என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
முகப்பு » fitness tracker
நீங்கள் தேடியது "Fitness Tracker"
- நாய்ஸ் லுனா ரிங் குறைந்த எடை கொண்டிருக்கும் வகையில் உருவாக்கப்பட்டு இருக்கிறது.
- இந்த ஸ்மார்ட் ரிங்-இல் பைட்டர் ஜெட் தர டைட்டானியம் பாடி, டைமன்ட் போன்ற கோட்டிங் வழங்கப்பட்டுள்ளது.
நாய்ஸ் நிறுவனம் இந்திய சந்தையில் தனது புதிய லுனா ரிங் மாடலை அறிமுகம் செய்தது. இதன் மூலம் நாய்ஸ் நிறுவனம் ஸ்மார்ட் ரிங் பிரிவில் களமிறங்கி இருக்கிறது. பயனர் வாழ்க்கை முறையை மேம்படுத்தும் வகையில், ஏராளமான அம்சங்கள், டிராக்கிங் வசதி உள்ளிட்டவைகளை லுனா ரிங் கொண்டிருக்கிறது.
சமீபத்தில் போட் நிறுவனம் தனது ஸ்மார்ட் ரிங் மாடலை அறிமுகம் செய்த நிலையில், தற்போது இந்த மாடல் அறிவிக்கப்பட்டு இருக்கிறது. நாய்ஸ் லுனா ரிங் மாடல் சவுகரியமாக உணர செய்யும் வகையில் குறைந்த எடையில் உருவாக்கப்பட்டு இருக்கிறது. இந்த ஸ்மார்ட் ரிங் 3 மில்லிமீட்டர் அளவில் மெல்லிய டிசைன் கொண்டிருக்கிறது.
பைட்டர் ஜெட் தர டைட்டானியம் பாடி மற்றும் டைமன்ட் போன்ற கோட்டிங் வழங்கப்பட்டு இருப்பதால், நீண்ட கால பயன்பாட்டிற்கும் ஏற்ற வகையில், ஸ்கிராட்ச்களை தாங்கும் வகையிலும், எளிதில் துரு பிடிக்காத வகையில் உருவாக்கப்பட்டு இருக்கிறது. மேம்பட்ட சென்சார்கள் வழங்கப்பட்டு இருப்பதால், உடல்நல விவரங்களை கச்சிதமாக அறிந்து கொள்ள முடியும்.
நாய்ஸ் லுனா ரிங் அம்சங்கள்:
குறைந்த எடை கொண்ட மிக மெல்லிய டிசைன்
70-க்கும் அதிக உடல்நல விவரங்களை டிராக் செய்யும் வசதி
BLE 5 தொழில்நுட்ரம்
நாய்ஸ்பிட் ஆப் வசதி
மேம்பட்ட சென்சார்கள்
பில்ட்-இன் அல்காரிதம்கள்
உடல்நல சென்சார்கள்
ஐஒஎஸ் 14-க்கு பிந்தைய மற்றும் ஆன்ட்ராய்டு 6-க்கு பிந்தய ஒஎஸ் சப்போர்ட்
வாட்டர் ரெசிஸ்டன்ட் வசதி
60 நிமிடங்கள் சார்ஜ் செய்தால் 7 நாட்களுக்கு பேட்டரி பேக்கப்
7 அளவுகள் மற்றும் 5 வித நிறங்களில் கிடைக்கிறது
முன்பதிவு மற்றும் சலுகை விவரங்கள்:
லுனா ரிங் மாடலுக்கான முன்பதிவு ஏற்கனவே துவங்கி நடைபெற்று வருகிறது. முன்பதிவு செய்வோருக்கு பிரத்யேக தள்ளுபடி மற்றும் பலன்கள் வழங்கப்படுகிறது.
- ரூ. 2 ஆயிரம் மட்டும் செலுத்தி Early Access பெற முடியும்
- வெளியாகும் நாளிலேயே வாங்கும் போது ரூ. 1000 கூடுதல் தள்ளுபடி
- நாய்ஸ் i1 ஸ்மார்ட் ஐவேர் சாதனத்தை 50 சதவீதம் தள்ளுபடி செய்யப்பட்டு ரூ. 4 ஆயிரத்து 499-க்கு வாங்கிட முடியும்
- ரூ. 2 ஆயிரம் மதிப்புள்ள காப்பீடு
- போட் நிறுவனத்தின் புதிய ஸ்மார்ட் ரிங் சாதனம் வாட்டர் மற்றும் ஸ்வெட் ரெசிஸ்டன்ட் வசதி கொண்டிருக்கிறது.
