நீங்கள் தேடியது "Manki bath"

பிரதமர் நரேந்திர மோடி தனது வானொலி நிகழ்ச்சியான மன் கி பாத் மூலம் மக்களிடம் பேசினார்.

அப்போது ஆபரேஷன் சிந்தூர் குறித்து அவர் பேசியதாவது, "இன்று முழு நாடும் பயங்கரவாதத்திற்கு எதிராக ஒன்றுபட்டுள்ளது. இன்று ஒவ்வொரு இந்தியனின் உறுதிமொழியும் இதுதான், நாம் பயங்கரவாதத்தை முடிவுக்குக் கொண்டுவர வேண்டும். சிந்தூர் நடவடிக்கையின் போது நமது படைகள் வெளிப்படுத்திய வீரம் ஒவ்வொரு இந்தியரையும் பெருமைப்படுத்தியுள்ளது.

எல்லையைத் தாண்டி பயங்கரவாதிகளின் மறைவிடங்களை நமது ராணுவம் அழித்த துல்லியம் அசாதாரணமானது. சிந்தூர் நடவடிக்கை வெறும் இராணுவப் நடவடிக்கை மட்டுமல்ல. நமது உறுதிப்பாடு, தைரியம் மற்றும் மாறிவரும் இந்தியாவின் நடவடிக்கை. இந்தப் நடவடிக்கை முழு நாட்டையும் தேசபக்தியின் உணர்வால் நிரப்பி, மூவர்ணக் கொடியின் வண்ணங்களில் வரைந்துள்ளது.

நமது வீரர்கள் பயங்கரவாத தளங்களை அழித்தார்கள். இந்தியாவில் தயாரிக்கப்பட்ட ஆயுதங்கள், உபகரணங்கள் மற்றும் தொழில்நுட்பத்தின் சக்தி பயன்படுத்தப்பட்டது.

இந்த வெற்றியில் நமது பொறியாளர்கள், தொழில்நுட்ப வல்லுநர்கள், அனைவரின் வியர்வை உள்ளது. சிந்தூர் நடவடிக்கை நாட்டு மக்களிடையே மிகுந்த தாக்கத்தை ஏற்படுத்தியுள்ளது.

பல குடும்பங்கள் அதைத் தங்கள் வாழ்க்கையின் ஒரு பகுதியாக மாற்றியுள்ளன. பீகாரில் உள்ள கதிஹார், உ.பி.யில் உள்ள குஷிநகர் மற்றும் பல நகரங்களில், பிறந்த குழந்தைகளுக்கு 'சிந்தூர்' என்று பெயரிடப்பட்டது" என்று தெரிவித்தார்.

டேராடூன்:

பிரதமர் மோடியின் மனதின் குரல் (மன் கி பாத்) 100-வது நிகழ்ச்சி கடந்த 30-ந்தேதி நடந்தது. இதையொட்டி நாடு முழுவதும் பல்வேறு இடங்களில் நிகழ்ச்சிகளுக்கு ஏற்பாடு செய்யப்பட்டிருந்தது. உத்தரகாண்ட் மாநிலம் டேராடூனில் ஒரு பள்ளியில் நடைபெற்ற நிகழ்ச்சியில் திரளான மாணவர்கள் பங்கு பெற்றனர்.

அதே நேரம் இந்த நிகழ்ச்சிக்காக பள்ளிக்கு வராத மாணவர்களுக்கு ரூ.100 அபராதம் விதிக்கப்பட்டதாகவும், அல்லது மருத்துவ சான்றிதழை சமர்ப்பிக்க வேண்டும் என டேராடூனின் ஜி.ஆர்.டி. நிரஞ்சன் பூர் அகடாமி உத்தரவிடப்பட்டதாக குற்றச்சாட்டுகள் எழுந்தது. இது தொடர்பாக பள்ளி நிர்வாகத்தின் வாட்ஸ்-அப் குரூப்பில் வந்த உத்தரவின் ஸ்கிரின்ஷாட்டை காட்டி பெற்றோர் புகார் செய்தனர்.

இது தொடர்பாக பெற்றோர் மற்றும் மாணவர்கள் உரிமைக்கான தேசிய சங்கத்தில் தேசிய தலைவர் ஆரிப்கான் டேராடூன் முதன்மை கல்வி அதிகாரிக்கு கடிதம் எழுதி உள்ளார். அதில் இந்த விவகாரத்தில் உரிய நடவடிக்கை எடுக்க வேண்டும் என கூறியுள்ளார்.