வரலாறு காணாத விலையில் தங்கம்... மக்கள் அதிர்ச்சி

சென்னை:

சென்னையில் ஆபரணத்தங்கத்தின் விலை இம்மாதம் தொடக்கத்தில் இருந்தே ஏறுமுகமாக இருந்து வருகிறது. கடந்த 5-ந்தேதி சவரனுக்கு ரூ.680-ம், 6-ந்தேதி சவரன் ரூ.200-ம் உயர்ந்தது.

இந்நிலையில் இன்று தங்கம் விலை சவரனுக்கு ரூ.400 உயர்ந்து ஒரு சவரன் ரூ.48,720-க்கும் கிராமுக்கு ரூ.50 உயர்ந்து ஒரு கிராம் ரூ.6,090-க்கும் விற்பனை செய்யப்படுகிறது.

கடந்த 3 நாட்களில் மட்டும் தங்கம் விலை சவரனுக்கு ரூ.1,280 உயர்ந்துள்ளதால் மக்கள் அதிர்ச்சியில் உள்ளனர்.