பிரெஞ்சு ஓபன் டென்னிஸ்: சின்னா், சுவரேவ் கால்இறுதிக்கு தகுதி

பாரீஸ்:

கிராண்ட்சிலாம் போட்டிகளில் ஒன்றான பிரெஞ்சு ஓபன் டென்னிஸ் போட்டி பாரீஸ் நகரில் நடைபெற்று வருகிறது.

உலகின் முதல் நிலை வீரரான ஜானிக் சின்னர் (இத்தாலி) 4-வது சுற்று ஆட்டத்தில் 17-வது வரிசையில் உள்ள ஆந்த்ரே ரூப்லெவை (ரஷியா) எதிர் கொண்டார்.

இதில் சின்னர் 6-1, 6-3, 6-4 என்ற நேர் செட் கணக்கில் வென்று கால் இறுதிக்கு தகுதி பெற்றார். இந்த வெற்றியை பெற அவருக்கு 2 மணி நேரம் தேவைப்பட்டது. சின்னர் கால் இறுதியில் கஜகஸ்தானை சேர்ந்த அலெக் சாண்டர் பப்ளிக்கை சந்திக்கிறார். அவர் 4-வது சுற்றில் 5-வது வரிசையில் உள்ள ஜேக் டிராபரை (இங்கிலாந்து) 5-7, 6-3, 6-2, 6-4 என்ற செட் கணக்கில் வீழ்த்தினார்.

மற்றொரு ஆட்டத்தில் 3-வது வரிசையில் உள்ள அலெக்சாண்டர் சுவரேவ் (ஜெர்மனி) 4-வது சுற்றில் கிரிக்ஸ்பூரை (நெதர்லாந்து) எதிர்கொண்டார். இதில் சுவரேவ் 6-4, 3-0 என்ற கணக்கில் முன்னிலையில் இருந்தபோது கிரிக்ஸ்பூர் காயத்தால் விலகினார். இதனால் சுவரேவ் வெற்றி பெற்றதாக அறிவிக்கப்பட் டது. ஜோகோவிச்-சுவரேவ் கால் இறுதியில் மோதுகிறார்கள்.

24 கிராண்ட்சிலாம் பட்டம் வென்றவரும், 6-ம் நிலை வீரருமான ஜோகோவிச் (செர்பியா) 4-வது சுற்றில் இங்கிலாந்து வீரர் கேமரூன் நாரியை 6-2, 6-3, 6-2 என்ற நேர் செட் கணக்கில் எளிதில் வென்றார்.