நீங்கள் தேடியது "எம்எல்ஏ ரவி"

பெங்களூரு:

கர்நாடக மாநில பாஜக மூத்த தலைவரும் எம்எல்ஏவுமான சி.டி.ரவி, இன்று அதிகாலை சிக்கமங்களூருவில் இருந்து சென்னைக்கு காரில் சென்றுக்கொண்டிருந்தார். தும்கூர் மாவட்டம் குனிகல் அருகே சென்றபோது, கார் டிரைவரின் கட்டுப்பாட்டை இழந்து தாறுமாறாக ஓடியது. பின்னர் சாலையோரம் இரு சக்கர வாகனத்துடன் நின்றுகொண்டிருந்தவர்கள் மீது பயங்கரமாக மோதியது.

இந்த விபத்தில் 2 பேர் சம்பவ இடத்திலேயே உயிரிழந்தனர். 3 பேர் பலத்த காயமடைந்தனர். காரில் பயணம் செய்த எம்எல்ஏ ரவி சிறிய காயங்களுடன் தப்பினார்.

காரில் பயணம் செய்தபோது தூங்கிக் கொண்டிருந்ததாகவும், ஏர் பேக் திறந்த பின்னரே ஏதோ அசம்பாவிதம் நடந்ததை உணர்ந்ததாகவும் எம்எல்ஏ தெரிவித்தார்.

ஆம்புலன்சை வரவழைத்து உயிரிழந்தவர்களின் சடலங்களை பெங்களூருவில் உள்ள தனியார் மருத்துவமனைக்கு அனுப்பி வைத்து, தானும் அதே மருத்துவனையில் சிகிச்சைக்காக சேர்ந்ததாகவும் தெரிவித்தார். #BJPMLA #CarAccident