search icon
என் மலர்tooltip icon

    நீங்கள் தேடியது "Smartwatch"

    • புதிய அமேஸ்பிட் மாடலில் 1.32 இன்ச் TFT LCD ஸ்கிரீன் உள்ளது.
    • இந்த ஸ்மார்ட்வாட்ச் வாட்டர் ரெசிஸ்டன்ட் வசதி கொண்டிருக்கிறது.

    அமேஸ்பிட் நிறுவனம் தனது முற்றிலும் புதிய ஸ்மார்ட்வாட்ச் - ஆக்டிவ் எட்ஜ் பெயரில் அறிமுகம் செய்தது. இந்த ஸ்மார்ட்வாட்ச் ரக்கட் ஸ்போர்ட் மற்றும் ஃபிட்னஸ் டிசைன், செயற்கைக்கோள் சார்ந்த ஜி.பி.எஸ். டிராக்கிங் அம்சம், ஏ.ஐ. வசதிகள், 16 நாட்கள் நீடிக்கும் பேட்டரி, வாட்டர் ரெசிஸ்டன்ட் வசதி உள்ளிட்டவை வழங்கப்பட்டு இருக்கிறது.

    இத்துடன் 1.32 இன்ச் TFT LCD ஸ்கிரீன் வழங்கப்படுகிறது. எனினும், இந்த மாடலில் ப்ளூடூத் காலிங் மேற்கொள்வதற்காக மைக் மற்றும் ஸ்பீக்கர் வழங்கப்படவில்லை.

     


    அமேஸ்பிட் ஆக்டிவ் எட்ஜ் அம்சங்கள்:

    1.32 இன்ச் 360x360 பிக்சல் TFT LCD ஸ்கிரீன்

    ப்ளூடூத் 5.0

    செப் ஒ.எஸ். 2.0

    பயோ டிராக்கர் 3

    செப் கோச்

    செப் கோச் மற்றும் டிராக் ரன் மோட்

    ஸ்மார்ட் டிராஜெக்டரி கரெக்ஷன்

    24 மணி நேர இதய துடிப்பு சென்சார்

    ஸ்டிரெஸ் மானிட்டரிங்

    ரிமைன்டர், கால் நோட்டிஃபிகேஷன்

    ஸ்மார்ட்போன் ஆப் நோட்டிபிகேஷன்

    மியூசிக் கண்ட்ரோல், கேமரா கண்ட்ரோல்

    370 எம்.ஏ.ஹெச். பேட்டரி

    16 நாட்களுக்கான பேட்டரி பேக்கப்

    புதிய அமேஸ்பிட் ஆக்டிவ் எட்ஜ் மாடல் லாவா பிளாக், மிட்நைட் பல்ஸ் மற்றும் மின்ட் கிரீன் நிறங்களில் கிடைக்கிறது. இதன் விலை ரூ. 12 ஆயிரத்து 999 என நிர்ணயம் செய்யப்பட்டுள்ளது. விற்பனை அமேசான், அமேஸ்பிட் வலைதளங்கள் மற்றும் சில்லறை விற்பனை மையங்களில் பிப்ரவரி 27-ம் தேதி துவங்குகிறது.

    • ஒன்பிளஸ் நிறுவனம் தனது ஒன்பிளஸ் வாட்ச் மாடலை அறிமுகம் செய்தது.
    • இத்துடன் "It's about time," என்ற வாசகம் இடம்பெற்றுள்ளது.

    ஒன்பிளஸ் நிறுவனத்தின் புதிய ஸ்மார்ட்வாட்ச் மாடலுக்கான டீசர் வெளியிடப்பட்டது. புதிய ஸ்மார்ட்வாட்ச் பற்றிய தகவல்கள் தொடர்ந்து வெளியாகி வந்த நிலையில், தற்போது இதற்கான டீசர் வெளியானது. முன்னதாக ஏப்ரல் 2021 வாக்கில் ஒன்பிளஸ் நிறுவனம் தனது ஒன்பிளஸ் வாட்ச் மாடலை அறிமுகம் செய்தது.

    புதிய ஒன்பிளஸ் வாட்ச் 2 மாடல் அதன் முந்தைய வெர்ஷனை விட மேம்பட்ட அம்சங்களை கொண்டிருக்கும் என தெரிகிறது. இதற்காக அந்நிறுவனம் வெளியிட்டுள்ள டீசரில் ஸ்மார்ட்வாட்ச் டயல் மற்றும் வெளிப்புற வட்ட வடிவ டிசைன் வழங்கப்படுவது உறுதியாகி இருக்கிறது. இத்துடன் "It's about time," என்ற வாசகமும் இடம்பெற்றுள்ளது.

    ஒன்பிளஸ் வாட்ச் 2 மாடலில் ஹோம் பட்டன் மற்றும் சுழலும் கிரவுன் வழங்கப்படும் என்று தெரியவந்துள்ளது. இது தொடர்பாக ஒன்பிளஸ் நிறுவனம் தனது ஒன்பிளஸ் கம்யூனிட்டியிலும் போஸ்ட் ஒன்றை பதிவிட்டுள்ளது. அதில் டீசர் படத்தை பகிர்ந்து, அது என்னவாக இருக்கும் என்று தவறான பதில்களை கமென்ட் செய்ய ஒன்பிளஸ் அதன் கம்யூனிட்டியில் இருப்பவர்களிடம் தெரிவித்துள்ளது. 

