நீங்கள் தேடியது "வோக்ஸ்வேகன்"

வோக்ஸ்வாகன் நிறுவனம் பிராண்டின் தேசிய எக்சேஞ்ச் திருவிழா- "வோக்ஸ்வாகன் ஆட்டோஃபெஸ்ட்" மீண்டும் தொடங்குவதாக அறிவித்துள்ளது. இந்த வருடாந்திர நிகழ்வு, நாடு முழுவதும் உள்ள வாடிக்கையாளர்களுக்கு தங்கள் வாகனத்தை மேம்படுத்தவும், வோக்ஸ்வாகனின் பிரீமியம் பொறியியலை அனுபவிக்கவும் ஒரு வாய்ப்பை வழங்கும் நோக்கில் நடத்தப்படுகிறது.

நாடு முழுவதும் உள்ள வோக்ஸ்வாகன் டீலர்ஷிப்களில் ஒரு குறிப்பிட்ட காலத்திற்கு மட்டும் நடக்கும் வோக்ஸ்வாகன் ஆட்டோஃபெஸ்ட், பிரத்யேக எக்சேஞ்ச் மற்றும் கவர்ச்சிகரமான தள்ளுபடிகள், வெகுமதிகள் மற்றும் விரிவான சேவை தொகுப்புகளை ஒன்றாகக் கொண்டுவருகிறது. இது வோக்ஸ்வாகனை காரை வீட்டிற்கு கொண்டுவர சிறந்த நேரமாக அமைகிறது.

வோக்ஸ்வாகன் இந்தியாவின் பிராண்ட் இயக்குனர் நிதின் கோஹ்லி கூறுகையில், "வோக்ஸ்வாகன் ஆட்டோஃபெஸ்ட் என்பது வெறும் விற்பனை நிகழ்வு மட்டுமல்ல, இது அதைவிட பெரியது. இந்திய வாடிக்கையாளர்களுக்கு கூடுதல் மதிப்புடன் பிரீமியம் மொபிலிட்டி தீர்வுகளை வழங்குவதற்கான எங்கள் உறுதியை வெளிப்படுத்தும் கொண்டாட்டம் ஆகும்."

"அது நேர்த்தியான விர்டுஸ், அற்புதமான டைகுன் அல்லது டிகுவான் ஆர் லைன் என எதுவாக இருந்தாலும், ஆட்டோஃபெஸ்ட் வாடிக்கையாளர்கள் தங்கள் ஓட்டுநர் அனுபவத்தை ஒப்பிடமுடியாத நன்மைகளுடன் மேம்படுத்த சரியான நுழைவாயிலை வழங்குகிறது" என்றார்.

வோக்ஸ்வாகனின் ஆட்டோஃபெஸ்ட் எக்ஸ்சேஞ்ச் திருவிழாவின் கீழ், வாடிக்கையாளர்கள் மற்றும் ஏற்கனவே உள்ள பயனர்கள் கவர்ச்சிகரமான எக்சேஞ்ச் மற்றும் லாயல்டி பலன்கள், சிறப்பு நிதி சலுகைகள், இலவச வாகன மதிப்பீடு மற்றும் டெஸ்ட் டிரைவ், சிறப்பு சேவை மற்றும் பராமரிப்பு சலுகைகளைப் பெறலாம்.

வோக்ஸ்வாகன் சமீபத்தில் இந்தியாவில் கோல்ஃப் GTI-யை அறிமுகப்படுத்தியது. இது 2.0 லிட்டர் 4-சிலிண்டர் டர்போ-பெட்ரோல் எஞ்சின் மூலம் இயக்கப்படுகிறது. இது 265 hp பவரையும் 370 Nm டார்க்கையும் உற்பத்தி செய்கிறது. இது 7-ஸ்பீடு டூயல்-கிளட்ச் ஆட்டோமேட்டிக் டிரான்ஸ்மிஷனுடன் இணைக்கப்பட்டுள்ளது. இது ரூ.53 லட்சம் (எக்ஸ்-ஷோரூம்) ஆரம்ப விலையில் கிடைக்கிறது.

