search icon
என் மலர்tooltip icon

    நீங்கள் தேடியது "97th birthday"

    தி.மு.க. பொதுச்செயலாளர் பேராசிரியர் க.அன்பழகனுக்கு இன்று 97-வது பிறந்த நாள். இதையொட்டி மு.க.ஸ்டாலின் நேரில் சென்று வாழ்த்து தெரிவித்தார். #DMK #KAnbazhagan #MKStalin
    சென்னை:

    தி.மு.க. பொதுச்செயலாளர் பேராசிரியர் க.அன்பழகனுக்கு இன்று 97-வது பிறந்த நாள்.

    இதையொட்டி தி.மு.க. தலைவர் மு.க.ஸ்டாலின் நேற்று காலையில் கீழ்ப்பாக்கத்தில் உள்ள அன்பழகனின் வீட்டுக்கு நேரில் சென்று அவருக்கு பிறந்த நாள் வாழ்த்து தெரிவித்தார்.

    க.அன்பழகன் தனது முதுமையை கவனத்தில் கொண்டும் கஜா புயல் பேரிடரை கருதியும் பிறந்த நாள் கோலாகலங்கள் வேண்டாம்-நேரில் வந்து சந்திக்க வேண்டாம் என்று வேண்டுகோள் விடுத்து இருந்தார்.

    கோப்புப்படம்

    இந்த வேண்டுகோளை வலியுறுத்தி தி.மு.க. தலைவர் மு.க.ஸ்டாலினும் அறிக்கை வெளியிட்டு இருந்தார். இதனால் அவரை சந்திக்க தொண்டர்கள் யாரும் செல்லவில்லை.

    அன்பழகன் பேச முடியாத அளவுக்கு தொண்டையில் கரகரப்பு உள்ளதால் தொலைபேசியில் யாரும் தொடர்பு கொண்டு தொந்தரவு கொடுக்க கூடாது என்பதற்காக அவரது மகன் தனது வீட்டுக்கு அன்பழகனை அழைத்து சென்று விட்டார்.

    இதனால் கட்சி நிர்வாகிகள் யாரும் அவரை தொடர்பு கொண்டு வாழ்த்து தெரிவிக்கவில்லை. #DMK #KAnbazhagan #MKStalin
    ×