நீங்கள் தேடியது "Siddha College"

நெல்லை:

இந்தாண்டுக்கான சமத்துவ பொங்கலுக்கான விழா நேற்று தொடங்கியது. கல்லூரி முதல்வர் சாந்தமரியா நிகழ்ச்சியை தொடங்கி வைத்தார். நேற்று பல்லாங்குழி, கேரம்போர்டு, இறகுபந்து போட்டி, கைப்பந்து போட்டி, மெகந்தி போட்டி உள்ளிட்ட பல்வேறு போட்டிகள் நடைபெற்றது.

தொடர்ந்து மாறுவேட போட்டி, ஓவியம் வரைதல் போட்டிகள் உள்ளிட்ட போட்டிகளில் மாணவிகள் கலந்து கொண்டு தங்களது திறமைகளை வெளிப்படுத்தினர். இன்று 2-வது நாளாக பாரம்பரிய போட்டிகளான கபடி, கோ-கோ உள்ளிட்ட பல்வேறு போட்டிகள் நடைபெற்றது. இதில் ஏராளமான மாணவ-மாணவிகள் கலந்து கொண்டனர். நாளை கல்லூரி வளாகத்தில் சமத்துவ பொங்கலிடும் நிகழ்ச்சி நடக்கிறது.

இதில் கல்லூரியில் உள்ள அனைத்து துறை மாணவ-மாணவிகள் புதுப்பானை யில் பொங்கலிட்டு சமத்துவ பொங்கலை கொண்டாடுகின்றனர். இதையொட்டி கல்லூரி வளாகத்தில் வண்ணமிகு கோலங் களும், தோரணங்களும் அமைக்கப்பட்டுள்ளது.