நீங்கள் தேடியது "கணவரை கொன்ற மனைவி"

திருப்பதி:

ஆந்திர மாநிலம், நிஜாம்பட்டினம் மாவட்டம், பெலகாவி அடுத்த கோகர்ண மடத்தை சேர்ந்தவர் அமரேந்திர பாபு (வயது 38). கூலி தொழிலாளி. இவரது மனைவி அருணா. தம்பதிக்கு 1 மகன்,1 மகள் உள்ளனர்.

அமரேந்திர பாபு தினமும் மது குடித்து விட்டு வந்து மனைவியை அடித்து துன்புறுத்தினார். இது குறித்து அருணா கணவர் மீது போலீசில் புகார் செய்தார். போலீசார் அமரேந்திர பாபுவை போலீஸ் நிலையம் அழைத்து எச்சரிக்கை செய்து அனுப்பி வைத்தனர்.

இந்த நிலையில் நேற்று முன்தினம் அமரேந்திர பாபு மது போதையில் வீட்டிற்கு வந்தார். மீண்டும் மனைவியிடம் தகராறில் ஈடுபட்டார். அப்போது தனது பாக்கெட்டில் இருந்த கத்தியை எடுத்து அருணாவை குத்தி கொலை செய்ய முயன்றார்.

கணவர் தன்னை கொலை செய்து விடுவார் என எண்ணிய அருணா வீட்டிலிருந்த கட்டையை எடுத்து கணவரின் தலையில் ஓங்கி அடித்தார். இதில் அமரேந்திர பாபு மயங்கி கீழே விழுந்தார்.

வீட்டிலிருந்த கயிற்றை எடுத்து வந்து கணவரின் கழுத்தில் மாட்டினார். பின்னர் கணவரை வீட்டிற்கு வெளியே தெருவில் இழுத்து சென்றார். கழுத்தில் கயிறு இறுக்கியதால் அமரேந்திரபாபு வலியால் அலறி துடித்தார்.

கணவர் தன்னை கொலை செய்ய முயன்றதால் கடும் ஆத்திரத்தில் இருந்த அருணா கணவர் உடலை இழுத்துச் சென்று துடி துடிக்க கொலை செய்தார். பின்னர் கணவர் உடலை இழுத்து போட்டு வீசிவிட்டு தப்பிச் சென்றார்.

கணவர் உடலை அருணா இழுத்துச் செல்வதை அந்த வழியாக சென்ற ஒருவர் தனது செல்போனில் வீடியோவாக பதிவு செய்து சமூக வலைதளத்தில் பதிவிட்டார்.

இந்த வீடியோ தற்போது சமூக வலைதளத்தில் பரபரப்பை ஏற்படுத்தியது. வீடியோவை கண்ட போலீசார் சம்பவ இடத்திற்கு சென்று அமரேந்திர பாபு பிணத்தை மீட்டு பிரேத பரிசோதனைக்காக அரசு ஆஸ்பத்திரிக்கு அனுப்பி வைத்தனர்.

போலீசார் வழக்கு பதிவு செய்து தலைமறைவாக உள்ள அருணாவை தேடி வருகின்றனர். 

மேலூர்:

மதுரை மாவட்டம் மேலூரையடுத்த திருவாதவூர் ஊராட்சிக்கு உட்பட்ட உலகு பிச்சையன்பட்டியைச் சேர்ந்தவர் கலியமூர்த்தி (வயது 52). கலியமூர்த்தி மேலூர் மின் வாரியத்தில் லைன் இன்ஸ்பெக்டராக பணியாற்றி வந்தார்.

கலியமூர்த்தியும், அவரது மனைவி ஜெனிடாவும் காதல் திருமணம் செய்து கொண்டவர்கள். இவர்களுக்கு தேவி (24) என்ற மகள் உள்ளார். அவருக்கும், ராஜகோபால் என்பவருக்கும் சமீபத்தில் திருமணமாகி தற்போது தேவி கர்ப்பிணியாக உள்ளார்.

இந்த நிலையில் நேற்று முன்தினம் கலியமூர்த்தி வீட்டில் படுக்கையறையில் மர்மமான முறையில் இறந்து கிடந்தார். அவரது கழுத்தில் காயம் இருந்தது. இதுபற்றி ஜெனிடா மேலூர் போலீசுக்கு புகார் செய்தார். அதன் பேரில் இன்ஸ்பெக்டர் சார்லஸ், சப்-இன்ஸ்பெக்டர் ஜெயகஜேந்திரன் ஆகியோர் வழக்குப்பதிவு செய்து விசாரணை நடத்தினர்.

மேலும் இந்த கொலையில் சம்பந்தப்பட்ட நபர்களை கண்டறிந்து கைது செய்ய மதுரை எஸ்.பி. சிவபிரகார் உத்தரவிட்டார். அதன் பேரில் மேலூர் டி.எஸ்.பி பிரபாகரன் ஆலோசனையின்படி போலீசார் தீவிர விசாரணை மேற்கொண்டனர். இதில் பல திடுக்கிடும் தகவல்கள் தெரியவந்தது.

கலியமூர்த்தி பல பெண்களுடன் தொடர்பு வைத்திருந்ததாகவும், அவர் பலரிடம் கடன் வாங்கி இருந்ததாகவும் கூறப்படுகிறது. இது தொடர்பாக கணவன்-மனைவி இடையே அடிக்கடி தகராறு ஏற்பட்டு வந்தது.

இதைத்தொடர்ந்து கணவர் எதையும் கேட்காமல் தனது இஷ்டப்படி நடந்ததால் அவரை கொலை செய்ய அவரது மனைவி ஜெனிடா திட்டமிட்டுள்ளார். அதனை செயல்படுத்த அதே பகுதியைச் சேர்ந்த 3 இளைஞர்களின் உதவியை நாடியுள்ளார்.

சம்பவத்தன்று ஜெனிடாவும், அவரது மகள் தேவியும் வெளியே சென்ற நேரத்தில் ஏற்கனவே பேசி இருந்தபடி 3 நபர்களையும் வீட்டிற்கு சென்று கணவரை கொலை செய்யும்படி ஜெனிடா கூறியுள்ளார். அதன்படி வீட்டுக்கு சென்ற 3 நபர்களும் படுக்கையறையில் தூங்கிக் கொண்டிருந்த கலியமூர்த்தி கழுத்தை நெரித்து கொலை செய்துள்ளனர். பின்னர் அங்கிருந்து தப்பிச் சென்று விட்டனர்.

மேற்குறிப்பிட்ட தகவல்கள் போலீசாரின் விசாரணையில் தெரிய வந்தது. இதைத்தொடர்ந்து ஜெனிடா மற்றும் 3 நபர்களிடம் போலீசார் தொடர்ந்து விசாரணை நடத்தி வருகின்றனர். இதில் 3 நபர்களில் ஒருவர் மட்டும் 18 வயதுடையவர். மற்ற இருவரும் 17 வயதுடைய சிறுவர்கள் என்பது குறிப்பிடத்தக்கது.

மேலூரில் மனைவியே கூலிப்படை மூலம் கணவரை கொலை செய்த சம்பவம் பரபரப்பை ஏற்படுத்தி உள்ளது.