search icon
என் மலர்tooltip icon

    நீங்கள் தேடியது "Knocked Out"

    ஹாங்காங் ஓபன் பேட்மிண்டன் போட்டியில் பெண்கள் ஒற்றையர் பிரிவின் 2-வது சுற்று ஆட்டத்தில் பி.வி.சிந்து, தென்கொரியாவின் சங் ஜி ஹூயனிடம் தோற்று வெளியேறினார். #HongKongOpen #PVSindhu #Srikanth
    கோவ்லூன்:

    ஹாங்காங் ஓபன் பேட்மிண்டன் போட்டி அங்குள்ள கோவ்லூன் நகரில் நடந்து வருகிறது. இதில் நேற்று நடந்த ஆண்கள் ஒற்றையர் பிரிவின் 2-வது சுற்றில் இந்திய வீரர் ஸ்ரீகாந்த் 18-21, 30-29, 21-18 என்ற செட் கணக்கில் சக நாட்டு வீரர் பிரனாயை வீழ்த்தி கால்இறுதிக்கு முன்னேறினார்.

    மற்றொரு ஆட்டத்தில் இந்திய வீரர் சமீர் வர்மா, சீனாவின் சென் லாங்கை சந்திக்க இருந்தார். காயம் காரணமாக சென் லாங் போட்டியில் இருந்து விலகியதால் சமீர் வர்மா வெற்றி பெற்றதாக அறிவிக்கப்பட்டு கால்இறுதிக்குள் நுழைந்தார்.

    பெண்கள் ஒற்றையர் பிரிவின் 2-வது சுற்று ஆட்டம் ஒன்றில் இந்திய வீராங்கனை பி.வி.சிந்து 24-26, 20-22 என்ற நேர்செட்டில் தென்கொரியாவின் சங் ஜி ஹூயனிடம் தோற்று வெளியேறினார். சங் ஜி ஹூயனிடம் சிந்து தோற்பது இது 6-வது முறையாகும். #HongKongOpen #PVSindhu #Srikanth 
    விஜய் ஹசாரே கோப்பை கிரிக்கெட்டில் தமிழக அணி கடைசி லீக்கில் தோல்வி அடைந்து வெளியேறியது. #VijayHazareTrophy
    சென்னை:

    37 அணிகள் இடையிலான விஜய் ஹசாரே கோப்பைக்கான உள்ளூர் ஒரு நாள் கிரிக்கெட் போட்டித் தொடர் இந்தியாவின் பல்வேறு நகரங்களில் நடந்து வருகிறது. இதில் ‘சி’ பிரிவில் இடம் பெற்றிருந்த தமிழக அணி தனது கடைசி லீக்கில் நேற்று அரியானாவை, சென்னையில் சந்தித்தது. முதலில் பேட் செய்த அரியானா அணி 6 விக்கெட் இழப்புக்கு 310 ரன்கள் குவித்தது. அதிகபட்சமாக ராகுல் திவேதியா 91 ரன்களும் (8 பவுண்டரி, 5 சிக்சர்) ஹிமான்ஷூ ராணா 89 ரன்களும் (5 பவுண்டரி, 3 சிக்சர்) விளாசினர். அடுத்து களம் இறங்கிய தமிழக அணியால் 50 ஓவர்களில் 9 விக்கெட்டுக்கு 233 ரன்களே எடுக்க முடிந்தது. இதன் மூலம் அரியானா 77 ரன்கள் வித்தியாசத்தில் 6-வது வெற்றியை பதிவு செய்து கால்இறுதியை உறுதி செய்தது. தமிழக அணியில் அபினவ் முகுந்த் (47 ரன்), கேப்டன் விஜய் சங்கர் (44 ரன்) தவிர மற்றவர்கள் சோபிக்கவில்லை. முரளிவிஜய் 24 ரன்னில் கேட்ச் ஆனார்.