    • நாய்ஸ் ஸ்மார்ட்வாட்ச் ஸ்போர்ட்ஸ் மோட்கள் வழங்கப்பட்டுள்ளன.
    • புதிய ஸ்மார்ட்வாட்ச்-இல் 200-க்கும் அதிக வாட்ச் ஃபேஸ்கள் உள்ளன.

    நாய்ஸ் நிறுவனத்தின் முற்றிலும் புதிய ஸ்மார்ட்வாட்ச் மாடல் இந்திய சந்தையில் அறிமுகம் செய்யப்பட்டது. புதிய ஸ்மார்ட்வாட்ச் நாய்ஸ் கலர்ஃபிட் மேக்ரோ என்ற பெயரில் விற்பனை செய்யப்படுகிறது. புதிய நாய்ஸ் கலர்ஃபிட் மேக்ரோ மாடலில் 2 இன்ச் கர்வ்டு டிஸ்ப்ளே, நூற்றுக்கும் அதிக ஸ்போர்ட்ஸ் மோட்கள், உடல்நல அம்சங்கள், ப்ளூடூத் காலிங் என பல்வேறு அம்சங்கள் உள்ளன.

    இத்துடன் 200-க்கும் அதிக கிளவுட் சார்ந்த வாட்ச் ஃபேஸ்கள், நாய்ஸ் ட்ரூ சின்க் டெக் மூலம் டயல் பேட் மற்றும் ரீசென்ட் கால் ஹிஸ்ட்ரியை இயக்கும் வசதி வழங்கப்படுகிறது. இந்த ஸ்மார்ட்வாட்ச்-இல் இன்-பில்ட் மைக்ரோபோன் மற்றும் ஸ்பீக்கர் வசதி உள்ளது. இதில் வாய்ஸ் அசிஸ்டன்ட் வசதியும் வழங்கப்பட்டுள்ளது.

     


    நாய்ஸ் கலர்ஃபிட் மேக்ரோ அம்சங்கள்:

    2.0 இன்ச் HD TFT LCD ஸ்கிரீன், 2.5D கர்வ்டு கிளாஸ் டிஸ்ப்ளே

    200-க்கும் அதிக கிளவுட் சார்ந்த வாட்ச் ஃபேஸ்கள்

    ப்ளூடூத் காலிங் வசதி

    பில்ட்-இன் மைக்ரோபோன்

    வாய்ஸ் அசிஸ்டன்ட் வசதி

    ஹார்ட் ரேட், SpO2, ஸ்டிரெஸ் மானிடரிங்

    115-க்கும் அதிக ஸ்போர்ட்ஸ் மோட்கள்

    ஏழு நாட்களுக்கு பேக்கப் வழங்கும் பேட்டரி

    நோட்டிஃபிகேஷன் டிஸ்ப்ளே

    வானிலை அப்டேட்கள்

    கேமரா மற்றும் மியூசிக் கன்ட்ரோல்

    ரிமைன்டர், அலாரம், கால்குலேட்டர்

    புதிய நாய்ஸ் கலர்ஃபிட் மேக்ரோ ஸ்மார்ட்வாட்ச் சிலிகான் ஸ்டிராப் ஆப்ஷன்களில் கிடைக்கிறது. இது மிஸ்ட் கிரே, ஸ்பேஸ் புளூ மற்றும் ஜெட் பிளாக் நிறங்களில் கிடைக்கிறது. இதன் லெதர் ஸ்டிராப் வேரியன்ட்கள் கிளாசிக் பிளாக், கிளாசிக் பிரவுன் நிறங்களிலும், மெட்டாலிக் ஸ்டிராப் வேரியன்ட் பிளாக் லின்க் மற்றும் சில்வர் லின்க் நிறங்களிலும் கிடைக்கிறது.

    நாய்ஸ் கலர்ஃபிட் மேக்ரோ ஸ்மார்ட்வாட்ச் விலை ரூ. 1499 என நிர்ணயம் செய்யப்பட்டு உள்ளது. விற்பனை பிப்ரவரி 19-ம் தேதி துவங்க இருக்கிறது. அமேசான் தளத்தில் இந்த ஸ்மார்ட்வாட்ச் மிஸ்ட் கிரே, ஸ்பேஸ் புளூ மற்றும் ஜெட் பிளாக் நிற ஆப்ஷன்களின் விலை ரூ. 1399 என்றும் கிளாசிக் புளூ, கிளாசிக் பிரவுன் நிற ஆப்ஷன்களின் விலை ரூ. 1499 என்றும் பிளாக் லின்க் மற்றும் சில்வர் லின்க் விலை ரூ. 1599 என்றும் குறிப்பிடப்பட்டு உள்ளன.