- புதிய ஸ்மார்ட் ரிங் பயனர் உடல்நலன் சார்ந்து பல்வேறு அம்சங்களை கொண்டிருக்கிறது.
போட் நிறுவனம் தனது புதிய ஸ்மார்ட் ரிங் சாதனத்தை அறிமுகம் செய்தது. இது போட் நிறுவனத்தின் முற்றிலும் புதிய ஹெல்த் மற்றும் பிட்னஸ் டிராக்கர் ஆகும். மெல்லிய டிசைன், செராமிக் மற்றும் மெட்டல் வடிவமைப்பு கொண்டிருக்கும் போட் ஸ்மார்ட் ரிங் குறைந்த எடை, அதிக சவுகரியம் கொண்டிருக்கிறது.
பயனர் உடல்நல விவரங்களை மிக துல்லியமாக டிராக் செய்வதற்கு ஏற்ற ஏராளமான அதிநவீன அம்சங்களை இந்த ஸ்மார்ட் ரிங் கொண்டிருக்கிறது. இத்துடன் 5ATM தர வாட்டர் மற்றும் ஸ்வெட் ரெசிஸ்டன்ட் வசதி வழங்கப்பட்டுள்ளது. புதிய போட் ஸ்மார்ட் ரிங் மாடல் சமீபத்தில் அறிமுகம் செய்யப்பட்ட அல்ட்ரா-ஹியுமன் ரிங் ஏர் மாடலுக்கு போட்டியாக அமைகிறது.
போட் ஸ்மார்ட் ரிங் அம்சங்கள்:
அன்றாட உடல்நல அசைவுகளை டிராக் செய்யும் வசதி
ஹார்ட் ரேட் மானிட்டரிங்
பாடி ரிக்கவரி டிராக்கிங்
டெம்பரேச்சர் மானிட்டரிங்
SpO2 மானிட்டரிங்
ஸ்லீப் மானிட்டரிங்
மென்ஸ்டுரல் டிராக்கர்
ஸ்மார்ட் டச் கன்ட்ரோல்
போட் ரிங் ஆப் சப்போர்ட்
புதிய போட் ஸ்மார்ட் ரிங் விரைவில் போட் அதிகாரப்பூர்வ வலைதளம், அமேசான் மற்றும் ப்ளிப்கார்ட் வலைதளங்களில் விற்பனைக்கு வர இருக்கிறது. இதன் விலை விவரங்கள் விரைவில் அறிவிக்கப்பட இருக்கிறது.
லெனோவோ நிறுவனத்தின் வாட்டர் ரெசிஸ்டன்ட் வசதி கொண்ட ஸ்மார்ட் பேன்ட் இந்தியாவில் அறிமுகம் செய்யப்பட்டுள்ளது. #Lenovo
லெனோவோ நிறுவனத்தின் புதிய ஸ்மார்ட் பேன்ட் இந்தியாவில் அறிமுகம் செய்யப்பட்டுள்ளது. லெனோவோ HX03W கார்டியோ பிளஸ் என அழைக்கப்படும் புதிய ஸ்மார்ட் பேன்ட் IP68 தரச்சான்று பெற்ற வாட்டர் ரெசிஸ்டன்ட் வசதி, 0.96 இன்ச் OLED ஸ்கிரீன் கொண்டுள்ளது.
புதிய ஸ்மார்ட் பேன்ட் உடன் மேம்படுத்தப்பட்ட லெனோவோ லைஃப் ஃபிட்னஸ் ஆப் வழங்கப்படுகிறது. இந்த செயலியில் உணவு கட்டுப்பாடு குறித்த விவரம், உடற்பயிற்சி மற்றும் தனிப்பட்ட விளையாட்டுக்கள் சார்ந்த பரிந்துரை உள்ளிட்ட அம்சங்கள் இடம்பெற்றுள்ளது.
மேலும் இந்த செயலியில் ரியல் டைம் டிராக்கர் இருப்பதால், பிழைகளை சரி செய்து நடவடிக்கைகளுக்கான முடிவுகளை பகிர்ந்து கொள்ள முடியும்.