வோக்ஸ்வாகன் கோல்ஃப் GTI அதன் 50 ஆண்டுகளை நிறைவு செய்துள்ளது மற்றும் மாடல் 50 உடன் அதை கொண்டாடுகிறது. மேலும், இந்த கார் நர்பர்கிரிங் நாட்ஷெலிஃபில் அதிவேகமாக வோக்ஸ்வேகன் கார் என்ற பெருமையை பெற்றுள்ளது. வருகிற 20-ந்தேதி நர்பர்க்ரிங் 24 ஹவர்ஸ் பந்தயத்தில் அதிகாரப்பூர்வமாக அறிமுகப்படுத்தப்பட உள்ள இந்த கார், ஜெர்மன் பாதையில் 7:46.13 மணி நேரத்தை பதிவு செய்துள்ளது. இது கோல்ஃப் R 20 இயர்ஸ் மாடலை விடவும் வேகமானது.

அதன் பெயரில் உள்ள இந்த சாதனையுடன், கோல்ஃப் GTI Mk8.5 ஐ அடிப்படையாகக் கொண்ட வோக்ஸ்வாகன் கோல்ஃப் GTI மாடல் 50, முந்தைய தலைமுறை கோல்ஃப் GTI கிளப்ஸ்போர்ட் S 20.8 கிமீ அமைப்பை நிறைவு செய்வதை விட 3 வினாடிகள் வேகமாக உள்ளது.

புதிய GTI எடிஷன் 50 அதன் சிறந்த வோக்ஸ்வாகன் என்ற அந்தஸ்தைப் பெற்றிருந்தாலும், அது இன்னும் ஹோண்டா சிவிக் டைப் R ஐ விட 1.25 வினாடிகள் பின்தங்கியுள்ளது. கடுமையான எமிஷன் விதிகள் காரணமாக இந்த கார் ஐரோப்பாவில் இருந்து வெளியேறும் அபாயத்தை எதிர்கொண்டுள்ள நிலையில், ஜப்பானிய மாடலான சிவிக், நோர்ட்ஸ்லீஃப்பில் வேகமான முன்-சக்கர-இயக்கி வாகனம் என்ற பட்டத்தைத் தக்கவைத்துக் கொண்டுள்ளது. இரண்டு ஆண்டுகளுக்கு முன்பு, CTR 20.8-கிலோமீட்டர் (12.9-மைல்) சுற்றுவட்டத்தை 7 நிமிடங்கள் மற்றும் 44.88 வினாடிகளில் நிறைவு செய்தது.

கோல்ஃப் GTI இன் நிலையான பதிப்பு 2.0-லிட்டர் நான்கு சிலிண்டருடன் வருகிறது. இது 216 hp சக்தியை உருவாக்குகிறது. இந்த யூனிட் 7-ஸ்பீடு டூயல் கிளட்ச் கியர்பாக்ஸ் மற்றும் மெக்கானிக்கல் லிமிடெட்-ஸ்லிப் டிஃபெரன்ஷியல் ஆகியவற்றுடன் இணைக்கப்பட்டுள்ளது.

வோக்ஸ்வேகன் இந்தியா நிறுவனம் தனது கார் மாடல்களுக்கு அதிரடி சலுகைகளை அறிவித்து இருக்கிறது. அதன்படி வாடிக்கையாளர்கள் புதிய வோக்ஸ்வேகன் கார் வாங்கும் போது தள்ளுபடி, எக்சேன்ஜ் போனஸ் மற்றும் லாயல்டி பலன்கள் வடிவில் சலுகைகளை பெற்றுக் கொள்ள முடியும்.

வோக்ஸ்வேகன் டைகுன் மாடலுக்கு ரூ. 1 லட்சம் வரையிலான பலன்கள் வழங்கப்படுகின்றன. இதில் எக்சேன்ஜ் மற்றும் லாயல்டி பலன்கள் ரூ. 60 ஆயிரமும், ரொக்க பலன்களாக ரூ. 60 ஆயிரமும் வழங்கப்படுகின்றன. வோக்ஸ்வேகன் விர்டுஸ் மாடலுக்கு ரூ. 80 ஆயிரம் வரையிலான பலன்கள் வழங்கப்படுகின்றன. இதில் ரொக்க பலன்கள் ரூ. 40 ஆயிரமும், எக்சேன்ஜ் மற்றும் லாயல்டி பலன்கள் ரூ. 40 ஆயிரமும் வழங்கப்படுகிறது. 