    • புது ஸ்மார்ட்வாட்ச் 100-க்கும் அதிக ஸ்போர்ட்ஸ் மோட்களை கொண்டுள்ளது.
    • இதில் பத்து கான்டாக்ட்களை சேமித்துக் கொள்ளும் வசதி உள்ளது.

    நுகர்வோர் மின்சாதன உற்பத்தியாளரான நாய்ஸ் நிறுவனம் இந்திய சந்தையில் தனது புதிய ஸ்மார்ட்வாட்ச் மாடலை அறிமுகம் செய்தது. நாய்ஸ் கலர்ஃபிட் க்ரோம் என்ற பெயரில் அறிமுகம் செய்யப்பட்டு இருக்கும் புதிய ஸ்மார்ட்வாட்ச் 1.5 இன்ச் AMOLED டிஸ்ப்ளே, 600 நிட்ஸ் பிரைட்னஸ், ப்ளூடூத் காலிங், உடல் ஆரோக்கிய அம்சங்களை கொண்டிருக்கிறது.

    ஸ்டெயின்லெஸ் ஸ்டீல் மற்றும் அலாய் மூலம் உருவாக்கப்பட்டு இருக்கும் நாய்ஸ் கலர்ஃபிட் க்ரோம் மாடல் அதிக உறுதியான உணர்வை வழங்குகிறது. இத்துடன் ஆல்வேஸ் ஆன் டிஸ்ப்ளே, ப்ளூடூத் காலிங் வசதி, இன்-பில்ட் மைக்ரோபோன், ஸ்பீக்கர் போன்ற வசதிகள் வழங்கப்பட்டு உள்ளது. பயனர்கள் இதில் பத்து கான்டாக்ட்களை சேமித்துக் கொள்ளும் வசதியும் உள்ளது.

     


    நாய்ஸ் கலர்ஃபிட் க்ரோம் ஸ்மார்ட்வாட்ச் 100-க்கும் அதிக ஸ்போர்ட்ஸ் மோட்களை கொண்டிருக்கிறது. இத்துடன் IP68 தர வாட்டர் மற்றும் டஸ்ட் ரெசிஸ்டன்ட் வசதி, அதிகபட்சம் பத்து நாட்களுக்கான பேட்டரி பேக்கப், ப்ளூடூத் காலிங் வசதியை பயன்படுத்தும் போது ஐந்து நாட்களுக்கு பேட்டரி பேக்கப் வழங்கும் திறன் கொண்டுள்ளது.

    விலையை பொருத்தவரை நாய்ஸ் கலர்ஃபிட் க்ரோம் மாடல் ரூ. 4 ஆயிரத்து 999 என நிர்ணயம் செய்யப்பட்டு உள்ளது. இந்த ஸ்மார்ட்வாட்ச் எலைட் மிட்நைட் கோல்டு, எலைட் பிளாக் மற்றும் எலைட் சில்வர் என மூன்றுவிதமான நிறங்களில் கிடைக்கிறது. 

    • ஸ்மார்ட்வாட்ச்-இன் சில்வர் எடிஷன் வேரியண்ட்-ஐ அறிமுகம் செய்தது.
    • வாட்ச் ப்ரோ சில்வர் எடிஷன் விற்பனை இந்த மாதமே துவங்க இருக்கிறது.

    சி.எம்.எஃப். பை நத்திங் பிராண்ட் கடந்த ஆண்டு வாட்ச் ப்ரோ பெயரில் ஸ்மார்ட்வாட்ச்-ஐ அறிமுகம் செய்தது. இந்த வாட்ச் டார்க் கிரே மற்றும் மெட்டாலிக் கிரே என இரண்டு நிறங்களில் விற்பனை செய்யப்பட்டு வருகிறது. தற்போது இந்த பிராண்ட் தனது ஸ்மார்ட்வாட்ச்-இன் சில்வர் எடிஷன் வேரியண்ட்-ஐ அறிமுகம் செய்துள்ளது.

    மினிமலிஸ்ட் டிசைன் அடிப்படையில் உருவாகி இருக்கும் சில்வர் எடிஷனில் அலுமினியம் அலாய் வாட்ச் ஃபிரேம் உள்ளது. இத்துடன் லைட் கிரே நிற ஸ்டிரைப்கள் உள்ளன. புதிய எடிஷன் அறிமுகம் செய்யப்பட்டு இருப்பதால் வாடிக்கையாளர்கள் சில்வர், ஆரஞ்சு, டார்க் கிரே மற்றும் ஆஷ் கிரே போன்ற நிறங்களில் ஒன்றை தேர்வு செய்யும் ஆப்ஷன் கிடைத்திருக்கிறது.

     


    இந்திய சந்தையில் சி.எம்.எஃப். வாட்ச் ப்ரோ சில்வர் எடிஷன் விற்பனை இந்த மாதமே துவங்க இருக்கிறது. விற்பனை ப்ளிப்கார்ட், மிந்த்ரா, க்ரோமா, விஜய் சேல்ஸ் மற்றும் ஜெனரல் டிரேட் உள்ளிட்ட தளங்களில் நடைபெற இருக்கிறது. இதன் விலை ரூ. 4 ஆயிரத்து 999 என்று நிர்ணயம் செய்யப்பட்டு உள்ளது.