லெனோவோ HX03W கார்டியோ பிளஸ் சிறப்பம்சங்கள்
- 0.96 இன்ச் 128x32 பிக்சல் OLED டிஸ்ப்ளே
- இதய துடிப்பு, நடை, தூரம், உடலில் எரிக்கப்பட்ட கலோரிகள், உறக்கம் உள்ளிட்டவற்றை டிராக் செய்யும்
- கால் ரிமைன்டர்கள் மற்றும் நோட்டிஃபிகேஷன், சைலன்ட் அலாரம்
- ஆப்டிக்கல் ஹார்ட் ரேட் டிராக்கர், கைரோ சென்சார், வைப்ரேஷன் மோட்டார்
- வாட்டர் ரெசிஸ்டன்ட் (IP68)
- ப்ளூடூத்
- ஆன்ட்ராய்டு 4.4 மற்றும் அதன்பின் வெளியான சாதனங்களில் வேலை செய்யும்
- பத்து நாட்கள் வரையிலான பேட்டரி
லெனோவோ HX03W கார்டியோ பிளஸ் ஃபிட்னஸ் பேன்ட் பிளாக், ரெட் மற்றும் ஆரஞ்சு உள்ளிட்ட நிறங்களில் கிடைக்கிறது. இந்தியாவில் புதிய ஸ்மார்ட் பேன்ட் விலை ரூ.1,999 என நிர்ணயம் செய்யப்பட்டுள்ளது.
ஐ.டி.சி. வெளியிட்டிருக்கும் புதிய அறிக்கையின் படி இந்தியாவின் அணியக்கூடிய சாதனங்களுக்கான சந்தை வளர்ச்சி கண்டுள்ளதாக தெரிவிக்கப்பட்டுள்ளது. #Xiaomi
சர்வதேச டேட்டா கார்ப்பரேஷன் வெளியிட்டிருக்கும் சமீபத்திய அறிக்கையில், 2018 இரண்டாவது காலாண்டில் இந்திய அணியக்கூடிய சாதனங்கள் சந்தை வளர்ச்சியடைந்து இருப்பதாக தெரிவிக்கப்பட்டுள்ளது. ஒட்டுமொத்த அணியக்கூடிய சந்தை முந்தைய வருடத்தை விட 66% மற்றும் 40% அதிகரித்துள்ளது.
இதே அறிக்கையில் 2018 இரண்டாவது காலாண்டில் பத்து லட்சம் அணியக்கூடிய சாதனங்கள் விற்பனையாகி இருப்பதாக தெரிவிக்கப்பட்டுள்ளது. ஒட்டுமொத்த அணியக்கூடிய சாதனங்களுக்கான சந்தையில் மூன்று நிறுவனங்கள் தங்களது இடத்தை நிலைநிறுத்திக் கொண்டுள்ளன.
ரிஸ்ட்பேன்ட்களை பொருத்த வரை இந்த காலாண்டில் 90% விற்பனையாகி இருக்கிறது. அணியக்கூடிய கம்ப்யூட்டிங் சாதனங்கள் 34% வளர்ச்சியடைந்துள்ளது.
நிறுவனங்களை பொருத்த வரை அணியக்கூடிய சாதனங்கள் சந்தையில் சியோமி நிறுவனம் 45.8% பங்குகளை பெற்றிருக்கிறது. இது முந்தைய காலாண்டை விட 31% அதிகம் ஆகும். கோகி 74% வருடாந்திர வளர்ச்சியை பதிவு செய்து இரண்டாவது இடத்தில் உள்ளது. விற்பனையில் 36% வளர்ச்சி பதிவு செய்துள்ளது.
மூன்றாவது இடம் டைட்டன் பெற்றிருக்கிறது. டைட்டனின் ஃபாஸ்ட்டிராக் ரிஃப்ளெக்ஸ் ஒட்டுமொத்த விற்பனையில் 56% வளர்ச்சியை பதிவு செய்துள்ளது, ஃபிட்பிட் நிறுவனம் நான்காவது நிறுவனமாக இறுக்கிறது. லெனோவோ மூன்று காலாண்டுகளுக்கு பின் ஐந்தாவது இடத்தை பிடித்துள்ளது.