இதே போன்று வோக்ஸ்வேகன் டைகுன் மாடலுக்கு ரூ. 4 லட்சத்து 20 ஆயிரம் வரையிலான பலன்கள் வழங்கப்படுகிறது. இதில் ரொக்க பலன்கள் ரூ. 75 ஆயிரம் வரையிலும், எக்சேன்ஜ் போனஸ் ரூ. 75 ஆயிரமும், கார்ப்பரேட் பலன்கள் ரூ. 1 லட்சம் வரையிலும், விசேஷ பலன்களாக ரூ. 84 ஆயிரமும், ரூ. 86 ஆயிரம் மதிப்புள்ள நான்கு ஆண்டுகளுக்கான எஸ்.வி.பி. சேவையும் வழங்கப்படுகிறது.

இந்திய சந்தையில் வோக்ஸ்வேகன் டைகுன் மாடல் ஒற்றை வேரியண்டில் கிடைக்கிறது. இதன் விலை 35 லட்சத்து 17 ஆயிரம், எக்ஸ்-ஷோரூம் என்று துவங்குகிறது.

வோக்ஸ்வேகன் நிறுவனம் தனது விர்டுஸ் மற்றும் டைகுன் சவுண்ட் எடிஷன் மாடல்களை இந்திய சந்தையில் அறிமுகம் செய்தது. சில வாரங்களுக்கு முன்பு டைகுன் டிரையல் எடிஷன் அறிமுகம் செய்யப்பட்ட நிலையில், தற்போது சவுண்ட் எடிஷன் அறிமுகம் செய்யப்பட்டு உள்ளது.

புதிய வோக்ஸ்வேகன் விர்டுஸ் சவுண்ட் எடிஷன் மாடலின் விலை ரூ. 15 லட்சத்து 52 ஆயிரம் என்று துவங்குகிறது. டைகுன் சவுண்ட் எடிஷன் விலை ரூ. 16 லட்சத்து 33 ஆயிரம் என்று நிர்ணயம் செய்யப்பட்டு உள்ளது. இரு மாடல்களிலும் மெக்கானிக்கல் மாற்றங்கள் மேற்கொள்ளப்படாமல், இசை சார்ந்த அனுபவத்தை மேம்படுத்தும் வசதிகள் வழங்கப்பட்டு இருக்கின்றன.

சவுண்ட் எடிஷன்என்ற பெயருக்கு ஏற்றார் போல் இரு மாடல்களிலும் ஸ்பீக்கர் மற்றும் ஆம்ப்லிஃபயர் சிஸ்டம் வழங்கப்படுகிறது. இத்துடன் பவர்டு முன்புற இருக்கைகள் உள்ளன. இதே போன்ற அம்சங்கள் இரு மாடல்களின் GT பிளஸ் வேரியண்ட்களில் அறிமுகம் செய்யப்பட்டது குறிப்பிடத்தக்கது. வோக்ஸ்வேகன் போன்றே ஸ்கோடா நிறுவனமும் தனது ஸ்லேவியா மாடலில் இதே அப்டேட்களை வழங்கி உள்ளது.

இரு கார்களின் வெளிப்புற சி-பில்லர் மற்றும் கதவுகள் அருகே ஸ்பெஷல் எடிஷன் பேட்ஜிங் வழங்கப்படுகிறது. டைகுன் மாடலில் காண்டிராஸ்ட் நிற ரூஃப் மற்றும் விங் மிரர்கள் வழங்கப்படுகிறது. வோக்ஸ்வேகன் விர்டுஸ், டைகுன் சவுண்ட் எடிஷன் மாடல்கள்- லாவா புளூ, கார்பன் ஸ்டீல் கிரே, வைல்டு செர்ரி ரெட் மற்றும் ரைசிங் புளூ என நான்கு நிறங்களில் கிடைக்கின்றன.

வோக்ஸ்வேகன் விர்டுஸ் மற்றும் டைகுன் சவுண்ட் எடிஷன் மாடல்களில் 1.0 லிட்டர் TSI என்ஜின் வழங்கப்பட்டு இருக்கிறது. இந்த என்ஜின் 115 ஹெச்.பி. பவர், 178 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இரு கார்களிலும் 6 ஸ்பீடு மேனுவல் அல்லது 6 ஸ்பீடு ஆட்டோமேடிக் கியர்பாக்ஸ் ஆப்ஷன்கள் வழங்கப்படுகின்றன.

