எந்த கூட்டணிக்கு சென்றாலும் 40 தொகுதிகளை கேட்டு பெற வேண்டும் - தேமுதிக நிர்வாகிகள் வலியுறுத்தல்

தே.மு.தி.க. தலைமை அலுவலகத்தில் பொதுச்செயலாளர் பிரேமலதா விஜயகாந்த் கட்சி நிர்வாகிகளுடன் ஆலோசனை நடத்தினார்.

தொகுதி வாரியாக நடைபெற்று வரும் ஆலோசனை கூட்டத்தில் பொதுச்செயலாளரிடம் நிர்வாகிகள் பல்வேறு கருத்துக்களை முன்வைத்தனர். அவர்கள் முன்வைத்த கோரிக்கைகள்:

* கடந்த தேர்தலின்போது அ.தி.மு.க. நம்மை மதிக்கவில்லை.

* கடந்த தேர்தலின்போது அ.தி.மு.க.வினர் சரியாக ஒத்துழைப்பு கொடுக்கவில்லை.

* தே.மு.தி.க. தொலைக்காட்சியை மீண்டும் தொடங்க வேண்டும்.

* நிர்வாகிகளுக்கு செலவுக்கு பணம் போதுமானதாக இல்லை. தலைமைக்கழகத்தில் இருந்து பணம் கொடுத்தால் பேருதவியாக இருக்கும்.

* 6 மாதத்திற்கு ஒருமுறை பல்வேறு சுற்றுப்பயணம் மேற்கொள்ள வேண்டும். கட்சியை பலப்படுத்த வேண்டும்.

* நமக்கு சாதகமான தொகுதிகளை கண்டறிந்து, அந்த தொகுதிகளை பலப்படுத்தி, கூட்டணியின்போது தொகுதிகளை கேட்டு பெற வேண்டும்.

* குறிப்பாக இந்த முறை நாம் எந்த கூட்டணிக்கு சென்றாலும் 40 தொகுதிகளை கேட்டு பெற வேண்டும்.

* நமக்கு யார் சரியான ஒத்துழைப்பு தருகிறார்களோ அந்த கட்சியிடம் கூட்டணி வைக்க வேண்டும் என்று வலியுறுத்தினர்.