கோகி நிறுவனத்தின் வைட்டல் ஃபிட்னஸ் பேன்ட் இந்தியாவில் அறிமுகம் செய்யப்பட்டு இருக்கிறது. இதன் விலை மற்றும் அம்சங்களை தொடர்ந்து பார்ப்போம். #FitnessGoals
கோகி நிறுவனத்தின் வைட்டன் ஃபிட்னஸ் பேன்ட் இந்தியாவில் அறிமுகம் செய்யப்பட்டுள்ளது.
ரத்த அழுத்தம் மற்றும் இதய துடிப்பு சென்சார் உள்ளிட்டவை பில்ட்-இன் அம்சங்களாக வழங்கப்பட்டு இருக்கும் புதிய ஃபிட்னஸ் சாதனத்தில் OLED தொடுதிரை வசதி, ரத்த அழுத்த மானிட்டர், இதய துடிப்பு சென்சார் உள்ளிட்டவை வழங்கப்பட்டு இருக்கிறது.
இத்துடன் கோகி பிளே அம்சம் மூலம் வீடியோக்களை நேரலையில் கோகி ஆப் மூலம் ஸ்ட்ரீம் செய்ய முடியும். புதிய வைட்டல் ஃபிட்னஸ் பேன்ட் வாங்குவோருக்கு மூன்று மாதங்களுக்கு இலவச ஆலோசனை வழங்கப்படும் என கோகி நிறுவனம் அறிவித்துள்ளது.
கோகி வைட்டல் பேன்ட் மூலம் ரத்த அழுத்தம் மற்றும் இதய துடிப்பு போன்றவற்றை டிராக் செய்ய முடியும் என்பதோடு இதில் வழங்கப்பட்டு இருக்கும் OLED டச் ஸ்கிரீன் டிஸ்ப்ளே தினமும் நீங்கள் நடக்கும் தூரம், உடலில் எரிக்கப்பட்ட கலோரிகளினஎ் அளவு மற்றும் உறக்கம் சார்ந்த முழு விவரங்களை விரிவாக வழங்குகிறது.
இதன் ஸ்போர்ட்ஸ் மோட் நீங்கள் ஓட்ட பயிற்சி, உடற்பயிற்சி அல்லது சைக்கிள் ஓட்டும் போதும் உதவிகரமாக இருக்கிறது. மொபைல் போன் நோட்டிஃபிகேஷன்கள், அலாரம் செட் செய்வது போன்ற அம்சங்களை கோகி வைட்டல் பேன்ட் வழங்குகிறது. இத்துடன் பில்ட்-இன் மைக்ரோ யு.எஸ்.பி. சார்ஜர் வழங்கப்பட்டுள்ளது.
பயன்பாட்டுக்கு ஏற்ப கோகி வைட்டல் பேட்டரி பேக்கப் வழங்கும் என்றும் இதில் வாட்டர் ப்ரூஃப் வசதி செய்யப்பட்டுள்ளது என்றும் தெரிவிக்கப்பட்டு இருக்கிறது. புதிய ஃபிட்னஸ் பேன்ட் சாதனத்துடன் கோகி பிளே எனும் அம்சமும் அறிமுகம் செய்யப்பட்டுள்ளது.
கோகி பிளே அம்சம் மூலம் வல்லுநர்கள், மருத்துவர்கள், உடற்பயிற்சி நிபுணர்கள், சுகாதார ஆலோசகர்களின் வீடியோக்களை கோகி ஆப் மூலம் பார்க்க முடியும். ஒவ்வொரு தினமும் குறிப்பிட்ட நேரத்தில் நேரலை வீடியோக்களை ஒலிபரப்ப திட்டமிடப்பட்டு இருப்பதாக கோகி நிறுவனம் தெரிவித்துள்ளது.
இந்தியாவில் கோகி வைட்டல் ஃபிட்னஸ் பேன்ட் விலை ரூ.3,499 என நிர்ணயம் செய்யப்பட்டுள்ளது. ஜூலை 16-ம் தேதி முதல் பயனர்கள் கோகி ஃபிட்னஸ் பேன்ட் சாதனத்தை அமேசான் வலைதளம் மற்றும் கோகி ஹெல்த் ஸ்டோரில் வாங்கிட முடியும்.
லெனோவோ நிறுவனத்தின் HX06 ஆக்டிவ் ஸ்மார்ட்பேன்ட் சாதனம் இந்தியாவில் அறிமுகம் செய்யப்பட்டு இருக்கிறது. இதன் அம்சங்களை தொடர்ந்து பார்ப்போம்.