இந்திய சந்தையில் வோக்ஸ்வேகன் விர்டுஸ் மாடல் ஸ்கோடா ஸ்லேவியா, ஹூண்டாய் வெர்னா, ஹோண்டா சிட்டி மற்றும் மாருதி சியாஸ் மாடல்களுக்கும், டைகுன் மாடல் ஹோண்டா எலிவேட், ஹூண்டாய் கிரெட்டா, கியா செல்டோஸ், மாருதி கிராண்ட் விட்டாரா மற்றும் ஸ்கோடா குஷக் போன்ற மாடல்களுக்கும் போட்டியாக அமைகின்றன.

வோக்ஸ்வேகன் குழுமம் இந்திய சந்தையில் என்ட்ரி லெவல் எலெக்ட்ரிக் வாகனத்தை அறிமுகம் செய்வதற்கான பணிகளில் ஈடுபட்டு வருகிறது. இதற்காக வோக்ஸ்வேகன் நிறுவனம் முலீடுகளை ஈர்க்க திட்டமிட்டு வருகிறது. இந்த வகையில், இந்திய சந்தைக்கு ஏற்ற வகையில் முற்றிலும் புதிய எலெக்ட்ரிக் வாகனத்தை வோக்ஸ்வேகன் அறிமுகம் செய்யும் என எதிர்பார்க்கலாம்.

இந்த தசாப்தத்தின் இரண்டாவது பாதியில் வோக்ஸ்வேகன் நிறுவனம் என்ட்ரி லெவல் எலெக்ட்ரிக் வாகனத்தை அறிமுகம் செய்ய இலக்கு நிர்ணயித்துள்ளது. இது குறித்து பாரத் மொபிலிட்டி நிகழ்வில் தனியார் செய்தி நிறுவனம் எழுப்பிய கேள்விக்கு வோக்ஸ்வேகன் இந்தியா நிர்வாக இயக்குனரும், தலைமை செயல் அதிகாரியுமான பியூஷ் அரோரா பதில் அளித்தார்.

கோப்புப்படம் 

அப்போது பேசிய அவர், "இந்தியாவில் எலெக்ட்ரிக் வாகன யுக்தி எங்களது ஐ.சி. என்ஜின் மாடல்களுக்கான யுக்திகளை விட அதிக வித்தியாசமாக இருந்துவிடாது. இதனால், இந்திய சந்தைக்கு ஏற்றவகையிலும், சர்வதேச வாகனங்களை அறிமுகம் செய்வதில் கவனம் செலுத்துவோம். புதிய எலெக்ட்ரிக் வாகனம் என்ட்ரி லெவல் பிரிவில் நிலைநிறுத்தப்படும்."

"எலெக்ட்ரிக் வாகனங்களை அறிமுகம் செய்வதற்காக வோக்ஸ்வேகன் குழுமம் சார்பில் பல மில்லியன் யூரோக்கள் அடங்கிய பெரும் தொகை முதீலடு செய்யப்படுகிறது. இந்த முதலீட்டை நியாயப்படுத்தும் வகையில், புதிய வாகனங்களை இந்தியா மட்டுமின்றி, வெளிநாடுகளுக்கும் ஏற்றுமதி செய்வது பற்றி திட்டமிடுவோம்," என்று தெரிவித்தார்.

வோக்ஸ்வேகன் நிறுவனம் தனது கார் மாடல்களுக்கு மார்ச் மாத சலுகைகளை அறிவித்து இருக்கிறது. அதன்படி வோக்ஸ்வேகன் டுகன், விர்டுஸ் போன்ற எஸ்.யு.வி. மாடல்களுக்கு அசத்தல் சலுகைகள் மற்றும் தள்ளுபடி வழங்கப்படுகின்றன. இவை ரொக்க தள்ளுபடி, கார்ப்பரேட் தள்ளுபடி மற்றும் எக்சேன்ஜ் போனஸ் வடிவில் வழங்கப்படுகின்றன.