    அம்சங்களை பொருத்தவரை சி.எம்.எஃப். வாட்ச் ப்ரோ மாடலில் பாலிஷ்டு மெட்டல் ஃபிரேம், பக்கவாட்டில் டயல், பிளாஸ்டிக் பேக் உள்ளது. இத்துடன் 1.96 இன்ச் AMOLED டிஸ்ப்ளே, 24 மணி நேர ஹெல்த் டிராக்கிங், ரியல் டைம் ஹார்ட் ரேட் மற்றும் பிளட் ஆக்சிஜன் சேச்சுரேஷன் மானிட்டரிங், ஸ்லீப் மற்றும் ஸ்டிரெஸ் டிராக்கிங் போன்ற வசதிகள் உள்ளன.

    110-க்கும் அதிக ஸ்போர்ட்ஸ் மோட்களை கொண்டிருக்கும் வாட்ச் ப்ரோ மாடல் ப்ளூடூத் காலிங் மற்றும் ஏ.ஐ. தொழில்நுட்பம் கொண்டிருக்கிறது. இந்த ஸ்மார்ட்வாட்ச் 340 எம்.ஏ.ஹெச். பேட்டரி மூலம் சக்தியூட்டப்படுகிறது. இதனை முழுமையாக சார்ஜ் செய்தால் 13 நாட்களுக்கான பேட்டரி பேக்கப் கிடைக்கிறது. மேலும் IP68 தர வாட்டர் ரெசிஸ்டன்ட் வசதி உள்ளது.

    • ஆப்பிள் வாட்ச்களை இறக்குமதி செய்ய சர்வதேச வர்த்தக கூட்டமைப்பு தடை.
    • விற்பனையை மீண்டும் தொடங்கும் பணிகளில் ஆப்பிள் ஈடுபட்டுள்ளது.

    ஆப்பிள் நிறுவனம் அமெரிக்காவில் தனது ஆப்பிள் வாட்ச் சீரிஸ் 9 மற்றும் ஆப்பிள் வாட்ச் அல்ட்ரா 2 மாடல்களின் விற்பனையை நிறுத்துவதாக அறிவித்து இருக்கிறது. ஆப்பிள் மற்றும் மருத்துவ தொழில்நுட்ப நிறுவனமான மசிமோ இடையே சர்வதேச வர்த்தக கூட்டமைப்பில் (ஐ.டி.சி.) நடைபெற்று வந்த காப்புரிமை தொடர்பான வழக்கில் ஆப்பிள் நிறுவனத்திற்கு எதிரான தீர்ப்பு வழங்கப்பட்டு இருக்கிறது.

    இதன் காரணமாக அமெரிக்க சந்தையில் ஆப்பிள் நிறுவனத்தின் ஆப்பிள் வாட்ச் சீரிஸ் 9 மற்றும் ஆப்பிள் வாட்ச் அல்ட்ரா 2 மாடல்களை ஆப்பிள் ஆன்லைன் ஸ்டோர் மற்றும் ரீடெயில் ஸ்டோர்களில் வாடிக்கையாளர்களால் வாங்க முடியாது. அமெரிக்கா தவிர மற்ற நாடுகளில் இரு சாதனங்களின் விற்பனை தொடர்ந்து நடைபெறும் என்று அறிவிக்கப்பட்டுள்ளது.

     


    இது தொடர்பாக 9டு5மேக் வெளியிட்டுள்ள தகவல்களில், பிலட் ஆக்சிஜன் சென்சிங் அம்சம் தொடர்பாக மசிமோ நிறுவனம் பதிவு செய்திருந்த காப்புரிமைகளை ஆப்பிள் மீறியது கண்டறியப்பட்டது. இதையடுத்து தேர்வு செய்யப்பட்ட ஆப்பிள் வாட்ச் மாடல்களை அமெரிக்காவுக்கு இறக்குமதி செய்ய சர்வதேச வர்த்தக கூட்டமைப்பு தடை விதித்துள்ளதாக குறிப்பிடப்பட்டு இருக்கிறது.

    மசிமோ காப்புரிமை தொடர்பான குற்றச்சாட்டுகளை முழுமையாக மறுத்துள்ள ஆப்பிள் நிறுவனம் ஆப்பிள் வாட்ச் விற்பனையை மீண்டும் தொடர்வதற்கான பணிகளில் ஈடுபட்டு வருவதாக தெரிவித்துள்ளது. இந்த விவகாரம் தொடர்பாக அமெரிக்க அதிபர் ஜோ பைடன் டிசம்பர் 25-ம் தேதிக்குள் இறுதி முடிவை எடுக்க இருக்கிறார்.