லெனோவோ நிறுவனம் HX06 ஆக்டிவ் ஸ்மார்ட்பேன் சாதனத்தை இந்தியாவில் அறிமுகம் செய்துள்ளது. சில மாதங்களுக்கு முன் லெனோவோ நிறுவனத்தின் HX03 கார்டியோ மற்றும் HX03F ஸ்பெக்ட்ரா பேன்ட்கள் அறிமுகம் செய்யப்பட்டன. வாட்டர் ரெசிஸ்டண்ட் மற்றும் OLED மோனோக்ரோம் டிஸ்ப்ளே கொண்டிருக்கிறது.
இந்த டிஸ்ப்ளே ஆக்டிவிட்டி, நேரம், தேதி மற்றும் பல்வேறு தகவல்களை வழங்குகிறது. இதில் இதய துடிப்பு சென்சார் வழங்கப்படாத நிலையில், 60 எம்ஏஹெச் பேட்டரி மூலம் சக்தியூட்டப்படுகிறது. 8 நாட்கள் பேட்டரி பேக்கப் வழங்கும் புதிய HX06, பில்ட்-இன் ஸ்டான்டர்டு யுஎஸ்பி போர்ட் கொண்டிருக்கிறது.
இதை கொண்டு நேரடியாக கம்ப்யூட்டர் அல்லது யூஎஸ்பி சார்ஜர் மூலம் மிக எளிமையாக சார்ஜ் செய்ய முடியும். இதற்கு எவ்வித கூடுதல் கேபிள்களும் தேவைப்படாது.
லெனோவோ HX06 ஆக்டிவ் ஸ்மார்ட்பேன்ட் சிறப்பம்சங்கள்:
- 0.87 இன்ச் 128x32 பிக்சல் OLED டிஸ்ப்ளே
- ஸ்டெப்கள், தூரம், எரிக்கப்பட்ட கலோரிக்கள், உறக்கம் உள்ளிட்டவற்றை டிராக் செய்யும்
- அழைப்பு ரிமைன்டர்கள், நோட்டிஃபிகேஷன்கள்
- இன்ஃபர்மேஷன் ரிமைன்டர், சைலன்ட் அலாரம்
- கைரோ சென்சார், வைப்ரேஷன் மோட்டார்
- வாட்டர் ரெசிஸ்டன்ட் (IP67)
- எடை: 20 கிராம்
- ப்ளூடூத் 4.2 LE
- ஆன்ட்ராய்டு 4.4 மற்றும் அதற்கும் புதிய இயங்குதள சாதனங்களில் பயன்படுத்த முடியும்
- ஐஓஎஸ் 8.0 மற்றும் அதற்கும் புதிய இயங்குதள சாதனங்களில் பயன்படுத்த முடியும்
- 60 எம்ஏஹெச் பேட்டரி
லெனோவோ HX06 ஸ்மார்ட்பேன்ட் கருப்பு நிறம் கொண்டிருப்பதோடு, மாற்றக்கூடிய ரிஸ்ட் ஸ்டிராப்கள் வழங்கப்படுகிறது. இந்தியாவில் ப்ளிப்கார்ட் தளத்தில் மட்டும் பிரத்யேகமாக விற்பனை செய்யப்படும் லெனோவோ HX06 ஸ்மார்ட்பேன்ட் விலை ரூ.1,299 என நிர்ணயம் செய்யப்பட்டுள்ளது.
ஜெப்ரானிக்ஸ் நிறுவனத்தின் புதிய ஸ்மார்ட்வாட்ச் இந்தியாவில் அறிமுகம் செய்யப்பட்டுள்ளது. இதன் அம்சங்கள் மற்றும் விலை குறித்த விவரங்களை தொடர்ந்து பார்ப்போம்.
ஸ்மார்ட் சாதனங்களின் புரட்சி உங்களது வாழ்க்கை முறையை தொடர்ந்து மாற்றியமைத்து வருகிறது.
