நீங்கள் தேடியது "MKVk school"

தென்காசி:

தென்காசி மாவட்ட வட்டார வருவாய் அளவில் நடைபெற்ற தடகளப் போட்டியில் எம்.கே.வி.கே. மெட்ரிக் பள்ளியை சேர்ந்த 8-ம் வகுப்பு மாணவன் ஜெனிட்டோ ஸ்டேனி குண்டு எறிதல் , தட்டு எறிதலில் கலந்து கொண்டு தங்கப்பதக்கத்தையும், 200மீட்டர் ஓட்டத்தில் ஒரு பதக்கத்தையும், தென்காசி மாவட்ட முதல் தடகள போட்டியின் முதன்மை இளையோருக்கான சான்றிதழையும் பெற்றார்.

அதேபோல் பிளஸ்-2 மாணவன் ஸ்ரீராம் 400 மீட்டர் தடை தாண்டும் ஓட்டத்தில் தங்க பதக்கத்தையும், 7-ம் வகுப்பு மாணவி மகதி இறகு பந்தாட்டத்திலும் வெற்றி பெற்றனர். வெற்றி பெற்ற மாணவ, மாணவிகளை பள்ளி தாளாளர் டாக்டர் பாலமுருகன், பள்ளி முதல்வர் ஏசுபாலன் மற்றும் உடற்கல்வி ஆசிரியர்கள் பாராட்டினர்.

வெற்றி பெற்ற 3 பேரும் மாநில அளவில் நடைபெறும் விளையாட்டு போட்டிகளில் கலந்து கொள்ள தகுதி பெற்றுள்ளனர் என்பது குறிப்பிடத்தக்கது.

தென்காசி:

தென்காசி மாவட்டத்தில் நடைபெற்ற முதல் தடகளப் போட்டியில் எம். கே .வி .கே.மெட்ரிக் மேல்நிலைப்பள்ளியில் பயிலும்7-ம் வகுப்பு மாணவி மகதி இறகு பந்து ஒற்றையர் பிரிவில் முதல் இடத்தையும், 7-ம் வகுப்பு மாணவன் உதய சூர்யா 600மீட்டர் ஓட்டத்தில் இரண்டாம் இடத்தையும், 8-ம் வகுப்பு மாணவன் ஜெனிட்டோ ஸ்டேனி பந்து எறிதலில் இரண்டாம் இடத்தையும். குண்டு எறிதலில், முதல் இடத்தையும் பெற்றனர்.

தென்காசி மாவட்ட முதல் தடகள போட்டியின் முதன்மை இளையோருக்கான சான்றிதழை 8-ம் வகுப்பு மாணவன் ஜெனிட்டோ ஸ்டேனி பெற்றார். 11-ம் வகுப்பு மாணவன் நிஷாந்த் தட்டு எறிதலில் மூன்றாம் இடத்தையும் 12-ம் வகுப்பு மாணவன் ஸ்ரீ ராம் உயரம் தாண்டுதல் 400 மீட்டர் ஓட்டத்தில் இரண்டாம் இடத்தையும் பெற்றனர். மேலும் இம்மாணவர்கள் மாநில அளவில் நடைபெறும் போட்டிக்கு தகுதி பெற்றுள்ளனர். போட்டியில் வெற்றி பெற்ற மாணவ, மாணவிகளை பள்ளித் தாளாளர் டாக்டர் க.பாலமுருகன் மற்றும் பள்ளித் தலைமையாசிரியர் சே.ஏசுபாலன்,பயிற்சி அளித்த உடற்கல்வி ஆசிரிய, ஆசிரியைகள் மற்றும் மாணவ, மாணவிகளை பாராட்டினர்.