    இதைத் தொடர்ந்து டிசம்பர் 26-ம் தேதி சர்வதேச வர்த்தக கூட்டமைப்பின் தீர்ப்பை எதிர்த்து மேல்முறையீடு செய்ய ஆப்பிள் நிறுவனம் முடிவெடுத்துள்ளது. ஆப்பிள் மற்றும் மசிமோ இடையே காப்புரிமை சார்ந்த பிரச்சினை கடந்த 2020 ஆண்டு முதல் நடைபெற்று வருவது குறிப்பிடத்தக்கது.

    • புதிய மாடலில் பிளாக் செராமிக் பேக் பேனல் வழங்கப்படுகிறது.
    • ஆக்ஷன் பட்டன் பிளாஸ்டிக் மூலம் உருவாக்கப்படுகிறது.

    ஆப்பிள் நிறுவனம் தனது ஆப்பிள் வாட்ச் அல்ட்ரா மாடலின் புது வெர்ஷனை உருவாக்கும் பணிகளில் ஈடுபட்டு வருவதாக தகவல் வெளியாகி உள்ளது. ஆப்பிள் வாட்ச் அல்ட்ராவின் ரிடிசைன் செய்யப்பட்ட மாடல் ரெண்டர்கள் எஃப்.சி.சி. தளத்தில் வெளியானதை தொடர்ந்து இந்த தகவல் வெளியாகி இருக்கிறது.

    புதிய தகவல்களின் படி புதிய ஆப்பிள் வாட்ச் மாடல் ஆப்பிள் வாட்ச் அல்ட்ரா 2 மாடலில் இருப்பதை போன்ற ரக்கட் தோற்றம், வழக்கமான டிஜிட்டல் கிரவுன், ஆக்ஷன் பட்டன், ஸ்பீக்கர் கிரில், மைக்ரோபோன் உள்ளிட்டவைகளை கொண்டிருக்கிறது. இதன் பின்புறம் ஆப்பிள் வாட்ச் சீரிஸ் 9 மற்றும் பழைய மாடல்களில் இருப்பதை போன்ற பிளாக் செராமிக் பேக் பேனல் வழங்கப்பட்டு இருக்கிறது.

    மேலும் இதில் உள்ள ஆக்ஷன் பட்டன் ரிடிசைன் செய்யப்பட்டு, பிளாஸ்டிக் மூலம் உருவாக்கப்பட்டு இருக்கும் என்று தெரிகிறது. உண்மையில் இந்த வாட்ச் விற்பனைக்கு வரும் பட்சத்தில், இந்த மாடல் அல்ட்ரா பிராண்டிங் இன்றி அறிமுகம் செய்யப்படும் என்று கூறப்படுகிறது. எனினும், இந்த ஆப்பிள் வாட்ச் விலை தற்போதைய மாடல்களை விட குறைந்த விலையில் கிடைக்கும் என்று தெரிகிறது.

    செப்டம்பர் 2022 ஆண்டில் ஆப்பிள் நிறுவனம் தனது ஆப்பிள் வாட்ச் அல்ட்ரா மாடலையும், அதன்பிறகு கடந்த செப்டம்பரில் ஆப்பிள் வாட்ச் அல்ட்ரா 2 மாடலையும் அறிமுகம் செய்தது. இந்திய சந்தையில் ஆப்பிள் வாட்ச் அல்ட்ரா 2 மாடலின் விலை ரூ. 89 ஆயிரத்து 990 என்று நிர்ணயம் செய்யப்பட்டு இருக்கிறது.

    ஆப்பிள் வாட்ச் அல்ட்ரா மற்றும் ஆப்பிள் வாட்ச் அல்ட்ரா 2 என இரு மாடல்களிலும் ஏரோஸ்பேஸ் ரக அலுமினிம்-தர டைட்டானியம் கேஸ், மெட்டல் ஆக்ஷன் பட்டன், சஃபயர் க்ரிஸ்டல் பிளாக் பேனல் வழங்கப்பட்டு உள்ளது.

    • பில்ட்-இன் மைக்ரோபோன் மற்றும் ஸ்பீக்கர் வழங்கப்பட்டு இருக்கிறது.
    • லுமோஸ் ஸ்மார்ட்வாட்ச்-இல் ஃபயர் போல்ட் ஹெல்த் சூட் உள்ளது.

    ஃபயர் போல்ட் நிறுவனத்தின் முற்றிலும் புதிய ஸ்மார்ட்வாட்ச் மாடல் "லுமோஸ்" (Lumos) என்ற பெயரில் அறிமுகம் செய்யப்பட்டது. புதிய மாடல் அந்நிறுவனம் ஏற்கனவே அறிமுகம் செய்த சொலரிஸ் மற்றும் சொலெஸ் மாடல்களுடன் இணைகிறது. புதிய ஃபயர் போல்ட் லுமோஸ் மாடலில் 1.91 இன்ச் டிஸ்ப்ளே, ப்ளூடூத் காலிங், உடல்நல அம்சங்கள் மற்றும் பல்வேறு வசதிகள் உள்ளன.