நமது அன்றாட வாழ்வில் நமக்கு தேவையான பல்வேறு அவசர தகவல்களில் துவங்கி, பொழுதுபோக்கு என எல்லாவற்றுக்கும் தீர்வு வழங்கும் அசாத்திய பணிகளை நமது கையடக்க சாதனங்கள் மிக சுலபமாக செய்து முடிக்கின்றன. வளர்ந்து வரும் தொழில்நுட்ப யுகத்தில் ஸ்மார்ட்போன் செய்யும் பணிகளில் பாதியை ஸ்மார்ட்வாட்ச் மற்றும் ஃபிட்னஸ் டிராக்கர் போன்ற சாதனங்கள் பறித்துக் கொள்கின்றன.
இந்தியாவில் தகவல் தொழில்நுட்ப உபகரணங்கள், சவுண்ட் சிஸ்டம்கள், மொபைல் மற்றும் இதர மின்சாதனங்களை தயாரிப்பதில் முன்னணி நிறுவனமாக ஜெப்ரானிக்ஸ் இருக்கிறது. இந்நிறுவனம் கையில் அணியக்கூடிய பொருட்கள் சந்தையில் ஆதிக்கம் செலுத்தும் வகையில் 'ஸ்மார்ட் டைம் 200' என்று அழைக்கப்படும் ஸ்மார்ட்வாட்ச் சாதனத்தை இந்தியாவில் அறிமுகம் செய்துள்ளது.
ஸ்மார்ட்போனினை ப்ளூடூத் மூலம் ஸ்மார்ட்வாட்ச் சாதனத்துடன் இணைந்து கொள்ள முடியும். இந்த ஸ்மார்ட்வாட்ச் சாதனத்தில் இன்பில்ட் ஸ்பீக்கர் மற்றும் மைக் வழங்கப்பட்டிருக்கிறது. இதனால் ஸ்மார்ட்போனுக்கு வரும் அழைப்புகளை க்ளிக் செய்து வாட்ச் மூலம் பேசலாம். இதன் இன்பில்ட் ஸ்பீக்கர் பயனருக்கு வசதியாக இருக்கும் படி தேவையான அளவு ஒலியெழுப்புகிறது.
அழைப்புகள் சார்ந்த விவரம் மட்டுமின்றி எஸ்எம்எஸ், மின்னஞ்சல் மற்றும் பல்வேறு சேவைகளுக்கான நோட்டிஃபிகேஷன்களையும் இந்த ஸ்மார்ட்வாட்ச் வழங்குகிறது. இதில் வழங்கப்பட்டு இருக்கும் பீடோமீட்டர் அம்சம் நீங்கள் எத்தனை தூரம் நடந்திருக்கிறீர்கள் என்ற விவரத்தை வழங்கும். இத்துடன் உங்களது உறக்கம் சார்ந்த விவரங்களையும் டிராக் செய்து வழங்குகிறது.
ஸ்மார்ட் டைம் 200 சிறப்பம்சங்கள்:
- 2.71 செ.மீ டச் ஸ்கிரீன் டிஸ்ப்ளே
- நானோ சிம் ஸ்லாட் வசதி
- மைக்ரோ SD கார்டு ஸ்லாட்
- BT வயர்லெஸ் வசதி
- தொடு திரை வசதி
- இன்-பில்ட் ஸ்பீக்கர் & மைக் கொண்டது
- பீடோமீட்டர் மற்றும் ஸ்லீப் மானிட்டர்
- முன்பக்க கேமரா
ஸ்மார்ட் டைம் 200 சாதனத்தில் மெமரியை கூடுதலாக 32 ஜிபி வரை நீட்டிக்க மைக்ரோ SD கார்டு வசதி வழங்கப்பட்டுள்ளது. 380 எம்ஏஹெச் பேட்டரி மூலம் சக்தியூட்டப்படும் ஸ்மார்ட் டைம் 200 வட்டவடிவத்தில் 2.71 சென்டிமீட்டர் அளவில் கேபாசிட்டிவ் டச் ஸ்கிரீன் டிஸ்ப்ளே கொண்டிருக்கிறது.
இத்துடன் மைக்ரோ சிம் / நானோ சிம் ஸ்லாட் வழங்கப்பட்டிருப்பதால் இந்த ஸ்மார்ட்வாட்ச் சாதனத்தை ஒரு முழுமையான தனி சாதனமாகவும் பயன்படுத்த முடியும். இன்-பில்ட் ஸ்பீக்கர், முன்பக்க கேமரா, சவுண்ட் ரெகார்டர், பிரவுசர், ஃபைல் மேனேஜர் மற்றும் பல்வேறு அம்சங்களுடன் தொடுதிரை வசதி கொண்டிருக்கும் ஸ்மார்ட் டைம் 200 உங்களின் பொழுதுபோக்குக்கு உத்திரவாதம் அளிக்கும் வகையில் இருக்கிறது.
