்.

அவர் அடித்த புல் ஷாட்டுகள் அபாரமாக இருந்தது. மேலும் அந்த முடிவு தங்களுடைய மிடில் ஆர்டர் பேட்ஸ்மேன்கள் அதிரடியாக விளையாட உதவியது. அந்த முடிவு லக்னோவுக்கு ஆச்சர்யத்தைக் கொடுத்து பஞ்சாப் வெற்றிக்கான துவக்கத்தைக் கொடுத்தது.

என பாண்டிங் கூறினார்.

பாகிஸ்தான் அணி, ஆஸ்திரேலியாவில் சுற்றுப்பயணம் மேற்கொண்டு ஒருநாள் மற்றும் டி20 தொடரில் விளையாடி வருகிறது. இரு அணிகள் மோதிய முதல் ஒருநாள் போட்டியில் ஆஸ்திரேலியா போராடி வெற்றி பெற்றது. இதனை தொடர்ந்து இரு அணிகளுக்கு இடையேயான 2-வது ஒருநாள் போட்டி நாளை நடைபெற உள்ளது.

இந்நிலையில் பாகிஸ்தானுக்கு எதிரான கடைசி ஒருநாள் போட்டி மற்றும் டி20 தொடரில் பங்கேற்க உள்ள ஆஸ்திரேலிய அணி அறிவிக்கப்பட்டுள்ளது. இந்த தொடரில் முதல் இரண்டு ஒருநாள் போட்டிகளில் பேட் கம்மின்ஸ் கேப்டனாகவும் 3-வது ஒருநாள் மற்றும் டி20 தொடரில் முழுவதும் ஆஸ்திரேலிய அணியின் புதிய கேப்டனாக ஜோஸ் இங்கிலிஸ் நியமிக்கப்பட்டுள்ளார்.

ஒருநாள் போட்டிகளில் ஆஸ்திரேலியாவை வழிநடத்தும் 30-வது வீரராகவும், டி20 வடிவத்தில் 14-வது வீரராகவும் இங்கிலிஸ் திகழ்வார்.

ஆஸ்திரேலிய அணியின் சீனியர் வீரர்களான கம்மின்ஸ், ஸ்மித், மிட்செல் ஸ்டார்க், மார்னஸ் லாபுஷக்னே ஆகியோர் பார்டர் கவாஸ்கர் தொடரில் விளையாட உள்ளதால் அதற்கு தயாராகும் வகையில் பயிற்சியில் ஈடுபட உள்ளனர்.