என் மலர்

    செய்திகள்

    மணிகண்டன்
    X
    மணிகண்டன்

    4½ வயது சிறுமிக்கு பாலியல் தொல்லை - தொழிலாளிக்கு 26 ஆண்டுகள் சிறை

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    4½ வயது சிறுமிக்கு பாலியல் தொல்லை கொடுத்த தொழிலாளிக்கு 26 ஆண்டுகள் சிறைத்தண்டனை வழங்கி திருவள்ளூர் கோர்ட்டு தீர்ப்பு வழங்கியது.
    திருவள்ளூர்:

    சென்னை பாடி புதுநகர் பகுதியை சேர்ந்த 4½ வயது சிறுமியை அந்த சிறுமியின் தாயார் சென்னை முகப்பேர் கிழக்கு பகுதியில் உள்ள உறவினர் வீட்டில் கடந்த 2012-ம் ஆண்டு விட்டிருந்தார்.

    27-1-2012 அன்று கடைக்கு பென்சில் வாங்குவதற்கு சென்ற அந்த சிறுமியை சென்னை விருகம்பாக்கம் மேட்டுக்குப்பம் ஏரிக்கரை பகுதியை சேர்ந்த கூலித்தொழிலாளியான மணி என்கிற மணிகண்டன் (35) முகப்பேர் கிழக்கு நக்கீரன் சாலையில் உள்ள பாழடைந்த குழந்தைகள் மைய கட்டிடத்திற்கு ஆட்டோவில் அழைத்துச் சென்றார்.

    குடிபோதையில் அந்த சிறுமியின் உடலில் பல இடங்களில் நகங்களால் கீறி பாலியல் தொல்லை கொடுத்துள்ளார். இரவு முழுவதும் அந்த சிறுமியை சித்ரவதை செய்துள்ளார்.

    28-1-2012 அன்று அந்த பகுதியை சேர்ந்த பொதுமக்கள் சிறுமியுடன் இருந்த மணிகண்டனை சுற்றி வளைத்து பிடிக்க முயன்றனர். அப்போது அவர் பொதுமக்கள் மீது கற்களை வீசி அவர்களை விரட்டியுள்ளார்.

    பின்னர் அவர்கள் சென்னை முகப்பேர் ஜெ.ஜெ. நகர் போலீஸ் நிலையத்திற்கு தகவல் தெரிவித்தனர். போலீசார் சம்பவ இடத்திற்கு விரைந்து வந்து மணிகண்டனை கைது செய்து அந்த சிறுமியை மீட்டனர். இது குறித்து அந்த சிறுமியின் தாயார் ஜெ.ஜெ.நகர் போலீசில் புகார் செய்தார்.

    இந்த வழக்கு விசாரணை திருவள்ளூரில் உள்ள மாவட்ட மகளிர் விரைவு கோர்ட்டில் நடந்து வந்த நிலையில் நேற்று தீர்ப்பு வழங்கப்பட்டது.

    சட்டத்திற்கு புறம்பாக சிறுமியை கடத்தி அடைத்து வைத்து கொடுங்காயம் ஏற்படுத்தியதற்கு 14 ஆண்டுகள் ஆயுள் தண்டனையும், சிறுமிக்கு பாலியல் தொல்லை கொடுத்ததற்காக 10 ஆண்டுகள் சிறைத்தண்டனையும், சிறுமியை அடித்து மிரட்டி துன்புறுத்தியதற்காக 2 ஆண்டுகள் சிறைத்தண்டனை என மணி கண்டனுக்கு மொத்தம் 26 ஆண்டுகள் சிறைத்தண்டனை விதித்து நீதிபதி தீர்ப்பளித்தார்.

    Next Story
    ×