இந்த சலுகை மற்றும் பலன்கள் மார்ச் மாத இறுதி வரை வழங்கப்படுகின்றன. இதில் வோக்ஸ்வேகன் விர்டுஸ் மாடலுக்கு அதிகபட்சம் ரூ. 75 ஆயிரம் வரையிலான பலன்கள் கிடைக்கும். இதில் ரூ. 30 ஆயிரம் ரொக்க தள்ளுபடி, ரூ. 30 ஆயிரம் எக்சேன்ஜ் போனஸ் மற்றும் ரூ. 15 ஆயிரம் வரை கார்ப்பரேட் தள்ளுபடி அடங்கும்.

வோக்ஸ்வேகன் டைகுன் மாடலுக்கு ரூ. 1 லட்சத்து 30 ஆயிரம் வரையிலான பலன்கள் வழங்கப்படுகின்றன. இதில் ரூ. 60 ஆயிரம் ரொக்க தள்ளுபடி, ரூ. 40 ஆயிரம் எக்சேன்ஜ் போனஸ் மற்றும் ரூ. 30 ஆயிரம் கார்ப்பரேட் தள்ளுபடி அடங்கும்.

இந்த சலுகைகள் ஸ்டாக் இருப்பு, வேரியண்ட், பகுதி விற்பனை மையம், காரின் நிறம், பவர்டிரெயின் மற்றும் இதர நிலைகளுக்கு ஏற்ப வேறுபடும். 

வோக்ஸ்வேகன் நிறுவனம் தனது டைகுன் மிட்சைஸ் எஸ்.யு.வி. மாடலின் தேர்வு செய்யப்பட்ட வேரியண்ட்களுக்கு விலை குறைப்பை அறிவித்து இருக்கிறது.

புதிய விலை குறைப்பை தொடர்ந்து இந்திய சந்தையில் வோக்ஸ்வேகன் டைகுன் மாடலின் விலை ரூ. 11 லட்சத்தில் துவங்குகிறது. இதன் டாப் எண்ட் மாடல் விலை ரூ. 18 லட்சத்து 90 ஆயிரம் என மாறி இருக்கிறது. இந்த கார் மொத்தத்தில் 21 வேரியண்ட்களில் கிடைக்கிறது.

வோக்ஸ்வேகன் டைகுன் புதிய விலை விவரங்கள்:

1.0 TSI கம்ஃபர்ட்லைன் மேனுவல் டிரான்ஸ்மிஷன் ரூ. 70 ஆயிரம் குறைந்து ரூ. 11 லட்சம் என மாறியுள்ளது

1.5 TSI GT பிளஸ் DSG க்ரோம் ரூ. 75 ஆயிரம் குறைந்து ரூ. 18 லட்சத்து 69 ஆயிரம் என மாறியுள்ளது

1.5 TSI GT பிளஸ் DSG க்ரோம் (கூடுதல் அம்சங்களுடன்) ரூ. 1 லட்சத்து 05 ஆயிரம் குறைந்து ரூ. 18 லட்சத்து 69 ஆயிரம் என மாறியது

1.5 GT எட்ஜ் பிளஸ் DSG டீப் பிளாக் பியல் ரூ. 74 ஆயிரம் குறைந்து ரூ. 18 லட்சத்து 90 ஆயிரம் என மாறியுள்ளது

1.5 GT எட்ஜ் பிளஸ் DSG கார்பன் ஸ்டீல் கிரே மேட் ரூ. 80 ஆயிரம் குறைந்து ரூ. 18 லட்சத்து 90 ஆயிரம் என மாறியுள்ளது

1.5 GT எட்ஜ் பிளஸ் DSG (புதிய அம்சங்கள்) டீப் பிளாக் பியல் ரூ. 1 லட்சத்து 04 ஆயிரம் குறைந்து ரூ. 18 லட்சத்து 90 ஆயிரம் என மாறியது

1.5 GT எட்ஜ் பிளஸ் DSG (புதிய அம்சங்கள்) கார்பன் ஸ்டீல் கிரே மேட் ரூ. 1.1 லட்சம் குறைந்து ரூ. 18 லட்சத்து 90 ஆயிரம் என மாறியுள்ளது

இந்தியாவில் வோக்ஸ்வேகன் டைகுன் மாடல் ஐந்து பிரத்யேக நிறங்களில் கிடைக்கிறது. டைகுன் மாடல் டொயோட்டா ஹைரைடர், ஹோண்டா எலிவேட், ஹூண்டாய் கிரெட்டா, மாருதி கிராண்ட் விட்டாரா போன்ற மாடல்களுக்கு போட்டியாக அமைகிறது.

