டூயல் கேமரா கொண்ட மோட்டோ X4: விரைவில் வெளியாகும் என தகவல்

புதுடெல்லி:  

மோட்டோரோலா இந்தியாவின் புதிய ஸ்மார்ட்போன் சார்ந்த டீசர் அந்நிறுவன சமூக வலைத்தள பக்கங்களில் வெளியிடப்பட்டுள்ளது. புதிய டீசரில் “Xperience” என்ற வார்த்தை பயன்படுத்தப்பட்டிருப்பதைத் தொடர்ந்து அந்நிறுவனம் மோட்டோ X4 ஸ்மார்ட்போனினை வெளியிடலாம் என எதிர்பார்க்கப்படுகிறது.

முன்னதாக நடைபெற்ற IFA 2017 விழாவில் அறிமுகம் செய்யப்பட்ட மோட்டோ X4 ஸ்மார்ட்போனில் அலெக்சா மற்றும் கூகுள் அசிஸ்டண்ட் வாய்ஸ் சேவைகள் மற்றும் டூயல் பிரைமரி கேமரா உள்ளிட்டவை இடம்பெற்றிருந்தது. புதிய டீசர்களில் மோட்டோ X4 பெயர் குறிப்பிடப்படாத நிலையில், புகைப்படங்கள் அனைத்தும் X4 மாடலை குறிப்பிடுவதாகவே கருதப்படுகிறது.



மோட்டோ X4 சிறப்பம்சங்கள்:

- 5.2 இன்ச் ஃபுல் எச்டி 1080x1920 பிக்சல் LTPS IPS டிஸ்ப்ளே
- 2.2 ஜிகாஹெர்டஸ் குவால்காம் ஸ்னாப்டிராகன் 630 ஆக்டா கோர் பிராசஸர்
- 3 ஜிபி ரேம்
- 12 எம்பி + 8 எம்பி பிரைமரி கேமரா
- 16 எம்பி செல்ஃபி கேமரா
- 3000 எம்ஏஎச் பேட்டரி, ஃபாஸ்ட் சார்ஜிங் வசதி
- 4ஜி எல்டிஇ, ப்ளூடூத், வைபை
- யுஎஸ்பி டைப்-சி போர்ட்

மெட்டல் யுனிபாடி வடிவமைப்பு கொண்ட மோட்டோ X4 ஸ்மார்ட்போனில் சூப்பர் பிளாக் மற்றும் ஸ்டீரிங் ப்ளூ நிறங்களில் கிடைக்கிறது. முன்பக்கம் கைரேகை ஸ்கேனர் கொண்ட மோட்டோ X4 ஆண்ட்ராய்டு 7.1 நௌக்கட் இயங்குதளம் மற்றும் ஒற்றை சிம் கார்டு ஸ்லாட் வழங்கப்பட்டுள்ளது.

அதிநவீன கேமரா வழங்கப்பட்டுள்ளதோடு, அல்ட்ரா-வைடு ஆங்கிள் ஷாட், புரோஃபெஷனல் மோட், டெப்த் டிடெக்ஷன் என பல்வேறு ஆப்ஷன்கள் கேமராவில் சேர்க்கப்பட்டுள்ளன. இதுதவிர அலெக்சா மற்றும் கூகுள் அசிஸ்டண்ட் வசதிகள் இந்தியாவில் வழங்கப்பட மாட்டாது என்றே கூறப்படுகிறது.