    இந்த ஆட்டத்தில் மிகப்பெரிய வெற்றி பெற்றால் மட்டுமே கால்இறுதி வாய்ப்பில் நீடிக்க முடியும் என்ற நிலையில், தோல்வியை தழுவியதன் மூலம் தமிழக அணி வெளியேற்றப்பட்டது. 9 ஆட்டங்களில் விளையாடிய தமிழக அணி 5 வெற்றி, 4 தோல்வி என்று 20 புள்ளிகளுடன் தனது பிரிவில் 4-வது இடத்துக்கு தள்ளப்பட்டது.

    ‘ஏ’ பிரிவில் மும்பை (28 புள்ளி), மராட்டியம் (26), ‘பி’ பிரிவில் டெல்லி (26) , ஆந்திரா (26), ஐதராபாத் (22), ‘சி’ பிரிவில் அரியானா (28) ஜார்கண்ட் (28), கீழ்நிலை பிரிவான ‘பிளேட்’ பிரிவில் பீகார் (30) ஆகிய அணிகள் கால்இறுதியை எட்டின. ‘சி’ பிரிவில் மட்டும் இன்னும் மூன்று சம்பிரதாய லீக் ஆட்டங்கள் நாளை நடக்க உள்ளன. அதன் பிறகு 14-ந்தேதியில் இருந்து கால்இறுதி சுற்று தொடங்கும்.

    இந்திய டெஸ்ட் அணியில் இடம் கிடைக்காமல் ஓய்வில் இருக்கும் பேட்ஸ்மேன் ரோகித் சர்மா, இந்த தொடரில் விளையாட முடிவு செய்துள்ளார். அவர் மும்பை அணிக்காக கால்இறுதியில் ஆடுவார்.  #VijayHazareTrophy
    அமெரிக்க ஓபன் டென்னிஸ் பெண்கள் பிரிவில் ஆட்டம் ஒன்றில் நம்பர் ஒன் வீராங்கனை சிமோனா ஹாலெப் (ருமேனியா), எஸ்தோனியா வீராங்கனை கைய் கனேபியிடம் அதிர்ச்சி தோல்வி கண்டு வெளியேறினார். #USOpen2018 #SimonaHalep #KaiaKanepi
    நியூயார்க்:

    கிராண்ட்ஸ்லாம் போட்டிகளில் ஒன்றான அமெரிக்க ஓபன் டென்னிஸ் போட்டி நியூயார்க் நகரில் நேற்று தொடங்கியது. செப்டம்பர் 9-ந் தேதி வரை நடைபெறும் இந்த போட்டியில் முன்னணி வீரர்-வீராங்கனைகள் கலந்து கொண்டுள்ளனர். இதில் பெண்கள் பிரிவில் நேற்று நடந்த முதல் சுற்று ஆட்டம் ஒன்றில் நம்பர் ஒன் வீராங்கனை சிமோனா ஹாலெப் (ருமேனியா), எஸ்தோனியா வீராங்கனை கைய் கனேபியை சந்தித்தார். மோசமான ஆட்டத்தை வெளிப்படுத்திய சிமோனா ஹாலெப் 2-6, 4-6 என்ற நேர்செட்டில் கனேபியிடம் அதிர்ச்சி தோல்வி கண்டு வெளியேறினார். பிரெஞ்ச் ஓபன் சாம்பியனான சிமோனா ஹாலெப் கடந்த ஆண்டும் அமெரிக்க ஓபன் போட்டியில் முதல் சுற்றுடன் நடையை கட்டி இருந்தார்.



    மற்ற ஆட்டங்களில் எலினா ஸ்விடோலினா (உக்ரைன்), வெரா லாப்கோ (பெலாரஸ்), கமேலி பெகு (ருமேனியா) ஆகியோர் வெற்றி பெற்று 2-வது சுற்றுக்கு தகுதி பெற்றனர். ஆண்கள் ஒற்றையர் பிரிவு முதல் சுற்று ஆட்டங்களில் ஜாக் சோக் (அமெரிக்கா), கரென் காச்சனோவ் (ரஷியா) ஆகியோர் வெற்றி பெற்றனர்.  #USOpen2018 #SimonaHalep #KaiaKanepi
    ×