    இந்த ஸ்மார்ட்வாட்ச்-இல் உள்ள டிஸ்ப்ளே HD ஸ்கிரீன், 240x280 பிக்சல் ரெசல்யூஷன் கொண்டிருக்கிறது. இத்துடன் 100-க்கும் அதிகமான கிளவுட் சார்ந்த வாட்ச் ஃபேஸ்கள் உள்ளன. இத்துடன் பில்ட்-இன் மைக்ரோபோன் மற்றும் ஸ்பீக்கர் வழங்கப்பட்டு இருக்கிறது. இதை கொண்டு ப்ளூடூத் காலிங் மற்றும் வாய்ஸ் அசிஸ்டண்ட் போன்ற அம்சங்களை பயன்படுத்த முடியும்.

    புதிய லுமோஸ் ஸ்மார்ட்வாட்ச்-இல் ஃபயர் போல்ட் ஹெல்த் சூட் உள்ளது. இதில் ஹார்ட் ரேட் டிராக்கிங், SpO2 டிராக்கிங் மற்றும் ஸ்லீப் டிராக்கிங் போன்ற வசதிகள் வழங்கப்பட்டுள்ளன. இத்துடன் 100-க்கும் அதிக ஸ்போர்ட்ஸ் மோட்கள் வழங்கப்பட்டு இருக்கின்றன. கூடுதல் அம்சங்களாக ஸ்மார்ட் நோட்டிஃபிகேஷன், பில்ட்-இன் கேம்ஸ் உள்ளன.

    இவைதவிர வானிலை அப்டேட்கள், கால்குலேட்டர், மியூசிக், கேமரா கண்ட்ரோல் உள்ளிட்ட வசதிகளும் உள்ளன. புதிய ஃபயர் போல்ட் லுமோஸ் ஸ்மார்ட்வாட்ச் ரோஸ் கோல்டு, சில்வர், புளூ, பிளாக் மற்றும் கோல்டு என ஐந்துவிதமான நிறங்களில் கிடைக்கின்றன. இதன் விற்பனை அமேசான் மற்றும் ஃபயர் போல்ட் வலைத்தளங்களில் நவம்பர் 30-ம் தேதி துவங்குகிறது.

    இந்திய சந்தையில் புதிய ஃபயர் போல்ட் லுமோஸ் ஸ்மார்ட்வாட்ச் ரூ. 1499 எனும் விலையில் விற்பனை செய்யப்பட இருக்கிறது. இது அறிமுக விலை என்பதால், எப்போது வேண்டுமானாலும் மாற்றப்படலாம் என்று தெரிகிறது.

    • ஆப்பிள் நிறுவனத்தின் வாட்ச் சீரிஸ் 9 மாடல் 18 மணி நேரத்திற்கு பேட்டரி பேக்கப் வழங்குகிறது.
    • ஆப்பிள் வாட்ச் சீரிஸ் 9 மாடலில் உடல்நலன் சார்ந்த அம்சங்களை சிரி வழங்குகிறது.

    ஆப்பிள் நிறுவனத்தின் அதிகம் எதிர்பார்க்கப்பட்ட ஆப்பிள் வாட்ச் சீரிஸ் 9 மாடல் அறிமுகம் செய்யப்பட்டது. புதிய ஆப்பிள் வாட்ச் சீரிஸ் 9 மாடலில் ஆப்பிள் எஸ்9 சிப்செட் மூலம் இயங்குகிறது. இதில் உள்ள டபுள் டாப் அம்சம் கொண்டு அழைப்புகளை இயக்கும் வசதி வழங்கப்படுகிறது. அந்த வகையில், ஆப்பிள் வாட்ச் சீரிஸ் 9 மாடலின் பல்வேறு அம்சங்களை டபுள் டேப் மூலம் இயக்கிவிட முடியும்.

    இந்த அம்சம் மெஷின் லெர்னிங் அல்காரிதம் மற்றும் ஏராளமான சென்சார்களின் உதவியோடு இயங்குகிறது. ஆப்பிள் வாட்ச் சீரிஸ் 9 அறிவிப்பின் போது 2030 ஆண்டு வாக்கில் ஆப்பிள் நிறுவனம் சுற்றுச்சூழலுக்கு பாதிப்பை ஏற்படுத்தாத நிறுவனம் என்ற நிலையை அடையும் என்று தெரிவித்தது. இதற்காக ஆப்பிள் பொருட்களில் பெரும்பாலும் மறுசுழற்சி செய்யப்பட்ட பொருட்களே பயன்படுத்தப்படுவதாக ஆப்பிள் தெரிவித்தது.

     

    ஆப்பிள் வாட்ச் சீரிஸ் 9 மாடல் சுற்றுச்சூழலுக்கு எந்த பாதிப்பையும் ஏற்படுத்தாத வகையில் உருவாக்கப்பட்டு இருப்பதாக ஆப்பிள் தெரிவித்துள்ளது. இதனை உணர்த்தும் சிறப்பு லோகோ ஆப்பிள் வாட்ச் சீரிஸ் 9 பாக்ஸ்-இல் இடம்பெற்று இருக்கிறது.