வோக்ஸ்வேகன் நிறுவனம் டைகுன் GT லைன் மற்றும் டைகுன் GT பிளஸ் ஸ்போர்ட் மாடல்களை இந்திய சந்தையில் அறிமுகம் செய்தது. இவற்றின் விலை முறையே ரூ. 14 லட்சத்து 08 ஆயிரம் மற்றும் ரூ. 18 லட்சத்து 53 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

புது வேரியண்ட்கள் கடந்த மாதம் அறிமுகம் செய்யப்பட்ட எஸ்.யு.வி.யின் பிளாக் ஸ்போர்ட் தீம் கொண்ட ஸ்பெஷல் வெர்ஷன் ஆகும். இவை புதிதாக உருவாக்கப்பட்டு இருக்கும் ஸ்போர்ட் லைன் பிரிவில் இடம்பெற்றுள்ளன.

GT பிளஸ் மாடலில் கார்பன் ஸ்டீல் கிரே நிற ரூஃப், முன்புற கிரில், ஃபெண்டர் மற்றும் டெயில்கேட் பகுதிகளில் ரெட் நிறத்தில் "GT" பிராண்டிங் வழங்கப்பட்டு இருக்கிறது. GT லைன் வேரியண்டில் "GT" பிராண்டிங் பிளாக் நிறத்தில் வழங்கப்பட்டு இருக்கிறது.

இரண்டு வேரியண்ட்களிலும் 17 இன்ச் கசினோ பிளாக் அலாய் வீல்கள் வழங்கப்பட்டுள்ளன. GT பிளஸ் வேரியண்டில் முன்புறம் ரெட் நிற கேலிப்பர்கள் வழங்கப்படுகின்றன. உள்புறம் பிளாக் நிற இருக்கை மேற்கவர்கள் வழங்கப்படுகின்றன.

GT பிளஸ் மாடலில் சிவப்பு நிற ஸ்டிட்ச் (தையல்) செய்யப்பட்டுள்ளது. GT லைன் மாடலில் கிரே நிற ஸ்டிட்ச் செய்யப்பட்டுள்ளது. இத்துடன் GT பிளஸ் மாடலில் ரெட் நிற GT லோகோ, அலுமினியம் பெடல்கள், அறிமுக சலுகையாக நான்கு ஆண்டுகளுக்கு சர்வீஸ் வேல்யூ பேக்கேஜ் வழங்கப்படுகிறது.

வோக்ஸ்வேகன் டைகுன் ஸ்போர்ட் GT லைன் மாடலில் 1.0 லிட்டர் TSI என்ஜின் வழங்கப்பட்டு இருக்கிறது. இந்த என்ஜின் 114 ஹெச்.பி.பவர், 178 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

புதிய டைகுன் GT பிளஸ் மாடலில் சற்றே சக்திவாய்ந்த 1.5 லிட்டர் TSI பெட்ரோல் என்ஜின் வழங்கப்படுகிறது. இந்த என்ஜின் 148 ஹெச்.பி. பவர், 250 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இரு என்ஜின்களுடன் 6 ஸ்பீடு மேனுவல் கியர்பாக்ஸ் வழங்கப்படுகிறது. 

வோக்ஸ்வேகன் விற்பனை மையங்கள் சார்பில் விர்டுஸ், டைகுன் மற்றும் டிகுவான் மாடல்களுக்கு சிறப்பு சலுககள் வழங்கப்படுகின்றன. மே மாத சலுகைகளின் கீழ் வழங்கப்படும் சிறப்பு சலுகை மற்றும் பலன்கள் ஒவ்வொரு பகுதி மற்றும் ஸ்டாக் இருப்புக்கு ஏற்ப வேறுப்படும்.