இந்தியாவில் ஜெப்ரானிக்ஸ் ஸ்மார்ட் டைம் 200 விலை ரூ.2,999 என நிர்ணயம் செய்யப்பட்டுள்ளது. செவ்வகம் மற்றும் வட்ட வடிவம் கொண்ட ஸ்மார்ட் டைம் 200 சாதனத்தை இந்தியாவின் முன்னணி ஆஃப்லைன் விற்பனையாளர்களிடம் விற்பனை செய்யப்படுகிறது.
சீன ஸ்மார்ட்போன் நிறுவனமான சியோமி விரைவில் Mi பேன்ட் 3 சாதனத்தை அறிமுகம் செய்ய திட்டமிட்டுள்ளதாக தகவல் வெளியாகியுள்ளது.
பீஜிங்:
சீன ஸ்மார்ட்போன் நிறுவனமான சியோமி விரைவில் Mi பேன்ட் ஃபிட்னஸ் டிராக்கரின் மூன்றாம் தலைமுறை மாடலை விரைவில் அறிமுகம் செய்ய திட்டமிட்டுள்ளதாக தகவல் வெளியாகியுள்ளது. சியோமி நிறுவனத்தின் எட்டாவது ஆண்டு விழாவில் புதிய சாதனங்களை அறிமுகம் செய்ய சியோமி திட்டமிட்டுள்ளது.
ஷென்சென் நகரில் நடைபெற இருக்கும் விழாவுக்கான அழைப்பிதழ்கள் ஏற்கனவே அனுப்பப்படுகின்றன. முன்னதாக வெளியான தகவல்களில் Mi பேன்ட் 3 சாதனம் இம்மாத இறுதியில் வெளியிடப்படலாம் என கூறப்பட்ட நிலையில் ஆண்டு விழா நிகழ்வில் புதிய ஃபிட்னஸ் டிராக்கர் அதிகம் எதிர்பார்க்கப்படுகிறது.
புதிய Mi பேன்ட் 3 சாதனத்தில் தொடுதிரை டிஸ்ப்ளே வழங்கப்பட்டு, பட்டன்கள் நீக்கப்படலாம் என எதிர்பார்க்கப்படுகிறது. Mi பேன்ட் 3 சிறப்பம்சங்கள் சார்ந்த தகவல்களை சியோமி மிகவும் ரகசியமாக வைத்திருக்கிறது. எனினும் Mi பேன்ட் 3 டீசர் அந்நிறுவன ட்விட்டர் பக்கத்தில் பதிவிடப்பட்டுள்ளது.
2018 சியோமி ஸ்மார்ட்போனுடன் சியோமி நிறுவனம் பல்வேறு புதிய சாதனங்களை அறிமுகம் செய்யலாம் என தகவல் வெளியாகியுள்ளது. விரைவில் துவங்க இருக்கும் சியோமி விழாவுக்கான நுழைவு சீட்டுக்களை அந்நிறுவனம் 799 முதல் 1999 யுவான் வரை கட்டணம் வசூலித்து வருகிறது. விழாவில் மொத்தம் 5000 பேர் கலந்து கொள்வர் என தெரிவிக்கப்பட்டுள்ளது.
சீன விழாவை தொடர்ந்து ஜூன் 7-ம் தேதி இந்தியாவில் புதிய ஸ்மார்ட்போனினை வெளியிட இருப்பதாக அறிவித்துள்ளது. சமீபத்தில் சியோமியின் Mi கிரவுட்ஃபன்டிங் திட்டத்தின் கீழ் உருவான முதற்கட்ட சாதனங்களை வெளியிட்டது. அதன் படி Mi ப்ளூடூத் ஆடியோ ரிசீவர் மற்றும் செல்ஃபி ஸ்டிக் டிரைபாட் உள்ளிட்ட சாதனங்களை வெளியிட்டது. ப்ளூடூத் ஆடியோ ரிசீவர் விலை ரூ.999 மற்றும் செல்ஃபி ஸ்டிக் டிரைபாட் விலை ரூ.1,099 என விலை நி்ர்ணயம் செய்யப்பட்டுள்ளது.
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X
