தேவையான பொருட்கள் : பாசுமதி அரிசி - ஒரு கப்,
கார்ன் - அரை கப்,
வெங்காயம் - ஒன்று,
தக்காளி - 3,
இஞ்சி - பூண்டு விழுது - ஒரு டேபிள்ஸ்பூன்,
பச்சை மிளகாய் - 2,
புதினா, கொத்தமல்லித் தழை - தலா ஒரு கைப்பிடி அளவு,
மிளகாய்த்தூள் - அரை டீஸ்பூன்,
தேங்காய்ப் பால் - அரை கப்,
பட்டை, லவங்கம்,
ஏலக்காய் - தலா ஒன்று,
எண்ணெய், நெய், உப்பு - தேவையான அளவு.
செய்முறை: புதினா, கொத்தமல்லியை பொடியாக நறுக்கி கொள்ளவும்.
வெங்காயம், தக்காளியை பொடியாக நறுக்கி கொள்ளவும்.
பச்சை மிளகாயை கீறிக்கொள்ளவும்.
அரிசியை நன்றாக கழுவி தேங்காய்ப் பால், ஒன்றேகால் கப் தண்ணீர் சேர்த்து ஊறவைக்கவும்.
குக்கரில் எண்ணெய், நெய் விட்டு, காய்ந்ததும் பட்டை, ஏலக்காய், லவங்கம் தாளித்த பின்னர் வெங்காயம், பச்சை மிளகாய், சிட்டிகை உப்பு சேர்த்து நன்கு வதக்கிக் கொள்ளவும்.
வெங்காயம் வதங்கியதும் இஞ்சி - பூண்டு விழுது சேர்த்து நன்றாக வதக்கவும்.
இஞ்சி பூண்டு விழுது பச்சை வாசனை போனவுடன் அதில் தக்காளியை சேர்த்து வதக்கவும்.
தக்காளி நன்றாக வதங்கியதும் கார்ன், மிளகாய்த்தூள், புதினா, கொத்தமல்லி சேர்த்து பச்சை வாசனை போக வதக்கவும்.
பிறகு, ஊற வைத்த அரிசி கலவையை ஊற்றவும்.
இதனுடன் தேவையான உப்பு சேர்த்து நன்கு கலந்து, குக்கரை மூடவும். நன்கு ஆவி வந்ததும் ‘வெயிட்’ போட்டு அடுப்பை மிதமான தீயில் வைத்து, 10 நிமிடம் கழித்து இறக்கவும்.
சூப்பரான உருளைக்கிழங்கு - கார்ன் புலாவ் ரெடி.
இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