    ஆப்பிள் வாட்ச் அல்ட்ரா 2 மாடலில், ஆப்பிள் இதுவரை உருவாக்கியதிலேயே அதிக பிரைட்னஸ் கொண்ட டிஸ்ப்ளே உள்ளது. இந்த மாடலிலும் எஸ்9 சீரிஸ் சிப்செட் வழங்கப்பட்டு இருக்கிறது. இதில் உள்ள பேட்டரியை முழுமையாக சார்ஜ் செய்தால் 36 மணி நேரத்திற்கு பேட்டரி பேக்கப் வழங்குகிறது. புதிய ஆப்பிள் வாட்ச் மாடல்களுக்கான முன்பதிவு ஏற்கனவே துவங்கிவிட்டது. விற்பனை செப்டம்பர் 22-ம் தேதி துவங்குகிறது.

    • பிக்சல் வாட்ச் 2 மாடலுக்கான டீசர் வீடியோ வெளியிடப்பட்டு இருக்கிறது.
    • பிக்சல் வாட்ச் 2 விற்பனை ஃப்ளிப்கார்ட் வலைதளத்தில் நடைபெற இருக்கிறது.

    கூகுள் நிறுவனம் பிக்சல் 8 மற்றும் பிக்சல் 8 ப்ரோ சீரிஸ் ஸ்மார்ட்போன் மாடல்களுக்கான டீசர்களை சமீபத்தில் வெளியிட்டது. இந்த நிலையில், ஸ்மார்ட்வாட்ச் மாடலுக்கான டீசர் தற்போது வெளியிடப்பட்டு இருக்கிறது. டீசரில் பிக்சல் வாட்ச் 2 தோற்றம் மட்டுமின்றி அதன் இந்திய வெளியீடு பற்றிய தகவல்களும் தெரியவந்துள்ளது.

    பிக்சல் வாட்ச் 2 மாடலுக்கான டீசர் வீடியோ கூகுள் இந்தியா அதிகாரப்பூர்வ எக்ஸ் அக்கவுண்டில் வெளியிடப்பட்டு இருக்கிறது. அதில் பிக்சல் வாட்ச் 2 மாடல் அக்டோபர் 5-ம் தேதி இந்திய சந்தையில் அறிமுகம் செய்யப்படும் என்று தெரிவிக்கப்பட்டு உள்ளது. மேலும் இதன் விற்பனை ஃப்ளிப்கார்ட் வலைதளத்தில் நடைபெறும் என்றும் தெரியவந்துள்ளது.

    இத்துடன் பிக்சல் 8 மற்றும் பிக்சல் 8 ப்ரோ ஸ்மார்ட்போன்களின் இந்திய முன்பதிவு அக்டோபர் 5-ம் தேதி துவங்கும் என்றும் தெரிவிக்கப்பட்டு இருக்கிறது. கடந்த ஆண்டு கூகுள் அறிமுகம் செய்த பிக்சல் வாட்ச் மாடல் இந்திய சந்தையில் அறிமுகம் செய்யப்படவில்லை. எனினும், இந்த ஆண்டு கடந்தமுறை போன்றில்லாமல், பிக்சல் வாட்ச் 2 மாடல் இந்திய சந்தையில் அறிமுகம் செய்யப்படுகிறது.

    தோற்றத்தில் பிக்சல் வாட்ச் 2 மாடல் அதன் முந்தைய வெர்ஷனை விட அதிக மாற்றங்களை பெறவில்லை. இந்த மாடலுக்கான பேன்ட்-கள் பிக்சல் 8 ப்ரோ நிறங்களில் கிடைக்கும் என்று தெரியவந்துள்ளது.

    • போட் நிறுவனத்தின் முற்றிலும் புதிய ஸ்மார்ட்வாட்ச் மெட்டல் பாடி கொண்டிருக்கிறது.
    • போட் வேவ் எலிவேட் என்று அழைக்கப்படும் ஸ்மார்ட்வாட்ச் ப்ளூடூத் காலிங் வசதியும் கொண்டிருக்கிறது.

    போட் நிறுவனம் இந்திய சந்தையில் போட் வேவ் எலிவேட் ஸ்மார்ட்வாட்ச் மாடலை அறிமுகம் செய்து இருக்கிறது. புதிய ஸ்மார்ட்வாட்ச் தோற்றத்தில் ஆப்பிள் வாட்ச் அல்ட்ரா போன்றே காட்சியளிக்கிறது. இந்த வாட்ச் மெட்டாலிக் பாடி, கிரவுன், பல்வேறு நிறங்களில் கிடைக்கும் ஓசன் பேண்ட் ஸ்டிராப் உடன் கிடைக்கிறது.

    இதில் 1.96 இன்ச் அளவில் பெரிய HD ஸ்கிரீன், கஸ்டமைஸ் செய்யக்கூடிய வாட்ச் ஃபேஸ்கள் வழங்கப்பட்டு உள்ளன. இத்துடன் ப்ளூடூத் காலிங் வசதி, அதிக தரமுள்ள இன்-பில்ட் மைக், டயல் பேட், காண்டாக்ட்களை ஸ்டோர் செய்து கொள்ளும் வசதி வழங்கப்பட்டு இருக்கிறது.