அந்த வகையில், வோக்ஸ்வேகன் விர்டுஸ் மிட்சைஸ் செடான் மாடலுக்கு அதிகபட்சமாக ரூ. 1 லட்சத்து 40 ஆயிரம் வரையிலான பலன்கள் வழங்கப்படுகின்றன. வேரியண்டிற்கு ஏற்ப ரூ. 90 ஆயிரம் வரை தள்ளுபடி, ரூ. 30 ஆயிரம் எக்சேஞ்ச் போனஸ் மற்றும் ரூ. 20 ஆயிரம் கார்ப்பரேட் பலன்கள் வழங்கப்படுகிறது. இவை 2023 மாடல்களுக்கானது ஆகும். 2024 மாடல்களுக்கு அதிகபட்சம் ரூ. 30 ஆயிரம் வரையிலான பலன்கள் வழங்கப்படுகின்றன.

வோக்ஸ்வேகன் டைகுன் மாடலை வாங்குவோருக்கு ரூ. 1 லட்சத்து 15 ஆயிரம் வரையிலான பலன்கள் வழங்கப்படுகின்றன. வேரியண்டிற்கு ஏற்ப டைகுன் மாடலை வாங்கும் போது ரூ. 65 ஆயிரம் தள்ளுபடி, ரூ. 30 ஆயிரம் வரை எக்சேஞ்ச் போனஸ் மற்றும் ரூ. 20 ஆயிரம் கார்ப்பரேட் பலன்கள் வழங்கப்படுகின்றன.

2023 டிகுவான் எஸ்.யு.வி. மாடலுக்கு ரூ. 1 லட்சத்து 50 ஆயிரம் வரையிலான பலன்கள் வழங்கப்படுகின்றன. இதில் ரூ. 75 ஆயிரம் தள்ளுபடி, ரூ. 75 ஆயிரம் எக்சேஞ்ச் போனஸ் அடங்கும். இத்துடன் நான்கு ஆண்டுகளுக்கு சர்வீஸ் பேக்கேஜ் வழங்கப்படுகிறது. 2024 மாடலுக்கு ரூ. 50 ஆயிரம் எக்சேஞ்ச் போனஸ் வழங்கப்படுகிறது.

ஸ்கோடா ஆட்டோ வோக்ஸ்வேகன் இந்தியா பிரைவேட் லிமிடெட் நிறுவனத்தில் வோகஸ்வேகன் தனது பங்கை விற்க ஆலோசித்து வருகிறது. இந்த விவகாரம் தொடர்பாக கார் விற்பனையில் முன்னணியில் உள்ள மஹிந்திராவுடன் பேச்சுவார்த்தை நடத்தப்படுவதாக கூறப்படுகிறது. எனினும் இதுகுறித்து உறுதியான தகவல் வெளியாகவில்லை.

2 பில்லியன் அமெரிக்க டாலர்களுக்கு மேல் முதலீடு செய்த போதிலும், ஃபோக்ஸ்வேகன் இந்திய சந்தையில் வெற்றி பெறவில்லை. அதிக விலை காரணமாக இந்திய சந்தையில் வோகஸ்வேகன் கார்கள் எதிர்பார்த்த அளவுக்கு விற்பனையாகவில்லை.

ஸ்கோடா ஆட்டோவின் உலகளாவிய தலைமை நிர்வாக அதிகாரி கிளாஸ் ஜெல்மர் கூறுகையில், "நாங்கள் 20 ஆண்டுகளுக்கும் மேலாக இந்தியாவில் பயணித்து வருகிறோம். சரியான பாதையில் தான் செல்கிறோம் என்பதை இதுவரை நிரூபிக்க முடியவில்லை. எனவே, ஒரு புதிய பாதையில் முயற்சிக்கவும். சரியான பங்குதாரரை நாம் கண்டுபிடித்தால், ஒருவரையொருவர் கற்றுக்கொண்டு பயனடைய முடியும் என்று உறுதியாக நம்புகிறேன்…" என்றார்.

மேலும், ஐரோப்பிய கார்கள் பெரும்பாலும் அதிக இன்ஜினியரிங் செய்யப்படுகின்றன, அவை இந்தியாவில் தேவைப்படாது. அதிக இன்ஜினியரிங் காரணமாக கார்களின் விலை உயருகிறது. இந்த தயாரிப்புகள் இந்திய சந்தையில் வரும்போது போட்டித்தன்மையை குறைக்கிறது. கலப்பினங்கள் மீதான வரி விகிதங்களை அரசாங்கம் குறைக்க வேண்டும் என்று தெரிவித்தார்.