     

    புதிய போட் வேவ் எலிவேட் மாடலில் உடல்நல விவரங்களை டிராக் செய்யும் வசதி வழங்கப்பட்டு இருக்கிறது. இதில் SpO2, ஸ்லீப் மற்றும் 50-க்கும் அதிக ஸ்போர்ட்ஸ் மோட்கள், IP67 தர வாட்டர் மற்றும் டஸ்ட் ரெசிஸ்டண்ட் வசதி, அதிகபட்சம் ஐந்து நாட்களுக்கு பேட்டரி பேக்கப் வழங்கும் பேட்டரி கொண்டிருக்கிறது.

    இந்திய சந்தையில் புதிய போட் வேவ் எலிவேட் ஸ்மார்ட்வாட்ச் கிரே, பிளாக், கிரீன் மற்றும் ஆரஞ்சு நிறங்களில் கிடைக்கிறது. அறிமுக சலுகையாக இந்த ஸ்மார்ட்வாட்ச் ரூ. 2 ஆயிரத்து 299 விலையில் விற்பனை செய்யப்படுகிறது. இதன் விற்பனை அமேசான் வலைதளத்தில் செப்டம்பர் 6-ம் தேதி துவங்குகிறது. 

    • புதிய ஸ்மார்ட்வாட்ச்-இல் பில்ட்-இன் மைக்ரோபோன் மற்றும் ஸ்பீக்கர் உள்ளது.
    • இதில் உள்ள பேட்டரி அதிகபட்சம் ஐந்து நாட்களுக்கு பேட்டரி பேக்கப் வழங்குகிறது.

    போட் நிறுவனத்தின் புதிய வேவ் சிக்மா ஸ்மார்ட்வாட்ச் இந்திய சந்தையில் அறிமுகம் செய்யப்பட்டது. சமீபத்தில் தான் போட் ஸ்டார்ம் பிளஸ் மாடல் அறிமுகம் செய்யப்பட்ட நிலையில், தற்போது புதிய மாடல் அறிமுகமாகி இருக்கிறது. பட்ஜெட் பிரிவில் நிலை நிறுத்தப்பட்டு இருக்கும் போட் வேவ் சிக்மா ஸ்மார்ட்வாட்ச் 2.01 இன்ச் ஹெச்.டி. டிஸ்ப்ளே, ப்ளூடூத் காலிங் மற்றும் IP67 என ஏராளமான அம்சங்களை கொண்டிருக்கிறது.

    இத்துடன் பில்ட்-இன் மைக்ரோபோன் மற்றும் ஸ்பீக்கர் உள்ளது. இதில் கிரெஸ்ட் பிளஸ் ஒ.எஸ்., குயிக் டல் பேட் மற்றும் அதிகபட்சமாக பத்து கான்டாக்ட்களை ஸ்டோர் செய்து கொள்ளும் வசதி வழங்கப்படுகிறது. இத்துடன் 700-க்கும் அதிக ஸ்போர்ட்ஸ் மோட்கள், உடல்நலத்தை டிராக் செய்யும் ஏராள சென்சார்கள் வழங்கப்படுகின்றன.

     

    இதில் உள்ள 230 எம்.ஏ.ஹெச். பேட்டரியை முழுமையாக சார்ஜ் செய்தால் அதிகபட்சம் ஐந்து நாட்களுக்கான பேக்கப் கிடைக்கிறது. ப்ளூடூத் காலிங் வசதியை பயன்படுத்தினால், இதனை அதிகபட்சம் இரண்டு நாட்கள் வரை பயன்படுத்த முடியும். மேலும் இந்த ஸ்மார்ட்வாட்ச்-இல் கேமராவை இயக்கும் வசதி, மியூசிக் பிளேபேக் போன்ற ஆப்ஷன்கள் வழங்கப்படுகின்றன.

    இத்துடன் வானிலை விவரங்கள், அலாரம், ஸ்டாப்வாட்ச், டைமர், ஃபைன்ட் மை போன் மற்றும் பல்வேறு இதர வசதிகள் வழங்கப்பட்டு உள்ளன. இந்த ஸ்மார்ட்வாட்ச் ஆக்டிவ் பிளாக், கூல் புளூ, ஜேட் பர்பில், செர்ரி பிளாசம் மற்றும் கூல் கிரே போன்ற நிறங்களில் கிடைக்கிறது. இத்துடன் மெட்டல் பிளாக் நிற ஆப்ஷனில் மெட்டாலிக் ஸ்டிராப் வழங்கப்படுகிறது.

    போட் அதிகாரப்பூர்வ வலைதளத்தில் போட் வேவ் சிக்மா ஸ்மார்ட்வாட்ச் விலை ரூ. 7 ஆயிரத்து 499 என்று நிர்ணயம் செய்யப்பட்டு உள்ளது. அறிமுக சலுகையாக இதன் விலை ரூ. 1,299 என்று நிர்ணயிக்கப்பட்டு இருக்கிறது. 

    ×